بعد مرور اسبوع
دخلت حنين تصيح
حنين:: لج فضيها راح نتأخر
ريم:: بس اصبري
-لبست البشت ونزلنه ع الدرج وكلها تصيح البيت مكلوب كلاب كله تجهيزات
شهاب:: امشن اني اوصلجن
ليث:: لاا لا مايصير ولك العروس خاف تشوفك
شهاب:: ط*** امشي عني وليي
-وصلنه شهاب للصالون وراح... دخلنه لكينه نرجس وخاله واصلات قبلنه
ريم:: سلامم
الكل:: وعليكم
-الفرحه الي نحس بيها فضيعههه... ام الصالون استلمت حنين ونرجس مكياج وتسريحه... لدرجه ثلاث ساعات ونص هي بيهن خلصتهن وبدت بيه اني طلبت مكياج خفيف... راحن البنات لبسن ملابسهم مال الحفله
حنين لبست قفطان مغربي لون بنفسجي ونرجس كذلك بس لون احمر وابيض... رحت لغرفه الملابس لبست فستاني كلش حبيته من رحت وياهن اشتريته احمر ومن جهه الرجل فتحه والضهر بيه فتحه
هي بلاصل حفله بنات لذلك عجبني هذا كلت اللبسه... طلعت اللهن مبتسمه
هيفاء:: هههههه فهد شايف الفستان هذا؟
ريم:: ههههه لا ماشافه
حنين:: عادي هي حفله مال بنات مايكدر يشوفه
نرجس:: اي والله هي حفله كولش عادي
-انتضرنه محمد يج ياخذنه شويه ووصل طلعنه اله ركبت حنين بلصدر كلساع يحجي شعر لو يشغل اغنيه رومنسيه
هيفاء:: ههههههههه اصبر باجر عرسك
محمد:: ياا شبيج خاله هاي وياي
هيفاء:: ههههه لا يمه وي خالك
-ضحكنه وشغل النه اغنيه الطريق كله خلصناة ركص... وصلنه للقاعه الساعه بـ 6 العصر...
جانت حفله مرتبه من صدوك عشا مجهزين للمعازيم...
دخلنه ثلاثتنه سوة اني لابسه بشت لازمته حيل اخاف يطلع الفستان... دخلنه وكبل رحنه للغرفه لكيتها مكلوبه البنات جاي يرتبن سلمن ورجعن لشغلهن
نزعت البشت ورتبت شعري...
حنين:: بنات شوفو مرتبه لو لا
نرجس:: اي والله هاذهو واني شلوني
حنين:: تخبلين
ريم:: هههههههه مو احلا مني
حنين:: خاب شو اسكتي انتِ
-اجيت ارد ودك موبايلي
نرجس:: احنه راح نطلع مو تتأخرين تعالي بسرعه
-هزيت راسي بـ اي ورديت ع فهد
فهد:: ريم وصلتن
ريم:: اي حبي وصلنه
