🔥 رؤية راجح 365 يوم 🔥 ( بالدارجة المغربية )

✳ الجزء 41 ✳ ♥رؤيــــــــــــا راجــــــــــــــح♥ 🔥

        ✳ الجزء 41 ✳

   ♥رؤيــــــــــــا راجــــــــــــــح♥

             🔥 365 يوم 🔥

🌸فاطمة الزهراء مبارك🌸

          
⚡ سامحيني عما بدر مني ف والله بحبك لا مجنون ⚡

رجع عندها عاونها جمعات الدنيا و غسلات الماعن و جبدات الكفتة خلاتها دوب و خرجات عندو الصالة كان بدل حوايجو و لبس حوايج الدار هي مشات جلسات حداه كتشوف فيه كتسناه يدوي اما هو حط يديه على المخدة و شاف فيها

راجح:منين عنبدا
رؤيا:من اول مرة دخلتي فيا حدى البحر
راجح(شاف فيها):فأرة كنت عنزطم عليك
رؤيا (ضحكات):ياك
راجح(هز يديه حطها على حنيكاتها السخان): هذه الشي لي عنعاود ليك معرفتش واش عتاخدي مني موقف ولا عتقلقي المهم نقول ليك كلشي و نتهنى
رؤيا:شنو

راجح خدا نفس عميق و بدا يعاود ليها كلشي من طق طق حتى سلام عليكم دوز 2 سوايع و هو غير كي دوي و يعاود ليها و كملها حتى بانتقامو لباه و شنو دار معاهم

حياتو كمالة عاودها ليها وصل المؤامرة لي دارت من مور ضهرها و كيفاش عاونها عائلتها لي كانو باغيين ياكلو رزقها هددهم باش عطاوها التيساع سهى و مسلم شنو دارو من مور ضهرو هي ساكتة مرة تعصب مرة ضحك مرة تغوبش مرة دعي في خاطرها حتى سلا و شاف فيها

راجح:هذه الشي لي كاين و حنا مخبيه عليك بنية صافية و معمري فكرت انني نأديك درتك مراتي ديال بصح مشي على قبل الولاد لا بالعكس حيت باغيك ا بنت الناس دابا شنو

رؤيا:هذه الشي كامل داز عليك
راجح(هز براسو)
رؤيا :و هذه الدار ديال وليديك
راجح(تبسم):هذه الدار دوزت فيها 13 العام من صغري قبل ما يموت الوليد منين حليت عيني و جبتك لهنا سكنتك في اكثر بلاصة كنرتاح فيها
رؤيا(كتشوف في الدار شافت فيه):شنو درتي منين خرجتي من الخيرية

راجح(تنهد):منين كملت 18 العام خرجت الشارع و بقيت كندور كنت جامع شوية الفلوس كريت بيهم بيت و سكنت فيه و انا كنقلب على خدمة حتى خدمت و دفعت لافاك

رؤيا:فاش خدمتي

راجح:في جميع الخدامي خياط حداد خدمت مع مول الفران دازت عليا منين خديت الايجازة و الماستر دفعت لشريكات حتى خدمت في وحدة و بفضل شغفي في الخدمة طلعت في البوسط حتى وصلت لي انا عليه دابا خرجت ختي و مشيت الأمريكا خدمت في المشروع ديالي حتى ولا من اكبر شركات كتنافس على برا و فتحت مجموعة من الفروع مطاعم حتى هي و المطعم لي دفتي فيه حتى هو ديالي بمعنى راجلك لاباس عليه

رؤيا:مكيهمنيش الفلوس علاش مقلتيش ليا هذه الشي قبل ما نتزوجو
راجح:بغيت نشوفك واش عتختاريني انا و لا الفلوس
رؤيا:انا بغيتك انت مشي الفلوس
راجح:بصح
رؤيا:اه
راجح(تبسم):ها انت وليتي عارفة عليا كلشي

رؤيا تنهدات كتشوف فيه كانت عتاخد منو موقف ولكن منين فطرات لقات بلي تحمل فوق طاقتو قربات عندو بشوية حطات راسها على صدرو و هو عنقها

رؤيا: مبغيت والو بغيت غير تكون معايا و في جنبي
راجح:و ديما معاك ا حياتي
رؤيا:شنو درتي مع مراتك القديمة
راجح(مابغاش يقول ليها باش متنفروش):والو حيدت ليها كلشي و خليتها في حالها
رؤيا: و صاحبك
راجح:ضربت ليه السيفي ديالو باش ميلقاش خدمة ياربي غير يتربى شوية
رؤيا:معيوليش يجي ياك
راجح:توء لا دابا منين عرفتي كلشي شنو بغيتي تمشي معايا الامريكا ولا نعيشو هنا
رؤيا:راحتي من راحتك ولكن ولفت هذه الدار و تعرفت على الجيران مزيانين بوليداتهم هنا بعيد على الصداع مبغياش نتبدل نهائيا
راجح(باس راسها):الله يرضي عليك

عنقاتو كتضحك و هو كي لعب ليها في شعرها