ريم:: ثاني يوم كعدت باوعت لمكان فهد ماموجود باوعت بلغرفه لكيته كاعد ع القنفه يدخن ويباوعلي
ريم:: هلو فهد صباح الخير
فهد:: صباح النور بقيج بعد وكت منروح هسه
-كام واجه باتجاهي ارتجئ ع تاج الجربايه وفتح اديه سوالي مكان ابتسمت وتقرب حضنتنه
فهد:: خو ماتحسين بشي
ريم:: لا تمام
فهد:: ريم راح نروح لبيت اهلي تلزمين لسانج وي الاكبر منج اذا وحدة شمرت حجايه عليج تعالي كليلي واني اتصرف تمام؟
ريم:: فهد اني ماكدر يعني تريد يصيحن عليه او يغلطن واسكت لا ماسكت
فهد:: لخاطري يمعودة اسكتي وحق ربج الله تحاجيج الله كتبها عليها بعد
ريم:: تمام حبيبي
-ابتسم وحضني حييل
فهد:: ههههههه ريمتي من هسه كمت افكر باسم الطفل مالتنه
ريم:: ههههه صدوك فهد شتريدة بنيه اول طفل لو ولد
فهد:: حابها تجي بنيه ثمرة حبنه بس الي الله كاتبه النه قابل بيه
ريم:: ههههه وشنو تسميها اذا بنيه
فهد:: آرسنال
ريم:: هههههه وشنو معناه
فهد:: معناه دار تخزين وصناعه الاسلحه
ريم:: يبووو ابجي هسه تريد تسميها هيج ايعع
فهد:: شنو ولج ماعاجبج
ريم:: طبعاً ماعاجبني معناه محلو يعني انت ضابط اوك بس بنتنه شنو ذنبها تصير نوع من انواع اسلحتك
فهد:: اني عاجبني ومن تجي البنيه هيج اسميها
ريم:: نشوف
-ضحك وضل كل شويه يبوسني بخدي لحد مادك جهازة رد عليه
فهد:: ها شهاب
-اي هسه شويه ونجي
-يمعود درينه جاين جاين
-سداه وباوعلي
فهد:: يله كومي جهزي نفسج راح نروح
ريم:: اوك
-كمت للحمام سبحت ولبست بنطرون وبلوزه رفعت شعري كبايه اخذ الجنطه يباوعلي ماقابل
فهد:: ماعندج جبه شي تلبسينها فوك لبسج
ريم:: ليش مو حلو
فهد:: لا مو حلو شوفي بلكه اكو بلجنطه هاج
-دورت بلجنطه ماكو اخذها وسحب ايدي طلعنه سلم المفتاح وطلع كبل للسيارة صعدنه ومشه
فهد:: راح اطبك ع هذا المحل الي كدامنه اشتريلج جبه
ريم:: راح نوصل للبيت شسوي بيها
فهد:: لا احسن
-اول موصلنه طبك ع صفحه وراح للمحل دقايق وطلع بيدة علاكه صعد ونطانيها
