صراخ صامت

بارت 10

#صراخ_صامت
للكاتبة:زهراء الخالدي
..

يا عثگ كلي شلون تتحمل البيك
والطيحك من فوك نفسه اليربيك
🖤🖤،
..

كعدت المغرب ع صوت القرأن عالي ، فتحت عيوني ع كيف الغرفة ضلمه بس ضوة الصالة يجيني ع كيف من فتحات الباب ، تلمست مكان زينة ماكو ، كمت لميت شعري منا ومنا ورجعت انمطلت ع الفراش احس نفسي تعبانة من النوم هههه ، اخر شي كمت فتحت الباب صارت بوجهي أمي اليوم شعجب مراحت البيت أشواق ابد ، خلصته مكابلتنه وكاعدة ، ماحجيت وياه شي اتعديته ورحت للمطبخ اريد اغسل وجهي ع سنك مابيه حيل اطلع برة لأن الجو بارد بده يكسر ..

غسلت وجهي بمي بارد حته اصحصح لأن مرات لواحد من ينام الضهر من يكعد يضل بس يتصفن ودايخ وأني هاي حالتي اذا انام الضهر ، رحت للاستقبال اشوف أبوي وما اشوف بس زينة لافه الشال ومخلية شال ع اكتافه وبيده السبحة تسبح ، ضحكت ع شكله وكتله :

-قبل الله علوية زينة ،

-نجبي لتكولين علوية بيج خير صلي .

-اياا ادبسُز موهستوج صليتي ليش تغلطين ؟

-الـنجبي متنحسب غلطة (حجته ودنكت تسبح )

-تهي بهي مابقه بس العلوية زينة تصلي وتنصح بلعالم .
عفته ورحت ادور ع فطوم ليوم مفتقدته ابد ماشفته ، صار ابوي بوجهي سئلته ع فاطمة كال نايمة بلغرفة لفوك ،
صعدت وفتحت لباب كبل بدون لا أحم ولا دستور ، شفت امي مخلية لمبايل ع اذانه ودايره وجه من سمعت لباب اندات وكع لمبايل منه وتفلش ، ضليت بمكاني منتضرة الرزالة مالته ، بس ما رزلتني دنكت تلم بقطع لمبايل وتشكل بي .

من شفته محاجتني اتطمنت ، تقدمت للجرباية حته اشوف فطوم اليوم  كُلش مفتقدته ، شفته نايمة تقربت بسته وغطيته عدل ، هستوني اريد اطلع وصاحت امي :

-اخذيه نزليه جوة اريد انضف الغرفة وخاف تكعد

-هزيت راسي اله وتقدمت للجرباية وخرت الغطه من يمـَه وشلته ع الرغم هيه مو زغيرة تكدر تمشي بس كسرت خاطري ماريد اكعده من النوم ، اخذته ونزلت الدرج ع كيف امشي حته لتكعد بس لمعلونة فزت بسرعة ، هستوه تريد تبجي بس من شافتني سكتت ورجعت راسه الصدري ، نزلنه جوة رحت غسلت اله وشربته مي وعدلت ملابسه وراحت يم أبوي وزينة ، زينة مخلصته كله يَم ابوي وتقلد بحركاتة شيسوي تسوي نفسه ، اذا طبك المخده ونام اتسوي نفس الحركة اذا اتربع وكعد هم تسوي نفس الحركة اذا خله ايده جوة راسه من يباوع للتلفزيون هم تسوي نفسة وهوه يحبه متونس ع حركاته ..

اني عفتهم ورحت الغرفتنة وكفت بنص الغرفة جريت نفس وزفرته بملل ، اخر شي رحت للكنتور طلعت صبغ اضافر وكعدت اصبغ بأضافري حته من اروح البيت عمي كاشخة ع أخر حباية ، ليكول مو رايحة البيت عمي لا الـتركيا ع كد ما فرحانة ، خلصت وكعدت اهفي عليهن حته ينشفن وباوع عليهن وفرحانة ، نشفن ورحت للاستقبال بس طبيت زينة كامت تشمشم اخر شي قلصت عيونه عليه وكالت :