بارت جديد شوفوني تفاعلكم عُمريني يلا احبكم♥️🦋
#سراج_الليل
#الكاتبه_روح_الدليمي************
فتحت عيوني ببطئ باوعت حواليه اني بالمستشفى شصار و شجابني هنا
حاولت ارفع نفسي بس متحملت الوجع الصار عندي و عطت بصوت عالي
على اثره دخلت الممرضه للغرفهليل:عفيه راح اموت من الوجع
الممرضه:صار عندج كسر بالاضلاع بس الحمدلله متتحتاجين تدخل جراحي و خلال فتره تتحسنين بس لازمج راحه تامه
ليل:منو جابني ؟
الممرضه:زوجج و كلهم برا ينتظروج الحمدلله على سلامتج
ليل:ممكن تدبريلي تلفون ماريد احد يعرف بس اخابر على اهلي
الممرضه:اعتذر ما اكدر اسوي هيج
ليل:زين اذا انطيج رقم خالتي و تخابريها تكوليلها اني بالمستشفى محتاجتها يمي الله يخليج
باوعتلي بنظره شفقه و گالت
الممرضه:اعتذر والله ما اكدر زوجج حذرني من هل شي الظاهر يعرف حتتصلين على اهلج و اذا عرف اني الي انطيتهم خبر يخليهم يفصلوني منا و اني ماعندي احد معتمده على نفسي و اصرف على امي المريضه اسفه
طلعت من الغرفه و عافت الباب مفتوح
شوي و دخل سِراج سد الباب و تقدم ب اتجاهي بنفس نظرات الغضبسحب الكرسي و خلاه گدامي بالعكس و گعد صار صدره على ظهر الكرسي و گال
سِراج:ما خلص عقابج بعد
ليل:بس فهمني شسويت اني حتى استحق كل هذا العذاب و من منو؟ من الرجال الي جنت معتبرته مصدر امان الي
مسحت دمعتي قبل لتنزل و استرسلت بالكلام..
ليل:سِراج اذيتني حيل و يجي يوم وتعرف غلطك و تندم بس بهل وقت مراح تلگاني يمك راح اكون بغير مكان و عايشه غير حياه
لان مستحيل ابقى وياك بعد الي سويته بيهسِراج:اني الي مستحيل ابقى ويه وحده خاينه مثلج
كام من مكانه و دفر الكرسي بقوه و ضرب راسه و گال بصياح
سِراج:لجج بس فهميني ما وگفت بعينج ما كلتي شلون اسوي بي هيج و هوَ مستعد يسوي كلشي علمودي ما كلتي حبني من كل گلبه ليش اكسره بهل طريقه
بقيت صافنه عليه و دموعي صارت تنزل
ماعرف شنو الي صار و منو الي موصله انو اني خايتنه شلون يحجي هيج شي و هوَ يعرفني احبهسِراج:ليش ساكته احجي برري گولي اي شي
ليل:سِراج صدكني اكو غلط مستحيل اخونك سِراااج مستحيل اني احبك شلون اخونك؟ شلون تكدر تصدك هيج شي
سِراج:بتلفونج كل الرسائل و الصور و كلشي بتلفونج أنتِ مو بغير تلفون
ليل:كذذذب والله كذذب سِراج شلون تصدك شلووون
أنت تقرأ
سراج الليل
Non-Fictionمكان مهجور ظلام دامس، الهدوء فضيع مينسمع اي صوت عدى صوت الكلاب الي بالمكان.. خوف، رهبه، قلق.. شنو حيصير شنو نهاية هالطريق؟.. ثواني وسمعت صوت خطوات تقترب من المكان الي اني بي.. زاد التوتر والخوف صرت ارجف مكادره اسيطر على نفسي واضبطها.. غمضت عيوني...