ريم:::
كعدتني ماما من وقت بلكوة كمت بس من اتذكر الخطبه والتجهيزات اكوم بسرعه كلش متحمسه
واكفه ع المرايه ابتسمت تذكرت البارحه من يكلي ارفعي شعرج يعني يحبه
رفعته لفوك واني مبتسمه جانت يمي نرجس هي شافتني ابتسم ابحدي وكامت تصوفر جنها رجال
نرجس::: ها ها علينه ريم خانم تتمضحكين بحدج صايرة
ريم::: انطمي لج صوتج لا تسمع ماما
نرجس::: ههههه هله هله راح تصير مخطوبه ام دمعه
ريم::: ضربتها بمتنها نجبي نرجس ويله خلي ننزل لا ماما تعيط بينه
ضحكت ونزلنه سوة مبتسمين... تريكنه وطعلنه خالتي راحت ويانه وتموت ضحك تمشي ع كيفها ماتكدر من كرشها
-دخلنه للمول رحنه لقسم البدلات ماعجبني رحت لغير قسم هم مو حلوات وفرينه ثلاث وماما كالت امشي نشوف النواقص وبعدين نرجع للبدلات
-رحنه للمكياج والشغلات الباقي كملنه ورجعنه لقسم جديد مال فساتين جنت اريد ابجي لئن ماكو شي حلو ماعاجبني شي
صارت عيني ع بدله تجنن هيج لون وردي منعش ووياه تور ومرتبه مابيها اهواي شغل كبل اخذتها اقيسها
دخلت قستها مضبوط عليه طلعت الهن مبتسمه
ماما::: الله مصلي يمه تجنن عليج والله
هيفاء::: ههههه هاذهو هاي حلوة والله
ريم::: ههههه شكراً ياجمهور شكراً
نرجس::: شو اوكفي تقربت جانت بيها فتحه بلضهر طويله شويه ضحكت نرجس كالت مايخلي تلبسينها فضيحه من ورة
ريم::: لا يخليني ماعليج عاجبتني هاذهو اخذ هاي احسن... دفعنه الحساب ورحنه للاحذيه(تكرمون) اشتريت لون مناسب وطلعنه رحنه للبيت كبل تعبانين
اول مارجعت رتبت الغرفه والمكياج والبدله خليتها ع جهه نزلت تغديت وصعدت نمت تعبانه... العصر كعدت البيت كله مكلوب عماتي وبناتهن كلهن اهنا يشتغلن وي ماما وكالبات البيت ضهر ع باطن منضفاته
اني بس كعدت رحت لتلفوني ماطلعت فتحته مامراسلني ابد دزيتله مسج مارد برطمت ورحت نزلت
سلمت عليهن وبديت اتشغل وياهن ونضحك صوت ضحكنه مله البيت بنات عمتي حبابات كلهن يعني مابيهن لا خباثه ولا شي
شعري رافعته لفوك وراجعات كم كذله ع وجهي وهن كفاشيهن يضحكن نرجس تصنف علينه لئن شعرها قصير
نرجس::: ريم كفشتفج شيليلها مو توارينها لفهد ترا يشرد
ريم::: هههههه لا حبيبتي يحبها يموت ع شعري اصلن
وحدة من بنات عمتي كالت شنو جنتو ع علاقه
نرجس جاوبتها بسرعه لا يمعودة كلشي ماكو هي هاي مال علاقه تشردة وداعتج
