Unicode
မဟာမြတ်သူရဲ့ဆုံးဖြတ်ချက်ကိုဒီတစ်ခါ ခမည်းတော်ကောမိခင်ကောက ကန့်ကွက်တာမရှိ။ သည့်အစား နှစ်ဦးနှစ်ဖက်ကြားဝင်ပါတာမျိုးလည်းမရှိပါ။ နှစ်ဖက်လုံးကိုနားလည်သည့် ဘေးလူအနေဖြင့် ဘေးမှာသာရှိသင့်သည်မဟုတ်လား။
ဆေးရုံကဆင်းတော့လည်း ဧကရာဇ်ကပဲဆေးရုံတက်ရတဲ့ကိစ္စကို ဖြေရှင်းပေးသည်။ Social ပေါ်မှာပြန့်နေတဲ့သတင်းကတော့ တော်ဝင်မင်းသားနဲ့ Liberty ရဲ့ဥက္ကဌ တို့ရဲ့တော်စပ်မှုဆိုတာတွေချည်း။ တစ်ပါတ်နဲ့တော်ရုံငြိမ်ကျမသွားဘဲ ဂယက်ကကြီးပုံပေါ်သည်။ Crown ကိုပါထိခတ်လာတဲ့လှိုင်းတွေကမနည်း။ ခုံရုံးအဆိုတင်သွင်းချက်များမှာ မဟာမြတ်သူဟာမကာကွယ်နိုင်လောက်ပါဘူးဆိုသည့် ထင်မြင်ချက်တွေသာ။
ဗိုက်ကတစ်ဖက်ဖြင့် အလုပ်တွေကိုစိမ်းလက်ထဲထည့်ခဲ့ပြီးမှ တော်ဝင်မိသားစုအရှုပ်အရှင်းတွေကိုထပ်လှည့်ကြရသည်။ ရှေ့ဆောင်ဖြစ်တဲ့မဟာမြတ်သူက ကြင်နာတတ်တဲ့မင်းသားမို့ အိမ်ရှေ့စံဖြစ်ရင်တောင် ကလေးတစ်ယောက်လွယ်ထားသည်ဆိုတဲ့အမှန်တရားက မပြောင်းလဲသွားပါဘူးတဲ့လေ။
ထို့အစား ဧကရာဇ်ရဲ့ဝမ်းကွဲညီမတော်၏သားကို နေရာပေးစေချင်သည်။
အတင့်ရဲလို့။ တော်ဝင်မျိုးဆက်ကိုစော်ကားတဲ့လူတွေ။
အလုပ်ကိစ္စဘက်လုံးဝအာရုံမလွှဲနိုင်တော့ လစ်ဟင်းသွားတဲ့မိသားစုထောက်တိုင်နေရာကိုပြန်ဝင်လာရသည်။ တော်ဝင်မျိုးရိုးက သူပြုတ်ကျရင် မိသားစုတစ်လုံးလဲမှာမဟုတ်လား။ သူ့အာရုံအလုံးစုံက ဒီထဲမှာနစ်မြုပ်နေပြီး မည်မည်ရရလည်းမတွေးတောနိုင်ပါ။
" သခင်လေး ကားအဆင်သင့်ဖြစ်ပြီ "
နိမိတ်မရှိတော့တည်းက စံအိမ်ကြီးမှာပြန်လည်နေထိုင်နေပြီဖြစ်ပြီး ယခုဆိုနှစ်ပါတ်ကျော်ပြီဖြစ်သည်။
နိမိတ်နဲ့ပတ်သတ်ပြီးဘာမှမတွေးနိုင်။ တွေးဖို့လည်းအချိန်ကရှိမနေဘူးမို့ သူ့အာရုံတွေကတစ်နေရာထဲမှာသာရှိသည်။
မဟာမြတ်သူကားပေါ်ရောက်တာနဲ့ ကားတန်းသည်စထွက်ခွာလေသည်။
YOU ARE READING
The Crown ✅
RomancePlundering The Crown. The Beginning of TawWin Nation. Own Universe. ✅ အပိုင်း ၃၂ နောက်ပိုင်း paid gp ရှိပါတယ် 4000 ပါ @joy_o_p telegram မှာလာရှာပေးပါ။ *** " နိမိတ်! ခွေးကောင်!! " ⚠ Mature content On❗⚠ mature content on ထားပါတယ်၊ အသုံးအနှုန်းရှ...
