سراج الليل

(2)

بارت جديد شوفوني تفاعلكم فراشاتي يلا احبكم♥️🦋
#سراج_الليل
#الكاتبه_روح_الدليمي

صدمة تليها صدمـــــــة.. حينما يلف حديثك الصمت ولن تستطيع التعايش معه ولآ تصل معه لصبراً.. والخطـــيء يتجول بكل حرية ولا تستطيع أن تحرك ساكناً لتصير به مبصراً وتتشكل بالاحتدامات لتكون تمثال بشكل صامت شكلته معالم القهر ، لم يعد للقلب من هم يحمله منذ دفن في التراب أعز ما كان يملكه،أختاه إلى أين الغياب أختاه هل لك من إياب أختاه هل لك عودة بعد اللقاء المستطاب أحلامها وردية غاياتها فوق السحاب، امي وماضرني غَريـب يجهلني وإنما اوجعني قريباً يعرفني ، خدمة الناس ومساعدتهم باب من أبواب الخير، نتخذه منهجاً ثابتاً في حياتنا ،إن حلّ الظلام لا بد أنك سترى ضوءاً يشدك ويوقد في داخلك أمل للحياة وطموح التحدي .

النص من ابداع هالحلوه♥️ .
ZANiAB_999
************

نزلت جوه وصار بوجهي سِراج دخل للبيت رحت عسريع يمه وحجيت بلهفه..

ليل:قمر وينها؟ براا خلي اطلع اشوفها

دفعته حتى اطلع لزمني من ايدي وكال..

سِراج:تعاي نحجي شوي

ليل:بعدين خلي اشوف اختي

سِراج:ليل اختج

باوعتله بخوف وكلت..

ليل:شبيها وينها..قمر وينها؟؟!

سِراج:البقيه بحياتج اختج متوفيه..

ليل:هههههههههه شدتحجي انتهههه اختي متعوفنييي وينها كلي خلي اروحلها هسه بس تشوفني تكوم هيه تخاف اكيد سوت نفسها ميته حتى متاخذوها
قمر متعوفنييييي.. ولجججججج قمري وينججج تعاي سمعي شديكول عنج تعااااي

************

"سِراج"

اباوعلها ملخت نفسها وصارت تبجي وتضحك بشكل هستيري الكل اجه على صوت صياحها وبجيها.. كعدت بالگاع وصارت تملخ بشعرها نتفته تنتف وتضرب على وجهها

تقدمت عليها سماره وحضنتها بقوه حتى تمنعها من الدتسوي.. اني واكف مابيدي شي اسوي وماكدر اسوي شي شكد گلبي قاسي بس انقهرت عليها كلش وعلى حالتها من عرفت ب اختها توفت..

عفتهم بدون مااحجي شي وطلعت كعدت بالحديقه طلعت باكيت الجكاير وصرت ادخن وصافن على الزرع بالي مو يمي صورتها تربعت بعقلي كل مااغمض عيوني ينرسم وجهها كبالي.. افتح عيوني واستغفر ربي مهما يكون ميصير افكر بيها وهيه على ذمه شخص ثاني..