طفلتي المجنونه

الحادي عشر

ميرا بغضب ودموع: انت عارف انت عملت فيا اي انت انت كسرتني عارف لما تكون بتحب حد جامد وتصارحه بحبك ويكون مش مهتم و..

شهاب بمقاطعه تكلم بحزن: صدقيني وانا كمان كنت وقتها بحبك ومن قبلها بكتيرر
بس خوفت ..خوفت تكون دي فتره مراهقه وبتقولي كدا عشان لقيتيني مهتم بيكي وجمبك دايما فاتشديتي ليا بس كنت خايف يكون مش حب

ميرا بهدوء وهي تمسح دموعها: اللي بيحب مش بيدي اعذار لحبه لو كنت بتحبني زي ما بتقول كنت فضلت جمبي ولحاد ما اكبر وانا معاك وحبنا يكبر لتكن انت مبتحبش يا شهاب

شهاب بحزن وغضب: كنتي عوزاني اعمل اي طفله عندها 19 سنه جايه تقولي بحبك المفروض ارد اقولك وانا كمان بحبك واغدر بصاحبي انتي بتتكلمي في اي

ميرا بغضب: بس كان ممكن متمشيش وتسيبني كل داا

شهاب بهدوء: انا مشيت عشان متتعلقيش بيا اكتر وكنت عاوز لما ارجع اصارحك انا بحبي عشان بجد اتعزبت من غيرك ولما رجعت انتي عملتي اي ؟!!. مانتي سافرتي اول ما جيت ومش قابلتيني ومرضتيش تكلميني حتي وسافرتي ودلواقتي انا مش هسيبك يا ميرا فاهمه

ميرا ببرود: خلصت

شهاب مسح علي وشه بزهق وتمتم: استغفر الله العظيم .. ثم رفع وجهه ينظر لها... يبنتي اتقي شري

ميرا ببرود: انا ماتكلمتش

شهاب بغضب: مهو المصيبه انك مش بتتكلمي
...ثم تنهد واكمل بحزن... ممكن ننسي اللي فات بقا ونبداء من جديد .... انسي اي زعل ... عاوزك تبدائي من دلواقتي احنا دلواقتي اتنين اول مره يقابلوا بعض وحتي مش عارفين اسم بعض وليسه هنتعرفوا ....عشان خاطري يا ميرا انسي بس ومش عاوز حاجه

ميرا ببرود ظاهري: طيب تمام هحاول انسي ونتعرف من جديد

شهاب بابتسامه جميله زادته وسامه فوق وسامته : تمام انا شهاب وانتي

ابتسمت ميرا لطريقته : وانا ميرا

شهاب قام وقف ومسك ايديها: لا انا مش هتعرف قومي

ميرا باستغراب: في اي

شهاب بابتسامه: هاخدك مكان بتحبيه

ميرا بفرحه وفتحت عينها علي وسعها: اكيد استاد الاهلي صح

ضحك شهاب عليها: لا

ميرا لوت بوزها بتحلطم: ليييه يا دنيا بتحطي علي جرحي كلونيا

شهاب حاسب وراكبوا العربيه وذهبوا الي وجهتهم

ريم احمد استدعاها: نعم يا فندم

احمد بهدوء: في مشروع جديد هيتعمل ولازم تكوني موجوده

ريم : اكيد حضرتك هكون موجوده ... هو هيكون امتا

احمد: بعد بكرا ... ابقي جهزي نفسك بقاا

ريم باستغراب: اجهز نفسي لايه