✳ الجزء 10 ✳
♥رؤيــــــــــــا راجــــــــــــــح♥
🔥 365 يوم 🔥
🌸فاطمة الزهراء مبارك🌸
⚡ سامحيني عما بدر مني ف والله بحبك لا مجنون ⚡
دازت سيمانة مكاين حتى رد من عند رؤيا راجح كي حك جبهتو فين ما يتفكرها كي قول واقلة معتقبلش و لكن خاصو يسمع جوابها من عندها هي استنتاجاتو معندو فاش تفيدو
خرجت من الدار و كتلاقا غير معاه حنات راسها و زادت هو دور راسو في الدرب عامر غير برگاگة و خصوصا البنات 16 العام لي دخلاتهم المراهقة وكل وحدة مابينة مفاتنها حداه باش يشوف فيها تبعها من لور حتى وصلات الطوبيس وقفات فيه بحال الناس هو وقف حداها و شاف فيها
راجح:صباح الخير
رؤيا:صباح الخير
راجح:فين غادا
رؤيا:عنقدم البحث لاستاد و نشوف واش صحيح
راجح:أجي نوصلك
رؤيا:لا
راجح:علاش
رؤيا:مبغياش الجيران يبداو يدويو عليا
راجح معجبوش الحال شدها من يديها و ركبها في لوطو و هي كتنتر سد الباب و دار ركب و هي مخنزرة ديمارا لوطو شاد طريق لافاك
راجح:انا ا بنت الناس مجايش من الشرجم جيتك من الباب قلت ليك باغيك تكوني مراتي مقلت حتى كلام العيب تسنيت سيمانة فين ما نشوفك كنقول راها عتدوي و توافق ولكن طلع ليا انت عاجبك الحال هكدا ياك
رؤيا:فاش عاجبني الحال
راجح:تبقاي بايرة و مجرجراني معاك
رؤيا:و مال البايرة مشي مراءة
راجح(وقف جنب الطريق و شاف فيها): كتشوفيني مشي قد المقام ياك معلوم انت قارية و واعية
رؤيا:معندها علاقة بهذه الشي
راجح:و لا انا يتيم معندي لا مي لا با ياك
رؤيا:متخلطش الامور حتى انا ميتين حتى انا يتيمة يعني بحالي بحالك انت كتقول ليا مشي قد المقام انا راه جاية من حومة شعبية مسرفقة نهار ماتت جداتي رجعت رزنت و عرفت اللعب معندو فاش يفيدني انا مبغيتش الحومة تدوي عليا باش ميطعنوش في تربية جداتي الله يرحمها عاشت شريفة و ماتت شريفة و انا مبغيتش نوسخ شرفها ولو ما يكون والو غير يشوفوك معايا ولو غير تسول يخرجو فيك لي ما فيك و يردوك مسخة و مكتسوايش
كانت كتدوي و تبكي و هو تنهد مسح على وجهو جبد كلينيك و عطاها تمسح عينيها
راجح:و على قبل هذه الشي علاش باغي نتزوج بيك شنو قلتي دابا امم
هزات فيه عويناتها و تبسمات ليه و هبطاتها حشمات كنشوفو كيفاش مشبت بيها ضحكة فلتات ليها بدون ما تحس من وجهة الملائكي بغات تقول ليه موافقة ولكن مشمتها منو نقداتش تخرج أما هو فهم انها حشمانة هبط راسو معاها و طلعو ليها بصباع يديه
راجح:كي قولو السكوت من علامة الرضى ياك
توسعات ابتسامتها و قلبات شوفتها الشرجم و هو ديمارا لوطو عيمشي يوصلها لافاك في طريق وصلو ميساج سدو و هز مخنزر و هذه الشي باين عليه لكن فرحتها هي لي مقداتش تشوفها
أنت تقرأ
🔥 رؤية راجح 365 يوم 🔥 ( بالدارجة المغربية )
Hành động🍀السلام عليكم فتيات الزينات الغزالات الفنات كنتمنى تكونو بخير و على خير🍀 القصة ليكنتو كتنتاضروها من هذا شحال و اخرا جا وقتها تكتبات حتى نهاية ديالها هي قصة كتجمع بين #الدراما #ضلم #الحب #الهوس #احتيال #الرومانسية 🍁الحصول بلا ما نطول عليكم 🍁 قص...
