صراخ صامت

بارت 8

#صراخ_صامت
للكاتبة:زهراء الخالدي
..

جبتهن بالتدرج هاي تدفع هاي
ومسايس عمر يا هاديَ اتهدّي .
الم بيهن سنة وتفلت سنة من الخيط
طشة وما نفعها اتبلبسي وشدّي🖤،
..

طلعنة اني وزينة حته نشتري ، وزينة خلصته علِيه مناكر واني احله منج ، اخر شي نزعت نعالي وشمرته عليه .

اخذت نعال وراحت تركض وتضحك ركضت وراه وكمت اضحك ع ضحكه وسوالفه ، تركض واني وراه اركض لحد ما شفت شي خله ابتسامتي تغيب من وجهي بسرعة ..

سيارة طابكه ع صفحه وبيه مره ورجال ، المره ممبين من وجه شي واصلاً لابسه عبايه ومثل الشال ع وجه مخليته ،
والرجال ٲصلاً ماركزت بشكلة ابد لأن الشغل بالي فاطمة اختي الزغيرة كاعده بحضن المره ، من شفته خفت وكلبي احسه يدك بحلكي مو بصدري من لخوف ع أختي .

تقربت شوي شوي افتريت من ورة السيارة والحسن حضي جان الفرع مابي ضوة هواي بس شكم بيت مشغلين كلوباتهم وعاكس ع وجوهم فبسرعة لمحت اختي ، بس من ورة لا ماكو ضوة قوي اصلاً حته بلمرايات ميشوفوني ..

افتريت من ورة السيارة ومخليه ايدي ع كلبي حته زينة نسيته ، دنكت وتقربت من باب السيارة حته اسمع شيحجون لأن جامة الرجال مفتوحه شوي ، سمعت صوت امي ؟

اي امي بس شسوي بلسيارة ؟
منو هاذا ومنين تعرفه امي ؟
الف سـؤال وسؤال صار براسي بس مالكيت الهن جواب ،
حتاريت كلش ! بس الطمني انو فاطمة اختي عند امي ، واني خفت عبالي خاطفيه اسم الله ، ياربي كلشي ولا خواتي ذني نقطت ضعفي (احجي بكلبي وعيوني مدمعة) ..

همه يحجون وماعرف شنـوو يحجون او ما افهم عليهم لأن بالي مو يمهم اصلاً ، بس امي كل شوية وتضحك ماعرف شنـوو يكول اله ،

واني مدنكة سمعت صوت زينة انداريت عليه شفته واكفه ورة السيارة ومتخصرة وعيونه مدمعه ، ياربي راح تفضحني مشيت واني مدنكه ع سريع لحد موصلت اله وكمت خليت ايدي ع حلكه خاف تحجي وتفضحني ،
جريته وكمت امشي بيه ع سريع خاف ينتبهون علينة ..

لحد مطلعت من لفرع وهية اكلت ايدي أكل من العض وتخزر بية ، لحد ما طلعنه من لفرع وخرت ايدي وهيه نفجرت .

-حقيرررررة هاي ليش هيجي سويتي
بيه اختنكت من وراج جلبة .

-اششش ومرض شبيج بعدين شسويتلج اشاقة وياج اني لأن اخذتي نعالي وشردتي (حجيته وضحكت حته لتشك بيه وهم اريد اشوفه شافت فطوم بيد امي لاصلاً متبين بلسياره لو لا ) .

-وجعع هاذا نعاالج خبصتيني بي

-اخذت نعال منه ولبسته وكتله يله امشي
نشتري حتة الدكان صار ورانه بسببج ،

-اخذته وهم خلصت علية الطريق كله تتعارك وياي وتشاقة واني هم اطمنت لأن مشافت امي لو شايفتهم جان ما سكتت ،