بارت جديد شوفوني تفاعلكم فراشاتي يلا احبكم♥️🦋
#سراج_الليل
#الكاتبه_روح_الدليمي************
وگعت بالگاع و انضربت على راسي بقوه و اغمى عليه...
حسيت على ايد تطبطب على وجهي، فتحت عيوني ببطئ
شفت ثنين واكفين يمي و يحاولون يصحوني.._:ليل گلبي بشنو تحسين؟
ليل:منو انتو اني وين؟
باوعولي بصدمه و الرجال گال..
_شنو منو احنه؟ شبيج حَبيبتي اني سِراج متتذكريني؟
ليل:ماعرفكم! اول مره اشوفكم
سِراج:بويه اني زوجج و هاي اختي سماره شلون متتذكرين؟!
حجت باستعجال
سماره:سِراج عوفها لتضغط عليها خلي اساعدها تبدل و ناخذها للمستشفىطلع سِراج من الغرفه و تقربت مني سماره ساعدتني اغير ملابسي و لزمت ايدي وطلعتني من الغرفه
شفت مره گاعده و بحضنها طفل..گلبي رف مشيت ب اتجاهه يخبل نايم باوعت لسماره و گلت..
ليل:هذا ابنج؟
قاطعني سِراج من گال..
سِراج:يلا امشوا
طلعنه من البيت صعدنه بالسياره متجهين للمستشفى
احس وجوههم غريبه ما اعرفهم ابد و لا بعمري شايفتهم
شنو صار و ليش هيج ما اعرفبعد مده معينه و صلنه للمستشفى.. دخلنه للدكتور سوالي فحوصات و رنين بعدين گال ..
الدكتور:صاير عدها فقدان ذاكره بسبب الضربه الي على راسها
سِراج:بس راسها ممتأذي شلون فقدت الذاكره؟
الدكتور:الجزء من الدماغ المسؤول عن الذاكره هوَ الي متأذي بوكعتها راسها مضروب بشي قوي
سماره:اي من دخلت عليها جانت واكعه يم المقعد مال حمام احتمال راسها انضرب بي
ليل:لشوكت ابقه هيج!
الدكتور:فقدان ذاكره مؤقت فتره و تسترجعين ذاكرتج
و انتو لازم تساعدوها تتذكر بس بدون متضغطون عليهاسِراج:ان شاء الله
كتبلي وصفه علاج و تشكر منه سِراج و طلعنه
صعدنه بالسياره و هوَ راح يجيب العلاج
رجعت راسي ليوره و غمضت عيوني
أنت تقرأ
سراج الليل
Non-Fictionمكان مهجور ظلام دامس، الهدوء فضيع مينسمع اي صوت عدى صوت الكلاب الي بالمكان.. خوف، رهبه، قلق.. شنو حيصير شنو نهاية هالطريق؟.. ثواني وسمعت صوت خطوات تقترب من المكان الي اني بي.. زاد التوتر والخوف صرت ارجف مكادره اسيطر على نفسي واضبطها.. غمضت عيوني...