سراج الليل

مقتطفات

هالقصهههه ناااار تموووتت بحيث من وصلتني الاحداث رفضتها لان حسيتها كذب بس بعد مااخذت كل الادله الي تثبتلي هالقصه حقيقيه وصارت ويه الابطال 100% قررت اخذها واسردها الكم على طريقتي

ف شنو شبابات اريد دعمكم الي وتفاعلكم حتى نبلش بيها ان شاء الله بعد قصه "لم يكن متوقع"

الغلاف من المبدعه زهراء♥️
Zahraax1

اعوفكم ويه المشاهد..

سراج الليل
الكاتبه روح الدليمي
************

المشهد الاول:-

مكان مهجور ظلام دامس، الهدوء فضيع مينسمع اي صوت عدى صوت الكلاب الي بالمكان..

خوف، رهبه، قلق.. شنو حيصير شنو نهاية هالطريق؟..
ثواني وسمعت صوت خطوات تقترب من المكان الي اني بي..

زاد التوتر والخوف صرت ارجف مكادره اسيطر على نفسي واضبطها.. غمضت عيوني واخذت نفس بهدوء حتى ليسمع صوت انفاسي..

فتحت عيوني بهدوء وانصدمت من شفته واكف كدامي ومكتف ايده.. يباوعلي بنضرات مليانات شر..

تيبست بمكاني حتى عيوني ميرمشن من الخوف..
تقدم عليه واني اباوعله وارجع ليوره وهوه يتقدم بخطوات رزنة وبهدوء يتقدم خطوه خطوه..

انضربت بالحايط المهدوم نصه وهوه ما زال يمشي ب اتجاهي، صار كدامي مد ايده بعد شعري عن عيوني بهدوء وهمس بفحيح ممزوج بغضب..

_هسه بلش اللعب الصح.. راح اخليج تتمنين الموت بعد الي سويتي

************

المشهد الثاني:-

بيدي اوراق مال متهم اراجع بيهن اندك الباب ودخل الشرطي دگلي تحيه وكال

_سيدي اكو مره تريدك بالاسم

نزلت الاوراق من ايدي و باوعتله ب استغراب وكلت

_منو؟ شلون شكلها

_مره جبيره بالعمر

_خلي تفوت نشوفها منو وشتريد.

طلع وره دقيقه اندك الباب ودخلت اخر وحده اتمنى اشوفها

كمت على حيلي وحجيت بغضب..

_شنو الي جابجج شرايده؟؟؟

************

المشهد الثالث:-

المكان يلعب من النفس من ريحه الشرب لو هذن الي يركصن ويسون حركات تلعب ستين نفس.. دخلت امشي واتلفت واباوع بالوجوه عسى ولعل اشوفها

ثواني ودخلو مجموعه من الضباط المسلحين واخذو كل الي بالمكان.. اني من الخوف اغمى عليه وماحسيت غير على ضربات خفيفه على وجهي..

باوعت حواليه شفت نفسي بغرفه ويمي رجال غريب
التفتلي وكال

_هاا نبلش ليلتنه؟

_انيييي مو هيج والله مو هيج

_مااسمع حسج

_انيييي مو بت ليل صدكني مالي علاقه بيهن ساعدنيييي اريد اخلصها منهم

ابتعد عني باوعلي بستاؤل وكال

_اذا مو بت ليل شتسوين بهيج مكااان وبهيج ساعه؟؟!

_ادور لاختي كالولي هيه هناك...

************

هااا شبابات شنو رأيكم بالمشاهد؟ حلوات مو 🌚🙈

اريدكم تتفاعلون عليها حتى تصعد ونبلش بيها ب اذن الله بعد قصه "لم يكن متوقع"

احبكم كوومات ♥️

الكاتبه روح الدليمي