سراج الليل

(3)

بارت جديد شوفوني تفاعلكم فراشاتي يلا احبكم♥️🦋
#سراج_الليل
#الكاتبه_روح_الدليمي

أشكو هذه الآلام أم أندب تلك الجراح .. أحزن لما أنا فيه الآن .. أم أبكي على ما راح، ذكريات سنوات قضيناها مع الأحبّة نسترجعها في دقائق والسبب هو الفراق .. وبقدر حبّنا لمن نفارقهم بقدر ما تكون صعوبة لحظة وداع الأخت، لا مزيداّ من الصدمات يا أنتي فقد اكتفيت حُزنا،إذا لم أنافس في هواك ولم أغر عليك، ففي من ليت شعري أنافس ، تبتسمين، فيفقد الليل وعيه، ويكتم القمر تنهده، ويسقط من السماء نجم أرهقه إعجابه، لحظات الخوف توضع في طريقنا حتى يملأ الله قلبنا بالجرأة، ونستعين بِاللّه سُبحانه وتعالى لتدبير أحوالنا في مواجهة تحدّيات الحياة.

النص من الجميله
ZANiAB_999
************

بعد اسبوع من وفاتها رحت حتى احجي ويه سِراج اكله يرجعني لبيت الحجيه الكاعده يمها.. جان بالصاله وكفت يم الباب حتى ادكه بس سمعت جاب اسمي وكفت حتى اسمع شنو راح يحجي وهنا الصدمه الكبرى...

************

"سِراج"

كملنه الفاتحه وجماعتي ماقصرو من حجيتلهم ماعدهم احد كل واحد اجه وجاب عائلته وياه اني استلمت قضيه اختها وصرت اجمع معلومات وادله واكتشفت مصيبه..

بقيت وره الموضوع لحد ما تأكدت منه عدل وصلت لاكبر دليل ياخذهم كلهم اعدام..

رجعت للبيت واني حاير شلون افتح وياها هيج موضوع.. دخلت للصاله وصحت على سماره تجيني

سماره:هاا حبيبي محتاج شي اجيبلك

سِراج:ماعرف شلون احجي وياها واكلها

سماره:شنو ويه منو تحجي وشتكول

سِراج:ليل وينها

سماره:فوك دتصلي

سِراج:حاير شلون احجي ويه ليل اريدج انتي تحجيلها

سماره:گول شنو ترا خوفتني

سِراج:امها هيه الي بايعه اختها لهل عصابه هيه السبب بلي صارلها كله

قاطع حديثنه صوت الباب انفتح ودخلت ليل واضح علامات الصَدمه عَ ملامحها

حچت برجفه وغصه واضحه:-

ليل:شَنو شَنو الي سَمعته معَقووولة!!

حچت سماره بتوتر واني اشوف الرجفه محتله جسمها:-
سماره:تعالي افهمج گعدي