بارت جديد شوفوني تفاعلكم فراشاتي يلا احبكم♥️🦋
#سراج_الليل
#الكاتبه_روح_الدليمي************
باوعت هذا مو سِراج جان ديسوق سريع ويباوع بالمرايه
عطت بصوت عالي والخوف احتل كل جسمي..
ليل:انتهههه منووو سرااااج وينننن؟
بدون ميحجي شي طلع مسدس ووجه عَليه .. ايد موجه بيها المسدس على راسي وايد يسوق بيها وعين عَليه وعين وعلى الطريق
الرجفه احتلت جسمي واحس مابقى دم بيه من الخوف
من صدمتي ماعرفت شنو اسوي كلشي بيه يرجف حجيت والحروف بالگوه تطلع مني...
ليل:ش.. شش شدتسوي أنتَ !!!!
وجه نظره عليه وگال بحديه
_صوتج طلقه وحده براسج تنهي حياتج
دك تلفونه طبك بسرعه رجاوب وبقه موجه السلاح عليه حسيت خلص هاي نهايتي...
********
"سِراج"
دخلت للمحل وصيته على الموطه سمعت صوت سياره شحطت بسرعه.. انداريت على الباب سيارتي ماكو !!
على السريع طلعت من المحل اباوع ماكو اثر للسياره طلعت تلفوني من جيبي وخابرت على راهب.. وحجيت بعصبيه..
سِراج:بنت ال**** اخذت السياره وفلتتتت اريدك تجيبلي ياها من جوه الگاع اليوم نَهايتهاااا عَ ايديييي ومحمدددد
راهب:منوو اخذ سيارتك وشلون انته وين
سِراج:ليللل اني نزلت للمحل وهيه اخذت السياره وفلتت وسلاحي بييها اذا يضيع مصيبه
راهب:ردلي رقم سيارتك بسررعه هسه انطي بلاغ للسيطرات
رديتله رقم السياره واني رجعت للمحل واسب واغلط بگلبي عَ ليل
سِراج:اكو كامرات مراقبه هنا على الشارع؟
_اي هذاك المحل عنده
اشرلي على المحل الكدامه طلعت بسرعه ورحت للمحل وطلبت اشوف تسجيل الكامره
رجعلي بالتسجيل على لحظه وصولنا للمكان.. انتبهت اكو سياره وكفت ورايه نزلت من السياره ورأساً انفتح باب السياره الوراي ونزل منها شخص وركض لسيارتي فتح الباب وصعد وحرك بسرعه
أنت تقرأ
سراج الليل
Non-Fictionمكان مهجور ظلام دامس، الهدوء فضيع مينسمع اي صوت عدى صوت الكلاب الي بالمكان.. خوف، رهبه، قلق.. شنو حيصير شنو نهاية هالطريق؟.. ثواني وسمعت صوت خطوات تقترب من المكان الي اني بي.. زاد التوتر والخوف صرت ارجف مكادره اسيطر على نفسي واضبطها.. غمضت عيوني...