بارت جديد شوفوني تفاعلكم فراشاتي يلا احبكم♥️🦋
#سراج_الليل
#الكاتبه_روح_الدليمي
************
ليل:سِراج سِراج وينككك؟
ماكو اي صوت برا الغرفه ردت اطلع من الشاور حسيت على ايد لزمتني من ايدي بقوه و على اثرها عطت بصوت عالي كلش
ليل:سِرااااااج
رجعت الكهرباء و انفتح باب الحمام بقوه و دخل سِراج يباوعلي مفزوع..
سِراج:شبييج!؟
باوعتله بخوف و حجيت بحروف متقطعه..
ليل:اا اذا أنتَ برا ل لعد م م منو لزمنييييي!
سِراج:ماكو احد بالحمام منو لزمج؟
ليل:والله اكو احد لزمني من ايدي قوي
مديتله ايدي ثنيناتنه بقينه صافنين على الاثر الي بيها
اثار اصابع مطبوعه على ايدي و صايره حمره
باوعتله و حجيت بخوف
ليل:دتشوف موو
سِراج:ماكو شي عيوني تعاي غسلي شعرج
دخلني للشاور و ساعدني غسلت شعري بسرعه و كل جسمي يرجف من الخوف
لبست البرنص و طلعنه من الحمام
گعدت على الجربايه و كتله
ليل:تعرف بيه اخاف من الظلمه ليش من طفت الكهرباء ما اجيت يمي
باوعلي و گال مستغرب
سِراج:ماطفت الكهرباء ابد
ضحكت و حجيت
ليل:لتكذب عليه شنو ما طفت الكهرباء
سِراج:و داعتج ماطفت و جنت گاعد هنا عل جربايه انتظرج تخلصين من صحتي دخلت عليج رأساً
حجيت بصياح و واضح عليه الخوف
ليل:لتخبلنيييي سِراج والله طفت الكهرباء و صحت عليك مارديت عليه اجيت حتى اطلع انعتيت من ايدي بقوه و أنتَ بنفسك شفت الاثر على ايدي
سِراج:حَبيبتي بدلي و تعاي ارتاحي تعبانه أنتِ و لازمج راحه
ليل:أنتَ ممصدكني مو؟؟
سِراج:بويه ليش ما اصدكج بس گتلج الكهرباء ما طفت ابد
ليل:خلص تمام
فتحت الكنتور طلعتلي ملابس و دخلت للحمام بدلت و طلعت شفته گاعد على الكرسي حاط ايده على شواربه و يباوع ب اتجاه الحمام
أنت تقرأ
سراج الليل
Non-Fictionمكان مهجور ظلام دامس، الهدوء فضيع مينسمع اي صوت عدى صوت الكلاب الي بالمكان.. خوف، رهبه، قلق.. شنو حيصير شنو نهاية هالطريق؟.. ثواني وسمعت صوت خطوات تقترب من المكان الي اني بي.. زاد التوتر والخوف صرت ارجف مكادره اسيطر على نفسي واضبطها.. غمضت عيوني...
