الخيبه جرح ماتتعالج لا بأسف ولا بوردة... القلب من ينكسر مايتصلح مثل الكوب من ينكسر...
……………………
ريم
-مر يومين ع تصرف فهد لا اعتذر ولا شي اصلاً ماشفته طول هل يومين بس مرة بليل كعدت ولكيته جاي ياخذ ملابسه من الكنتور
صرت باردة
ماهتم اله
فهد الي جان نسمه الي صار جرح لكلبي
كعدت اليوم الصبح ماموجود ارتاحيت كمت بدلت ونزلت جوة
كلام مستفز
اهانه
قهر
كلشي اشوفه من انزل جوة نور يمنه اليوم
اشكد جنت لساني طويل وشحدة الي يحجي وياي جنت هيج قبل ثلاث ايام بلضبط بس هسه لا
بديت انضف بلمطبخ واتذكر اهانته الي من كلتله امه ريم ضربت مرت حسن سرئ
بوقتها جنت كاعدة بلغرفه اجه ببرود رفعني من صدر الدشداشه
فهد:: انتِ ضربتي سرئ؟
-باوعت بعيونه واني كلي حركه
ريم:: اي اني شرايد تريد تضرب لو تغتصبني ماتخوفني ولا تهتز شعرة مني
-ماسوة شي غير ضربني راجدي حسيت اذني كامت تصوفر ضرب واهانه بكلامه الي عبارة عن
-اكسر رجليج اذا بعد مديتي ايدج ع احد من اهلي
تاج راسج هاي يا *****
اذا اهلج ماربوج اني اربيج
-وكلام ماكدر اذكرة بس جان عبارة عن غلط
سويت ريوك وكعدت اتريك... توني خلصت ودخلت حنين
حنين:: صباح الخير ريم
ريم:: هلو صباح النور
-كعدت يمي تفرك براسهه
حنين:: راسي احسه راح ينفجر يأذيني حييل
-كمت لغرفتي جبت الها علاج نطيته الها وشلت المواعين غسلتهن وطلعت للديوان
-نضفته سويته يلمع وطلعت بعد صعدت لغرفتي ماحبيت انزل
اتصلت ع ماما ثاني مكالمه اله ردت وصوتها ثكيل احسه
ريم:: شلونج ماما
جونيش:: الحمد لله
ريم:: ابوي واخواني شلونهم
جونيش:: زينين عندي شغل راح اروح بعدين احجي وياج
-سدته بوجهي وراحت مسحت ع وجهي متوترة اعصابي احسها راح تنفجر دكيت ع خاله هيفاء من اول رنه ردت
هيفاء:: هلا ريمه شلونج حبيبتي
ريم:: مو زينه خاله
هيفاء:: ليش سلامات ولج شبيج
ريم:: راح افتح كام واحجي وياج افضل
-فتحت الكامرة ثبتتها كدامي وكعدت احجي شنو صار بلحفله ماكو احد يسمعني غيرها فهد ماكدر احجيله ماينطي مجال ابد اصلاً اني ماشوفه اهواي
