ريم:::
من نمت ماكعدت اله الضهر درت وجهي لمكان نرجس ماكو امكن كاعدة كمت غسلت وجهي رحت للمرايه رشيت تونر احس شبعت نوم لفيت شعري سويته كبايه ... يضوجني كلش هو طويل بس خفيف همزين مو ثخين
نزلت جوة ديشربون جاي لوحت بيدي واني دانزل الدرج هلو
ردو وكعدت يمهم
بابا:: صح النوم بابا شنو شبعتي نوم وكعدتي
ريم:: ابتسمت اي حبيبي شبعت نوم مدري شعجب
باوعتلي ماما وكالت روحي حمي غداج ضميته الج بثلاجه
ابتسمت وبستها بخدها احبج
ضحكو وبابا كال واني ماتحبيني
رحت يمه بوسته بخدة اموت عليك شعندي غيرك انت
ضحك واني رحت للمطبخ حضرت الغدة وصعدت فوك بغرفتي اتغدة احسن
كعدت وفتحت تلفوني حنين دازة مسج كايله بنت عمتنه نخطبت باجر العقد
عكدت حواجبي وكتلها منو بنت عمتنه؟
ثواني وردت... لجج بنت عمه حلا بنتها المخطوبه الجبيرة اسمها رباب
دزيتلها... هههههه شو هل ايام صايرة خطوبه وعرس شعندها الناس مستعجله ع الزواج
دزت... عبالج انتي منتضرة تخلصين دراسه ويكلولج دكتورة
ضحكت وكتلها... يكلولي وانتي تجين تتعالجين يمي اخخ اله اسوي بيج مقلب حلو
دزت... هههههه هسه نجبي عوفينه من هاي السالفه اريد اروح للسوك اشتري فستان لباجر تروحين؟
كتلها... تمام اني ونرجس نروح بس خلي اشوف امي عدها علم انو بنت عمه حتزوج لو لا وارجعلج خبر
دزت... تمام
كعدت اتغدة وافرفر بلبرامج... خلصت ونزلت جوة غسلت الامواعين ورحت يم ماما كلهم كاعدين بعدهم
ماما بنت عمه حتزوج تدرين مو؟
اي ونسيت ماكتلكم باجر العقد مالتها وكالت جيبي البنات واذا ماقبلن اسحليهن وجيبيهن
هههههه عمتي هم مستهترة شنو تسحلنه
اسمع صوت ضحك مهند ومحمد نرجس لامه حلكها وتضحك تأشر لورة عرفت انو سحكت
لتفت ابوي وراي ههههه واني غلطت ع اخته
امي غلست وكالت اي تروحن مو
نرجس:: اي نروح
باوعت لماما وكتلها لازم نشتري ملابس وهي باجر وين نلحك نروح للسوك
روحن العصر تلحكن اشترن وتعالن
محمد:: محد تروح وعدها تاخذن وياجن مهند
مهند:: شنو اني سايق عدكم منو يروح لفلان مكان اني اوديه ماوديهن انت وديهن
غميت مهند ورحت يم محمد بسته بخدة همست يم اذنه يا روح اختك انت تاخذنه وعندي الك خبر حلو
