✳ الجزء 28 ✳
♥رؤيــــــــــــا راجــــــــــــــح♥
🔥 365 يوم 🔥
🌸فاطمة الزهراء مبارك🌸
⚡ سامحيني عما بدر مني ف والله بحبك لا مجنون ⚡
دازو ايام و ليالي و الامور تقادات بين راجح و رؤيا لي ولات كتبغيه كثر من راسها و حتى راجح زاد تعلق بيها كثر و كثر كان معاها نعم الزوج لي تمناه اي بنت ولو انه تقيل في حركاتو في خدمتو في كلشي الا ان الاهتمام لي عاطيها معمرها حسات بالنقص مسبقها على كلشي
كانت جالسة بعد ما خدات الاجازة ديالها و كتشوف في التيلي و تدوي مع نهاد راجح مزال ما جا من الخدمة شافت في الساعة الخامسة العشية ناضت الكوزينة جبدات اللحم و دارتو يتبخر مع الخضرة و صايبات حتى شلاظة دارت قهوة حليب حتى حطاتها فوق الطبلة و كيكة داكشي لي كتوجدو كتحطو فرحانة معمرها ملات و كتسناه غير فوقاش يرجع
سمعات ساروت في الباب ناضت عندو طارت عليه بتعنيقة و شعرها مدلي من وراها هو عنقها و باسها في جبهتها فرحان بيها هذه هي عادتها دائما واخا كي كون معصب
راجح:اه اه اه هذا كامل وحش
رؤيا:كتخلي عليا الدار خاوية بزاااف و شنو كندير بوحدي زيد دخل
راجح(دخل كي شوف فيها):شنو ندير الا مخدمتش نجلسو بالجوع
رؤيا(حطات يديها على فمها):هااا الله يحفظ
(حط صباطو و هي مشات جابت ليه بانطوفة رجالية ديالو):متخافش كنخبي لدواير الزمان
راجح:بصح
رؤيا(جابت ليه الفوطة):ضروري الواحد يكون داير الاحتياط
راجح:مزيان ا حبيبو
باس راسها و خدا الفوطة دخل لقا الطبلة محطوطة تبسم لعادتها و مشا جلس كي شوف وراق محطوطين حداها شاف فيها
راجح:ديالاش هذو
رؤيا:هذو ا سيدي استدعاء جاتني من اكبر توكيل كاين هنا في أكادير باش نخدم
راجح:فوقاش وصلتتك
رؤيا:هذه سيمانة
راجح(معجبوش الحال):مزيان
رؤيا:مالك
راجح:والو جيت عيان عنطلع نعس
سمح فيها و طلع و هو عاقد حجبانو تنهدات و ناضت تبعاتو لقاتو كي حيد الجاكيت ديالو و غادي يتجبد هي هبطات راسها جات تدوي قاطعها
راجح:طفي معاك الضو و متفيقينيش العشاء
أنت تقرأ
🔥 رؤية راجح 365 يوم 🔥 ( بالدارجة المغربية )
Action🍀السلام عليكم فتيات الزينات الغزالات الفنات كنتمنى تكونو بخير و على خير🍀 القصة ليكنتو كتنتاضروها من هذا شحال و اخرا جا وقتها تكتبات حتى نهاية ديالها هي قصة كتجمع بين #الدراما #ضلم #الحب #الهوس #احتيال #الرومانسية 🍁الحصول بلا ما نطول عليكم 🍁 قص...
