بعد مرور اسبوعين
يستيقظ مالك من نومه علي رنات هاتفه المزعجه لينظر الي شاشه الهاتف بنعاس ويضعه علي اذنه
=الوو .....انا جااي حالاا سلام
ليدخل مالك بسرعه الي الحمام المرافق لغرفته يستحم ويبدل ملابسه وينزل ليجد الجميع علي طاوله الطعام
ادم :رايح فين يبني منا من بادري بصحيك
مالك وهو يأخذ القهوه من امام ادم بتعجل :طلبوني ضروري ف المقر ..نت مش رايح ولا اى
=استني جاي معاك
ادهم بابتسامه غامضه :مش عايزك تتهز من اللي هتعرفه ي مالك
مالك بمرح :اتهز من اي هو نا رقاصه
ادهم بيأس :مش هتتغير ...وعايزك تفضل كدا
مالك بقلق : انت في حاجه عارفها ومش عايز تقول ..بقالك فتره وانت بتتكلم بغموض كدا
ادهم وهو يأكل بلامبالاه :هتعرف كل حاجه قريب اوووي
ادم وهو يخرج :يلااا يزفت
ليخرج مالك وهو ينظر لأدهم بتوتر مما هو قادم
ادهم بابتسامه لميرا:اي يحبيبتي الواد شهاب دا مزعلك ولا حاجه اقتله
ميرا بضحك :لا مش مزعلني ف حاجه
لينظروا الى من تنزل بغنج ومياعه ع السلم وترتدي ..مهلا هل قلت ترتدي ..لا بل انها تضع قطعه قماش لا معني لها تظهر بها اكتر مما تخفي
ادهم وقد تغيرت ملامحه الي الغضب والاشمئزاز فهو اكثر شخص يكشفها ويعرف نوياها هيا وعمته تلك :هو انتي ليسه هنا نا كنت نسيتك
=انت بتطردني ولا اي !!؟
ادهم بضحك :طب واللهي فيكي الخير انك فهمتي ..دانا كنت بقول عنك غبيه ..يلا بقاا زي الشاطره انتي وعمتي الحربايه امسكوو ايد بعض كدا وامشواا
عمته من الخلف بغضب :انت متقدرش تمشينا من هنا ياا ادهم دا بيتنا زي ما هو بيتك
ادهم بسخريه :احنا هنظيط علي بعض ولا اى ..داحنا دافنينه سوااا ...متجيش لواحد فاهمك وتقولى بيتي ..يلاا يعمتي نا حجزتلكوا ف فندق تقدروا تقعدوا فيه زي مانتوا عايزين لاكن هنا لا ...كفايا اللي عملتوه امبارح
نبيله بغضب :خلي الفندق ليك ي ابن اخويااا ..انا ماشيه بس صدقني هتندم عاللي عملته دا
ادهم بابتسامه ساخره :انتي اكيد عرفاني بحب اندم ..يلا اتفضلوا
لتصعد نبيله لتضب اغراضها ونظرت سالي لأدهم بابتسامه: مش هنخلص لحاد هنا يا ادهم ..انت عارفني كويس وعارف انا اقدر اعمل اى
ليلي بغضب: احترمي نفسك واعرفي انتي بتتكلمي مع مين ..ويلا زي ما قال كدا كانت زياره تقيله وياريت متتكررش
