✳ الجزء 13 ✳
♥رؤيــــــــــــا راجــــــــــــــح♥
🔥 365 يوم 🔥
🌸فاطمة الزهراء مبارك🌸
⚡ سامحيني عما بدر مني ف والله بحبك لا مجنون ⚡
صباح الصباح حل عينيه في السقف بقا مدة كي شوف فيه و يتفكر ليلة البارح كيفاش دوزها غمض عينيه و جا ينوض لقا كتفو تقيل و دور راسو لقا سهى مزالة ناعسة على صدرو مع انه قال ليها تمشي قبل ما يفيق ولكن كدير لي فراسها ناض نافض يديه معصب معاجبو حال حتى ناضت قافزة من بلاصتها شدها من يديها و نترها
راجح:شنو قلت ليك ا سهى شنووو علاااش كديري لي في راسك
سهى:بدلت رأيي لبارح مبقيتش عنرجع لامريكا
راجح:هضرة وحدة قلتها لييك
سهى:انا مبغياش
راجح عصباتو كي قول ليها الكلمة و كدير ضدها و هذا و هو مشكلة عندها هي معكاسة ناض من حداها و دخل الحمام هي عضات شفايفها و تبعاتو زعمة تراضيه يالله فتحات الباب و بدأت تحيد البينوار ديالها سمعاتو غوت
راجح:تزيدي خطوة وحدة نقج مكككك ا سهى
سهى:راجح
راجح (غوت):خرجيييييييي
خرجات كطير من حداه دائما منبه عليها هذه المنضر و عارفاه كي تجنن وهكداك كي دير ليها خاطرها ولكن في هذه راه بزاف حيت باغي يتصرف بحرية ديالو خرج لاوي عليه الفوطة لقا حوايجو تما سهى ناضت عندو و وقفات ليه في وجهو
سهى:عتمشي
راجح(كي لبس قدامها عادي)
سهى:شوف انا راه سنيت ليك على الموافقة صافي شنو بغيتي كثر معنبانش في وجهك انا لي باغيا هو نشوفك ولو مرة وحدة في شهر گاع
راجح:هضرة وحدة قلتها معنوليش نعاودها
خرج و زدح الباب هي جلسات معصبة هبط التحت ركب في لوطو و زاد ليها حتى هي نزل منها و ركب في التانية لي كنتسناه و دخل ليها الحومة مع 8 الصباح نزل من لوطو كي هز راسو كتبان ليه رؤيا خارجة من الدار خنزر فيها هي هزات راسها فيه و تبسمات عفويا قلبها تفاجا منين شافتو ضحكات ليه ضحيكة خارجة من قلبها
رؤيا:صباح الخير
راجح:فين غادا
رؤيا:دايرة مع الخدام لي معانا نمشيو نجيبو الزيت و الطحين حيت قرب يتسالا من ال**
راجح(قاطها):رجعي لداركم حتى لعشية و سيري لخدمتك
رؤيا شافتو معصب مابغاتش تحكر اصلا تنهدات و هبطات راسها و رجعات تدخل ما حسات لا قمعها ما حتى زفتة دارت لي حسات بيه معصب اه ولكن تجنب غضب ديالو ما أمكن يمكن تقوى علاقتهم بجوج
اما راجح بقا كي شوف فرق بينها و بين سهى كبير بزاف و هذه الشي باين كون كانت سهى دير لي فراسها و تمشي و متسوق لحد رجع دخل بحالو مهني راسو كي حكو من لور ساهي في الخطة لي جاية من بعد
أنت تقرأ
🔥 رؤية راجح 365 يوم 🔥 ( بالدارجة المغربية )
Acción🍀السلام عليكم فتيات الزينات الغزالات الفنات كنتمنى تكونو بخير و على خير🍀 القصة ليكنتو كتنتاضروها من هذا شحال و اخرا جا وقتها تكتبات حتى نهاية ديالها هي قصة كتجمع بين #الدراما #ضلم #الحب #الهوس #احتيال #الرومانسية 🍁الحصول بلا ما نطول عليكم 🍁 قص...
