Mga salitang ipinagtagpi-tagpi gamit ang mga aral na naranasan at mararanasan pa ng inyong lingkod mula sa pakikipagbuno sa buhay.
Mga salitang nakatadhana na lamang ipinta sa isang nakatagong papel at patuloy na padaluyin gamit ang tinta mula sa pi...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
...✍︎
Tandang-tanda ko pa ang araw no'ng una kitang makita
Maingay ang lahat, nagyayabangan ng kanilang mga bagong gamit sa iskwela
Habang tahimik ka lamang nakaupo at animoy ilag sa iba
Ngunit nang magtama ang ating mga mata doon ko nahinuha "cute ka pala"
Kaya pinaunlakan kita ng isang ngiti na sinagutan mo naman ng isang mukhang mapagsasalaminan ng pagkabigla
Mula nang mga araw na 'yon ay pinangako kong kaibiganin ka
Lalo pat nais kong iguhit ang isang ngiti sa mala-anghel mong mukha
Binibigyan kita ng mga jokes na narinig ko pa mula sa aking ama
Upang mapangiti ka ay sinasabayan ko pa ng tawa kahit wala namang nakakatawa
Kumakanta-kanta pa ako kahit aminado akong ako'y boses-palaka at walang maibubuga
Nabigla na lamang ako nang dumaosdos ang mga luha sa iyong mga mata,
Kaya para akong naparalisa at di alam ang gagawin para patahanin ka
Pagkataranta ang tanging naramdaman ko at pagkabigla, kaya wala akong nagawa
Sa halip na patahanin ka ay sinabayan na lang kita sa iyong pagngawa
Hindi ako tumigil sa pag-iyak hanggang di pa ubos ang iyong mga luha
Ngunit ang di ko inaasahan ang sunod mong ginawa... ngumiti ka;
pinahid mo ang aking mga luha at sinabing "tahan na"
Naging mabait sa akin ang tadhana at naging kaibigan kita,
lagi tayong magkasama sa kalokohang ako ang nangunguna
Nangongopya at nagpapakopya; tumatawa at nagpapatawa;
napakasaya at hiniling ko na sana huwag ng matapos pa
Maraming salitang "sana" ang gusto kong pa sanang ilathala
Ngunit lahat sa mundo ay panandalian lamang
Lahat ng bagay na bago ay kinakalawang
Tulad ng iyong paglisan nang walang paalam
Kasabay ng pagdating ng iyong sulat o liham
Masakit ngunit kailangan kong pilitin na maintindihan
Hiling ko lang sana ay huwag mo akong kalimutan
lalo pa't tinuring kitang tunay na kaibigan na masasandalan sa kalungkutan at kasiyahan
Kung may panahon pa ay sana mabasa mo ang liham na ito...aking kaibigan.
✍︎...
A/N: "Ilang taon na rin, kaibigan ko. Ilang taglagas at tagsibol na rin ang lumipas mula no'ng mga panahon na iyon, parang kisapmata lang...matagal na pala."
