حنين
خلصت الحفله ورحت للديوان اشوفه ونحجي سويه هيج التقاليد... بس قابل اني ماشايفته
دخلت لكيته كاعد ع جهه ابتسمت بهدوء سلمت وكعدت قريبه عليه
محمد:: شلونج
حنين:: تمام وانت
محمد:: صرت بخير من شفتج
-رفعت راسي اباوعله لابس قاط اسود... تقرب لزم اديه وطبع بوسه ع خدي مبتسم
محمد:: مبروك الي والج
حنين:: مبروك الك اي بس الي لا ع شنو
محمد:: هههههه يعني مافرحانه لئن صرتي حلالي
حنين:: عادي مو فد شي واذا
محمد:: صوت كلبج مايكول هيج
-تخربطت كلش احس عرف نقطه ضعفي جنت مقررة ماانطي اهواي مجال بس ماتعبر عليه...
محمد:: هههههههههه احبج وعلي وعلي اموت عليج يمعودة لا تخافين مني شسالفتج
حنين:: ماخايفه منك
-قرب وجهه عليه كلش احس قطرة دم مابقت بوجهي... ابتعد ولزم وجهي باديه
محمد:: حنين وجهج صار اصفر
-مسحت وجهي بهدوء...
حنين:: لا مابيه شي بس اريد اروح اختنكت
-ابتسم
محمد:: روحي اخذي راحتج بعدين نحجي
-سويتله بيباي بيدي وطلعت ركض لغرفتي ماحجيت وي احد احس راح انفجر من كد الخجل
دخلت بدلت وكعدت بلغرفه ارتاح...
…………………………………………
ريم
دفعت اديه من خصري ودرت وجهي اله
ريم:: فهد بعد اديك جاي تضوجني
-بسرعه ابتعد وجهه انطعن احمر... اخذ غراضه وطلع برة
-رفعت ايدي وغميته
ريم:: خاب تحلم اسامحك
بدلت ونزلت جوة... البنات جاي يرتبون بلبيت
نزلت الدرج وكعدت ع قنفه موجودة بنص الاستقبال خليت رجل ع رجل وفتحت تلفوني اكلب بيه
تقربت يمي الحجيه... كعدت بصفي مبتسمه
الحجيه:: ها يلعنتين شنو غايتج
-نزلت رجليه احترام الها مبتسمه
ريم:: ههههه ماتفوتج بيبي
الحجيه:: ريم يمه النسوان عيونهم عليج روحي لغرفتج
ريم:: بيبي الي يريد يحجي ويايه باحترام اني موجودة بس الي يقلل تربيه صدكيني مراح اسكت بعد ابد
