بارت جديد شوفوني تفاعلكم فراشاتي يلا احبكم♥️🦋
#سراج_الليل
#الكاتبه_روح_الدليمي
بارت هديه الكم تستاهلون بس اريد تفاعلكم يلا 🔥
************
وصلنه للبيت وهيه نزلت بسرعه من السياره تتبچبچ يممهه من عياره النسوان..
دخلنه للبيت وبوجهنه للغرفه اول ماسديت باب الغرفه
دفعني على الكنتور بهدوء وكال...
سِراج:اعرف ضجتي منها وصدكيني اني ضايج اكثر منج
سَكت ثواني وهمس
سِراج:بس ماكدر اسوي شي
دفعته عني بقوه وحجيت بصياح
ليل:تكدرررر تكدر سِراج لتكول ماكدر اسوي شي
ابسط شي تسوي تطردها من البيت ومتخليها تجي من تحجي حرف تسكتها متخليها تتطاول اكثـررر سِراج كلشي تكدر تسوي
سحبت نفس قوي واردفت..
ليل:من شفتها اجت وكعدت يمممنه تكوم وتاخذني نطلع من المطعم كله
لو تكلها رايد اكعد ويه مرتي مو صعبـه لتصَعبهاااا أنتَ مو صـعبه
سِراج:حقج عليه صحيح
حجيت بهدوء عكس البركان الي بداخلي..
ليل:اطلع من الغرفه ماريد اشوفك
سِراج:تعبان وداعتج اريد انام
ليل:روح نام بحضن غزل اني شعليه
سِراج:استغفر الله ربي، بويه والله تعبان خلي انام وباجر نتعارك ميخالف تدللين
عطت بي وكلت
ليل:انتَ ليش مستهين بمشاعري!!
سِراج:مو مستهين بمشاعرج بس اگلج تعبان اريد بس انام من البارحه الصبح كاعد وانوب الفاتحه هلكتت وحق عيونچ
فتحت الكنتور بدون ماارد عليه وطلعت غطوه شمرتها عليه وسحبت الكرسي صعدت عليه ونزلت من فوك الكنتور دوشك
وطلعتله جرجف وفرشته وحطيتله مخده
رحت تمددت على الجربايه وباوعتله واكف و صافن عليه حچيت بحديه واني أشر عَ الگاع
ليل:هذا فراشك نام هنا
كمت من مكاني مره لخ و رحت للكنتور طلعتلي سيت نوم ودخلت للحمام لبسته ولبست الروب مالته فوكاه
وطلعت لكيته مبدل ومتمدد على الدوشك بالگاع
مريت من يمه وكعدت على الكرسي مال ميز المرايه
واخذت مرطب مال جسم وكعدت احط لجسمي
أنت تقرأ
سراج الليل
Non-Fictionمكان مهجور ظلام دامس، الهدوء فضيع مينسمع اي صوت عدى صوت الكلاب الي بالمكان.. خوف، رهبه، قلق.. شنو حيصير شنو نهاية هالطريق؟.. ثواني وسمعت صوت خطوات تقترب من المكان الي اني بي.. زاد التوتر والخوف صرت ارجف مكادره اسيطر على نفسي واضبطها.. غمضت عيوني...
