فهد::: جنت نايم من اتصلت عليه ريم رديت عليها ومن كلتلي اريد اطلع وي مهند ماقبلت سدته بوجهي اتصلت اكثر من مرة ودزيت مسجات هم ماكو بعدين نغلق جهازها شمرت التلفون روحي شايطه كمت سبحت ونزلت جوة كلت لحنين تسويلي جاي ورحت كعدت بلديوان اجت نطتنياه وراحت دخل شهاب هذا الثاني هم مدري شبي وجهه اصفر الشراين مال كصته مبين صحت عليه يجي اهنا كعد كبالي ساكت
فهد:: احجي شهاب شبيك
شهاب:: ولكك احس راح اموت هذا محمد درة احب اخته ويكلي واحد خاطبها قبلك وابوي قابل
فهد:: جذب يضحك عليك يريد يحرك اعصابك بس اتأكد انتَ روح احجي وي نرجس وشوف
شهاب:: اخاف عليها خاف احد يشوفها تراسلني ويصير الها شي
فهد:: لا تخاف بس لاطول حجي وياها بس اسئلها وسد موبايلك
شهاب:: تمام
-طلع واني بداخلي نار منو يطفيها هاي تحب تعاند واني احس كبرت سنين من عنادها يعني خطيبج يكلج لا طلعين ليش اطلعين خرررب بعنادها روحي تشيط من تعاند وبس اروح الها اعرف راح أذيها مع هذا اروح وهي بكلامها لو تسحب عصبيتي لة تزيدني عصبيه وبوقتها تخليني ماعرف نفسي شنو سويت
-هذا اسد كلساع يدك عليه يريد اروح اني وياه نختار القاط ومحمد جاي يجهز بلقاعه لئن الحفله باجر بليل مال الشباب... كمت اخذت سويجي ورحت للبيت مالته اتصلت عليه كتله اني كبال البيت وطلعيلي رحنه لرجال اعرفه دائماً اشتري منه كعدنه نكلب بلقوط والاستاذ شارطه عليه البنيه قاط نيلي ماتريد اسود لئن اغلب القوط مالته سود..
-يمعود هذا كدامك نيلي شسالفه ماتشوف شنو
-ههههه ماشفته
-تقرب اخذة راح يقيسه... والرجال يسولف دقايق وطلع اسد
-شنو هو قاط شدعوة تأخرت هلكد
-ههههه غير اقيسه شسالفه...
-جان فيت عليه دفع الحساب وطلعنه رحنه للاحذيه(حشاكم) وبعدين للعطور كملنه بـ 6 ونص رجعته للبيت واتفقنه باجر نروح للحلاق... نزل واني حركت سيارتي لبيت ريم اريد اعرف طالعه لو لا
-دكيت عليها شويه اله ردت تكلي طالعه اخخ يابويه احس شطت للستار كلش كلش ماحب واحد يعاند خاصه ريم من تعاند روحي اطلعها بتصرفاتها الدنيا ليل وهي بعدهي ماجايه وكفت كدام بيتهم ونزلت من السيارة مرتجي عليها لوين تقريباً فوك النص ساعه اله شفت سيارتهم اجت الاغاني مالتهم لهنا واصله صار كدامي مهند نزل من السيارة سلم وراح فتح الباب شغلت سيارتي صفطتها ع جهه ونزلت راح دخل سيارته واني دخلت وراهم صفطها قريب ع الكراج واهنا نزلت المصيبه ريم ماحس غير صحت بصوت عالي عليها تقدمت عليها وهي صافنه عليه كبل سحبت ايدها وطلعت مهند يصيح وين ماخذها
