صراخ صامت

بارت 4

#صراخ_صامت
للكاتبة:زهراء الخالدي
..

أمس حتى الشمَع نايم وأنه
لـ جية الفجَر صاحي ذرهَ
حيل مابيه ، قلم تعبان أريد
اليلزِم صفاحي 🖤🖤،
..

بارت٤

اسراء:

اخذت زينة الكل شوي وتريد تهد ع افراح ،
واني اجر بيه ‏أخذته والطريق كله ارزل بيه
لأن سوت مشكلة .

بعدني مطابة للبيت وسمعت صوت صريخ امي مباشرتاً، تركت ايد زينة وطبيت ركض للبيت
وجان اشوف ابوي باب لحمام واكع وجه مايل للون
لازرق وشفايفة بيض كلش وامي واكفة يم راسه تصرخ ..

من شافتنة صاحت:

-جيبن عبااااتي  بسررررررعةة

-رحت ركض صعدت اجيب لعباية ودموعي ع خدي
ياربي كلشي ولا بابا يارب لتحرمني منة،

جبتله لعبايه وجانت هي مخليه شال ع ركبته جرته
خلته ع راسه ولبست عبايته وطلعت لبيت اشواق
ركض واني رحت وراه ..

دكت لباب يمكن فلشته طلعت اشواق مفزوعة

-هاا هاا خير منووووو
وفتحت لباب شافت امي شهكت وكالت
:يمةة ليلى شكوووو شبيجج ؟

-لحكيلي اشواق عباس تخربط صيحي لابو
افراح ينقلة للمستشفى بسرعةة فدوةة اشواق .

-اي عيني اي روحي للبيت يمه
هسه دقايق ويمج احنه ،

-رجعنة للبيت وشفنه ابوي ع حالته
وزينه حاضنته وتتلمس بوجه وتكله :

:شبيك بابا ادعد(اكعد) بعد ما اكتل جهال والله
بس ادعد حته ربع ما اخذ بعد ،

بعدته امي من عنده بسرعة وعدلت ملابسه وغسلت وجه
واني وياه اساعد بلاكدر علي
شوي وطبت علينه اشواق وزوجه .

وزوج اشواق شال ابوي واخذو للمستشفى امي واشواق ويا ..

راحو وكابلت زينة وكعدت ابجي
كلبي وجعني علي حيل هاذا كلبي رهيف مو بيدي
خاصتااً ابوي حنين علِيهَ كلش وفقير وماعندة وجه مكروه

فطومة كامت تبجي كمت شلته وافتر بيه عمود
تسكت وكل شوي ارفع عيني ع ساعة هواي طولو..

مرت الساعة والساعتين ومحد اجه

صارت ساعه ب١١ صار وهمة ماكو

احس نفسي راح انهار وفطوم بأيدي تبجي جوعانه وكل شويه انطيه مي لو موزه امرده ووكله اله ،
وهيه تاكل شوي وتسكت وراه تضل تبجي
تريد حليب وهيه ع صدر امي فحتاريت ،
وزينة منا تبجي انسطرت سطر وصحت علِيهَ بصوت عالي :

-كاااااااااااافيي لججج كاااافي مدشوفين حالي ؟
نسطرت من وراجنن كافيي كتلج !

وهم رجعت زادت بلبجي واني كابلته  وكمت ابجي وياه ، اخر شي تعبت كلش كومته وكتله تعاي نام وهيه متقبل تريد ابوي وامي .
واني اقشمر بين اكله راحو يشترون  النه ملابس ولعابات هسه يجون وهية ساعه تسكت وساعه تبجي ،
وتكول خاف لأن اخذ ربع من بابا واتعارك صار مريض واني مكابلته مدري ابجي ع ابوي مدري اضحك ع سوالفه . سمعت صوت نباح جلاب (حشـاكم)
وخفت ياربي اهلي طولو شوكت يجووون !
..