✳ الجزء 27 ✳
♥رؤيــــــــــــا راجــــــــــــــح♥
🔥 365 يوم 🔥
🌸فاطمة الزهراء مبارك🌸
⚡ سامحيني عما بدر مني ف والله بحبك لا مجنون ⚡
رجع الواقع على دغمة محطوطة حدا فمو هبط راسو ليها و تبسم بحب و خداها من عندها كي ضحك معاها خالقين الجو بيناتهم و بزز منها لازم عليها تعود على حياتهم الجديدة راجح مسح يديه و شاف فيها شعرها مزلع على وجها تبسم و هزو ليها ردو من مور ضهرها و خشا راسو في عنقها كي ستنشق عبيرها
راجح:خاصني نعرفك على واحد الشخص عزيز عليا بزااف
رؤيا(هزات ليه راسها):شكون
راجح:شخص لي عتفاهمي انت و ياه
رؤيا:واخا واش عتجيبو هذه الايام
راجح:مزال شوية حيت معيكونش هنا
رؤيا:واخا مشي مشكل هداااا راجح لا كتهرني
كان خاشي راسو في عنقها كي بوسها و يضحك بعد عليها و هي هزات تعطيه ياكل
رؤيا:هاك
راجح(حرك راسو معارض):بركة عليا انا انا لا رؤيا لا
رؤيا(خنزرات):غير هذه حشومة عليك عتخليها ليا في يدي
راجح(دار ليها خاطرها):واخا
خدا من عندها و هي ضحكات ناض غسل يديه و جاب جوج كيسان اخرين نقيين كب ليه كوكا و رجع لور و هي ناضت بشوية جمعات الطبلة و داتهم الكوزينة حطاتهم هو شاف قدامو
راجح:بقاو جوج اختبارات ا حبيبتي و نتأكد راك انت هي لي تستاهلي تكوني ملكة داري
سكت منين سمع صونيت في الباب رؤيا كانت جمعات الطبلة وغسلات الماعن و كملات شافت في راجح
راجح:شوفي في الكاميرة بعدة
هزات ليه براسها مشات شافت في الكاميرة لي تما دارت عندو:صاحبك انا في الكوزينة
راجح(عجبو تصرف ديالها):واخا
تبسمات و مشات دخلات تفكر شنو دير ليه الكاسكروط لازم تبين على حداگتها تبسمات عرفات و مشات تقضي شغلها اما راجح شاف في مسلم لي دخل و كي دور راسو و مبتاسم
مسلم:سلام
راجح:جلس جلس
مسلم:اش تما
راجح:كل خير علاش جيتي
مسلم:سهى مقلقة بزاف
راجح(كي شوف فيه عينيه كي قلبو و عرف علامن):مالها عوتاني
مسلم(بهمس):خاصك دير مرة في الشهر و تمشي عندها ا راجح راك عارفها كتغير عليك بزاف و قادرة تجي حتى لهنا انت فكر غير راسك
راجح(هز براسو):صافي زم فمك دابا تسمع رؤيا و حنا يالله بدينا
مسلم:صافي فين هي نباركو لي**
راجح:تهز سير من لهنا يالله
مسلم:كتجري عليا
راجح:اه يالله
خنزر و ناض جاي بالعاني و داير السبة باغي يشوفها و عايق باللعب ديالو و حالف يقرب ليها يصفيها ليه شاف في الكوزينة معرف اشنو كتصنع ليه تما ناض عندها وقف كي عاونها زعمة وهو خاصو غير السبة باش يداعبها
أنت تقرأ
🔥 رؤية راجح 365 يوم 🔥 ( بالدارجة المغربية )
Aksiyon🍀السلام عليكم فتيات الزينات الغزالات الفنات كنتمنى تكونو بخير و على خير🍀 القصة ليكنتو كتنتاضروها من هذا شحال و اخرا جا وقتها تكتبات حتى نهاية ديالها هي قصة كتجمع بين #الدراما #ضلم #الحب #الهوس #احتيال #الرومانسية 🍁الحصول بلا ما نطول عليكم 🍁 قص...
