ادم فضل قاعد جمب ريم مش بيتكلم ولا بيطلع من الاوضه وهو بيأنب نفسه ومفكر ان هو السبب في انها هنا
وبعد ما اتطمن ان اخته بخير
ريم كانت بتتكلم وهيا نايمه: ماما ماما متسيبينيش ...انا خايفه
ادم بتهدئه: اهدي يا ريم دا كابوس انا جنبك متخافش اهدي
- خديني معاكي ..ماااامااا
وصحت ريم من الكابوس وبصت حواليها وبعدين بدأت تعيط بانهيار
ادم بخوف عليها: رييم .. ريم اهدي عشان خاطري خلاص انتي كويسه محدش عملك حاجه
ريم فضلت تعيط وادم راح للدكتور وعطالها حقنه مهدئه وادم كان واقف جمبها بقلق
ريم بنوم: اا.ادم هوو.. هو كاا..ان عاوزز يقت..تلك و..مي.راا ميرا فين هي..ياا
راحت ريم في النوم وادم استغرب انها خايفه عليهم وهيا اللي كانت هتموت
قعد جمبها بحزن :انتي غبيه اي اللي وصلك للشخص دا ومش لاقيه شغل غير معاه يا متخلفه
وطلع من الاوضه واتصل علي مالك: انت فين
مالك: مروح كنت هاخد ليان ونخرج بس عمي محمود تعبان ومش هينفع تسيبه
=طيب رن علي شهاب شوفه فين جيه من المستشفي ولا لا وروح لهم
مالك باستغراب وقلق: مستشفي ليه
ادم بهدوء: ميرا تعبت شوايا واخدوها المستشفي
مالك اخد فرامل بالعربيه: اااايه تعبت ازاي اي اللي حصل
ادم بغضب: انت بتسأل كتير ليه ... المهم روح شوفها روحت ولا ليسه في المستشفي ولو ف المستشفي روحها انت واقعد معاها وانا ممكن اجي بكرا
مالك باستغراب: تيجي بكرا ليه انت فين
ادم بهدوء: لما اجي هقولك ... يلا سلااام وزي ما قولتلك تقعد انت معاهاا فاااهم شهاب مش عاوزه يقعد معاها
مالك بغضب: انت بتفررق ليه وفيها اي لو شهاب قعد معاها
ادم بعصبيه: انااا حررر مش عاوز اختي تقعد معاه واخلص يلااا
وقفل الخط
مالك ركن العربيه في جمب ورن علي شهاب وبعد رنتين در
-انتو فين
شهاب: في العربيه مروحين
مالك بهدوء: طب فين بالظبط
شهاب: رايحين عالڤيلا
مالك بهدوء: طيب
وراح مالك يستناهم هناك شاف الفيلا بالمنظر دا والحراس اللي ليسه عايشين بيشيلوا الجسس
طلع مالك تاني ووقف عند عربيته بهدوء وعرف اللي حصل بعد دقايق عربيه مراد كانت قربت من الفيلا ووقف جمب مالك ونزلوا من العربيه ومالك راح لهم
ميرا لما شافت مالك عيطت وجريت عليه وحضنته وهو حضنها جامد بقلق وخوف عليها
ثم ابعدها عنه بهدوء: انتي كويسه
