صراخ صامت

بارت 1

#صراخ_صامت
للكاتبة:زهراء الخالدي
..

و أيامي ورد مذبوح بجفوف
الغشيم الما عرف يشتم🖤،
..

-كاعده ومكابله الصوبه ، واكيد متلفلفه بلبطانية ولقوري فوك لصوبه ولخبزة اكيد ، اطيب اكله عندي بلشتا هاي اموووت عليه ،

نوب هاذا الشتا ميخلي واحد يتفاهم ويا بس كعدت شويه ، ونعست ونمت .

خواتي وحده ترسم يمي ، والثانيه
تشر ملابس واني مخلصه شغلي وكاعده ماعندي شي ،

مرات اذا ماعندي شي احب اكعد ارسم لو اتمكيج ، اجمع مصرفي واشتري مكياج كلش احبه .

وأحـب ارسم صح رسمي مو قوي بس اخلصه ارسم فساتين او ارسم مشاريع بالي ع ورقه ،

ومرات نلعب اني وخواتي بلورقة نكتب اسمائنه ونسوي اوراق زغار كلش ، ونكتب بيه مثل (ملك وزير شرطي عامل ) ونطبقهن ونخلطهن ونختار ، وليطلع النة نكتب بلورقه جوه اسمائنه شكد اخذنه ، وبل اخير نجمعهن
ونشوف منو اكثر وحده جابت نقاط هيه التفوز كلش حلوه هاي العبة ،

ولمصراع والحية ودرج كلش احبهن اتونس بيهن ..

رجعت بذكرياتي لبيت جدي :

جانت طفولتي تجنن بحيث بدي ماكبر واضل طفلة يمكن طفولتي لجزء لوحيد لبحياتي لأني سعيدة بي ،

بيت كبير وعائلة كبيرة مليـانة اطفال ، يغمره لفرح ولحنان جانت بيبيتي تلمنة كلنه سوه ، وتسوي اكلاته لمشهوره

(محروك اصبعه ، والبحت ، "رز بلحليب") .

رغم بساطتهن بس جانن حيل طيبات ،

واحلة شي من نكعد ناكل بسفره وحدة ، كلنه نجمع وكلمن يكعد هوة وعائلتة ، ع سفرة وبنص الساحة نكعد ناكل سوالف وضحك وشقة ،

صح جنة كاعدين بغرفه وحدة ، بس كلش فرحانين امي وابوي علاقتهم تجنن ، جانت عندي قدوه بيهم وبحبهم وتفاهمهم ،
صح لغرفة كلش زغيره بس جنة فرحانين كلش وماعدنة مشاكل ابد ،

بس سرعان ما بعنه البيت الجان لامنة ، البيت العشت بي اجمل ايام حيـاتي ،

لأن عائلتنه كبرت كلش ولغرف زغار واحنه كبرنة كلش خاصتاً لولد ،

بس ياريت مابعنا .

ابوي بعد ماخذ حصتة اشترة بيت بأحد مناطق بغداد جنة نلم بغراضنه ، وكلش فرحانين راح تصير عدنه غرفة وحدنه طايرة من الفرح ،

انتقلنه لبيتنـة ألعبارة عن ٩٠ متر

بي غرفتين ، غرفة جوة وغرفة فوك واستقبال ومطبخ وطرمة كلش زغيرة ،

لغرفة لجوة صارت النه ، خلينه بيه بس كنتور وفرشناه وخلينه بردات .

ابوي معدة يجيب النه غرفة كاملة نفس اميرات دزني الجنت احلم بيهن ، بس لأمي شترة غرفة مستعملة بس احنة اكتفينه بلموجود ،

مرت لايام وكلش فرحانين بلبيت لاكن ،

(تجري الرياح بما لا تشتهي السفن)

بعد مستقرينه جنه كاعدين العصر

اندك الباب رحت افتحة ،

شفت مرة لابسة عباية وبنيه زغيره ، بس شفته رحت اركض حته ما ركزت بيه .

اجيت اركض كلت لأمي ، اكو مرة بلباب
طلعت امي اله وسمعته تسلم علِيه وترحب ،

طبت المرة او نكول شابهز تقريباً عمره بـ30 ، حلوة بيضة وقصيرة وجه بي حمار وياه بنيه زغيره متشبه مو نفسه حلوة ،

طبت وخلت هديته بلباب
امي كامت تحجي عليه ع شنـوو جايبة ومستحية منه ،

ضيفناهه وكعدن يسولفن وعزمت امي كلتله يوميه لعصر تعاي نجمع يومية اني وصديقاتي وشكم مرة من لفرع ،

امي كيفت عاد هيه شويه وكامت واخذت رقم امي وطلعت .

كتله: يمة شكد حلوة

-اي مبينه مرتاحة ، شفتي لبسه خو اديه متكدر ترفعهن من لذهب .

-مجاوبت علِيه اكتفيت بلسكوت
ورحت لغرفتنه فرشت فراشاتنه وعزلته هلغرفه صايره سلوتي نهار كله اعدل ورتب بيه وخو لكنتور كل شوي مرتبتة ممصدكة عندي غرفه ،

ثاني يوم امي راحت اله وعرفت اسمه (اشواق) امي كلش حبت اشواق وهيه همين ،

صارت ليل مع نهار يمهم خلصت شغله لبست لعبايه وراحت يمه ،

ابوي يحجي عليه مراضي بس مايكدر اله ،

وكل عادة نفس كل يوم لبست عبايته وطلعت ماطولت دقايق وطبت وبيده علاكه ودفتر زغير ..

يتبع..

(بارت قصير كلش صح لبارتات لاولة حيصيرن قصيرات شوي بس لقادم نار وشرار😈🖤)