✳ الجزء 17 ✳
♥رؤيــــــــــــا راجــــــــــــــح♥
🔥 365 يوم 🔥
🌸فاطمة الزهراء مبارك🌸
⚡ سامحيني عما بدر مني ف والله بحبك لا مجنون ⚡
وصلو واحد الحي ولو انه في حي شعبي الا انه راقي و كل واحد داخل الدارو ولكن كانو الخوانت حالين و المكتابة المخبازة سوبر مارشي صغير يعني لي بغيتيه خداهم بلا ما تحتاج شي حاجة و الجيران كلها و دارو ساد عليه مكتسمعش صوتهم رؤيا نزلات و دارت كتشوف في الدار و الحي هي تشوف فيه منين نزل و دار عندها مد ليها صرف مسدود
راجح:هاكي
رؤيا:شنو هذا
راجح:صداقك مدويناش فيه ولكن فيه شي بركة ضروري منو
رؤيا:علاش
راجح(تبسم بخفوت):كيفاش علاش حق الله خاصك تاخديه
رؤيا(هزات براسها):واخا احم راجح
راجح:امم
رؤيا:علاش مامشيناش لحومة
راجح:يالله ندخلو بعدة و نقول ليك
هزات براسها و دخلات معاه سد الباب و مشا حط الشانطة ديالها حيت لي كان جابتو نهاد و مسلم قبل شاف فيها و بدون شعور حيت اصلا مكيديرش شي حاجة لي حرام جرها من يديها و دورهم على خصرها حتى خدودها توردو
راجح: ديك الحومة الالة مبقيتش باغي نسكن فيها فيها الصداع و كثرت اللغيط بعت ديك الدار لي تما و شريت هنا و كنت عنتاقل هذا شحال ولكن ضروف مسمحاتش خصوصا منين شفتك تما
(نزل عند وجها و بدا كي دوز وجهو على خديداتها):مقدرتش نخليك يديك مني شي واحد اخر
رؤيا(خدودها عيطرطقو هزات راسها فيه): راجح
راجح:نعام ا عوينات راجح
رؤيا مقدرتش تهضر حيت حشمها عمرها كانت قريبة ليه حتى لهذه الدرجة هو تبسم فهم المضمون بعد يديه و شاف فيها كتشوف فيه بعوينات نايمين يادوب تقدر تهزهم و تدير فيه نص شوفة فقط احساس الحبها من جيهتو نهار على نهار كي كبر و هذه الشي حاسة بيه فوق طاقتها ان القدر يجمعهم من جديد و تكون مراتو لا و دابا معاه في نفس الدار بزاف عليها تقبلو
جوج عقولة كل واحد فاش كي فكر ولكن مبتغا واحد شنو مخبي راجح و باغي يوصل ليه ياك مزوج اش قربو لرؤيا
تبسم و طلع شد خدودها بين يديه و باسها في راسها و نطق:العشا في الكوزينة ديريه انا ندوش و نجي نتعشاو مزال تابعانا ليلة طوييييييلة
رؤيا(هزات فيه عزيناتها):هااا
راجح(ضربها لنيفها):يالله ازين ديالي توگضي ليا
تبسمات و مشات الكوزينة هو طلع البيت و حيد حوايجو دخل دوش و خرج بالخف لبس شورت و تيشورت و نزل عندها لقا العشاء واجد فوق الطبلة و لابسة بيجامة سخونة
أنت تقرأ
🔥 رؤية راجح 365 يوم 🔥 ( بالدارجة المغربية )
Aksi🍀السلام عليكم فتيات الزينات الغزالات الفنات كنتمنى تكونو بخير و على خير🍀 القصة ليكنتو كتنتاضروها من هذا شحال و اخرا جا وقتها تكتبات حتى نهاية ديالها هي قصة كتجمع بين #الدراما #ضلم #الحب #الهوس #احتيال #الرومانسية 🍁الحصول بلا ما نطول عليكم 🍁 قص...
