✳ الجزء 38 ✳
♥رؤيــــــــــــا راجــــــــــــــح♥
🔥 365 يوم 🔥
🌸فاطمة الزهراء مبارك🌸
⚡ سامحيني عما بدر مني ف والله بحبك لا مجنون ⚡
صباح الصباح ناضت رؤيا من بلاصتها شافت الساعة كانت 12الصباح كلشي باقي خامر مع انهم فاقو بكري
دخلات الحمام و خاطرها مغيلف مطايب عليها والو غسلات وجها و خرجات مشات الكوزينة جبدات الحليب فيضاتو و خرجات الرغايف رؤيا من النوع لي كي بغي كلشي يكون عندها موجود و حتى منين كي كون راجح جاي كتوصيه يجب ليها الحاجة و كتصيفط ليه القائمة حتى انه عاش معاها حياة لي تمنى يرجع ليها و يكون مسؤول على دارو و بفضلها رجع ليها
حطات الصينية في الصالة و خلات نهاد مزالة ناعسة مشات خرجات تجيب الخبز من المخبازة تشهاتو و راجعات لدار مشات الكوزينة حطاتو فوق البوطجي و حنات تجبد الشبكة مع عتهز راسها كتشوف واحد مصاب و مقاد خافت يحساب ليها مسلم يالله جات تغوت حتى سد ليها راجح فمها بيده باش مديرش فضيحة
راجح:ششش غير انا مالك
رؤيا(حلات عينيها غير شافتو و هي تعنقو): خفت يكون صاحبك خصوصا خليت الباب محلول
راجح: غير انا شفتك باش خرجتي و مرديتش ليا البال
رؤيا(هزات عويناتها فيه مبتاسمة):شنو هذه الزين كامل كون نشوفك في الزنقة منعرفكش
راجح(مد يديه و حل ليها الشال حيدو من فوق راسها و طلق ليها شعرها):ايييه اوا من دابا الفوق عتبقاي تشوفيني غير هكدا
رؤيا:متقولش ليا ترقيتي في الخدمة ديالك
حطات يديها على فمها مصدومة بالفرحة: مبروووووووك
راجح (ضحك حتى الودنيه):لا ا حبيبو مشي هكدا المهم جات كوثر
رؤيا(سمعات سميتها و خنزرات): اه الفوق في بيت الضياف
راجح(تبسم):وا عنطلع نفيقها و نهبطو مزال بلا فطور
رؤيا(بعدات عليه معاجبها حال):مزيان سير
راجح(كان غادي و دور راسو مبتاسم بانت ليه كتقطع الخبز بالزعاف و هو ينطق):تكايسي على الخبز حتى يمشيو و ندويو على هذه الغيرة
(قرب لودنها):نسيت ما قلت ليك في جميع حالاتك كتحمقي
شافت فيه و ضحكات و هذه الشي لي خاصو هو يشوف ضحكتها غمزها حتى خدودها توردو هو طلع البيت ختو دق كانت فايقة و كتدوي مع راجلها سمعات الدقان حلات الباب شافتو طارت عليه بتعنيقة دخل جلس حداها و هي كدور رأسها في البيت
أنت تقرأ
🔥 رؤية راجح 365 يوم 🔥 ( بالدارجة المغربية )
Action🍀السلام عليكم فتيات الزينات الغزالات الفنات كنتمنى تكونو بخير و على خير🍀 القصة ليكنتو كتنتاضروها من هذا شحال و اخرا جا وقتها تكتبات حتى نهاية ديالها هي قصة كتجمع بين #الدراما #ضلم #الحب #الهوس #احتيال #الرومانسية 🍁الحصول بلا ما نطول عليكم 🍁 قص...
