✳ الجزء 1 ✳
♥رؤيــــــــــــا راجــــــــــــــح♥
🔥 365 يوم 🔥
🌸فاطمة الزهراء مبارك🌸
⚡ سامحيني عما بدر مني ف والله بحبك لا مجنون ⚡
في احد الأحياء الشعبية
كانت واقفة بكل رشاقة كتسربي الناس و تعطيهم الطلبيات ديالو ها لي باغي الكومير ها لي باغي كرواصة كل واحد و شنو باغي ياخد المهم حركة زاهية و الارزاق مفرقة المهم هي النية وربي عيجيب التيسير مشي مشكل يكون نهار زاهي كل نهار و رزقو الله لي كي سير و كي عطيك على قد النفع
دخل شخص كيف ديما لي ولا محطة ديالو كل صباح يدخل لهذه المخبازة ياخد لي بغا حتى ولاو حافضين توقيت ديالو و شخص لي ولا كي نتاضرو كل نهار كان داير نضاضر على عينيه بنية و لابس سروال جينس و قميجة ولكن شكل ديالو كان باين عليه انه متريني صحبتها غير شافتو داخل نغزاتها مبتاسمة
***:رؤيا
رؤيا(شافت فيها):نعام ا نهاد
نهاد:حبيب القلب دخل الباتيسري
رؤيا شافت فيها و ولات شافت في الشخص قلبها بدا كي ضرب بالزربة علاش لا و هو ولا الأوكسيجين ديالها ولات مهوسة بيه لواحد الدرجة كبيرة منقولوش فترة و كدوز عند البنت حيت الحب منين كي طرق باب قلبك كي خليك تنساي راسك و هذه الشي لي ولات عليه رؤيا من نهار جات عينيها في عينيه و هي غارقة في حبها ليه و هذه الحب مخلي داتها ترعد عليها و توتر كل ما كتشوفو و الخجل كي ياخد منها حيز و حمورة وجها كتبان عليها و تفلت ليها ضحيكة كتكون نابعة من قلب دار شاف فيها و هي تزنگ عادة لي رد ليها البال و ولا حافظها
***:سلام
رؤيا(صمت)
نهاد(تبسمات):شوفي السيد شنو بغا ا رؤيا انا خاصني نجيب الكومير من الداخل
رؤيا خرجات عينيها فيها زعمة شنو كديري نهاد خلاتها و سلتات شافت فيه دوات بصوت خافت شبه مسموع
رؤيا: ش شنو خاصك ا سيدي
***(تبسم ليها و حيد النضاضر من عينيه و دور بحوت رجولي قوي مبحوح): بغيت كيكة و كرواصة
رؤيا:اه هي الأولى
مشات بالزربة كديرهم ليه و يديها كي ترعدو قلبها كي ضرب في 90 اما هو كان كي دور راسو في المحل و يشوف هنا و هنا شاف يديها كترعد و هي كتمد ليه الطلب تبسم ولكن محكرش كيف العادة
***:شحال
رؤيا:7 دراهم
***(جبد الفلوس و مدهم ليها شداتهم): بالمناسبة كيكة لي كتصايبو عجباتني بزاف
رؤيا:مرحبا بيك
هز ليها براسو و خرج و هي حطات يديها على قلبها لي كي ضرب تبسمات منين دارت شافت في صحبتها ضحكات ليها
رؤيا:عرفتي قلبي كي ضرب ممتيقاش الدابا انه ساكن هنا في الحومة من نهار شفتو حدا البحر و دخلت فيه و هو معشش ليا في الدماغ
نهاد:خاصك تستغلي الفرصة
رؤيا:مجاتش اصلا ا نهاد على العموم خاصني نمشي لافاك دابا بسلامة
نهاد:ردي البال لراسك
رؤيا:واخا
خرجات رؤيا كتمشى و دايرة صاكها في كتفها داز 3 سنين باش شافتو حدى البحر كانت كتقرى في الباك من تما و هو معشش ليها في الدماغ و نهار لي تلاقاتو في الحومة متيقاتش انه ساكن عندهم تبسمات منين تفكرات نهار دخلات في حطات يديها على قلبها و طلعات الطوبيس خلصات و مشات جلسات دارت الكيت و دارت أغنية ديال اليسا عبالي حبيبي و كتفكر
🔙🔙 فلاش باك 🔙🔙
أنت تقرأ
🔥 رؤية راجح 365 يوم 🔥 ( بالدارجة المغربية )
Action🍀السلام عليكم فتيات الزينات الغزالات الفنات كنتمنى تكونو بخير و على خير🍀 القصة ليكنتو كتنتاضروها من هذا شحال و اخرا جا وقتها تكتبات حتى نهاية ديالها هي قصة كتجمع بين #الدراما #ضلم #الحب #الهوس #احتيال #الرومانسية 🍁الحصول بلا ما نطول عليكم 🍁 قص...
