ريم:: مر ع زواجي ثلاث ايام من كد الحب الي جاي اعيشه وي فهد احس الوقت وكلشي يركض...
-جنت مسويه اجواء رمونسيه وكذا مطفيه كل الاضويه بس ضوء خفيف ومخليه كرازات وفواكه كدامنه ونتابع فلم جان رمونسي وكل متتطلع لقطه من يبوس البطل البطله فهد ينفذها هم
ريم:: ههههه فهد كافي والنبي احس خدي راح
فهد:: شنو شمسوي اني
ريم:: منو الجان يبوس لعد
فهد:: مدري يابه اني شدخلني
ريم:: ههههههههه لا تخبلني
فهد:: هههههه اي اني عندج اعتراض حبيبتي
-حضني يضحك شويه وطفه البلازمه وشالني للجربايه... رتجئ ع تاج الجربايه واني خليت راسي ع متنه
ريم:: فهد سؤال
فهد:: جواب
ريم:: اختك ليش هيج محابتني
فهد:: شعليج بيها
ريم:: هيج لئن حنين تختلف عنها
فهد:: هي هيج طبعها... بعدين تعالي اكلج شنو تردين خط وي صديقاتج بلجامعه
ريم:: اي اروح وياهم انت عندك دوام
فهد:: لا يابه شنو هل حجي اني اوصلج وارجعلج واذا صار عندي شغل اتصل عليج واخلي واحد من اخواني لو اخوج يجي ياخذج
ريم:: هههههههه اوك حبيبي فهد اكلك شغله
فهد:: اليوم شغلاتج اهواي كولي اسمعج يابه
ريم:: شسمه احب كلمه يابه من تكولها الي
-اباوعله توسعت ابتسامته حضني حيل ويضحك
فهد:: اخخ منج يمصيبه راسي اخخ
ريم:: اني مصيبه فهد؟
فهد::ههههههه اشاقه وعلي شو تعالي خلي انام تأخر الوكت
ريم:: روح زعلت اني
-بعدت عنه ودرت وجهي ع الجهه الثانيه اسمع صوته يضحك... تقرب يبوس بركبتي بهدوء وكل بوسه يكول احبنج
ريم:: هههههه فهد جاي ادغدندي وخرر
فهد:: ههههههههههه لا تزعلين واديرين وجهج عني بعد
ريم:: ههههه تمام تمام
-درت عليه اضحك صوت ضحكنه ملئ الغرفه... قربني لصدرة حيل دفنت راسي بصدرة شويه ونمت...
...............
نرجس:: الغرفه فاهيه بدون ريم حتئ البيت هسه اله عرفت هذا الاحساس الكل بلبيت يضوج من نكعد سوة او نتغدة بكل شي نتذكرها ماما خطيه مرة بجت عليها... كمت بدلت وشمرت نفسي ع الجربايه مانعسانه فتحت تلفوني لكيت شهاب مراسلني
شهاب:: شلونج نرجوستي
-ابتسمت ومارديت ع رسالته طلعت اكلب بلبرامج شويه ودز رساله
