Unicode
" အကိုလေး "
ကိုသိန်းထွဋ်က ရေချိုးဆောင်ထဲထိဝင်လာပြီးတော့ နိမိတ်ကိုခေါ်တာဖြစ်သည်။ လက်ဝှေ့ရုံရဲ့ တခြားကစားသမားတွေအတွက် ဆောက်ထားတဲ့ရေချိုးရုံမို့လို့ ရေပန်းများကို တောက်လျှောက်စီထားကာ နိမိတ်ရေချိုးနေသည့်ဘေးတွင်လည်း ကောင်လေးနှစ်ယောက်ကရေချိုးနေသည်။
နိမိတ်ကသိန်းထွဋ်ဝင်လာတုန်းမှာ သူ့တင်ပါးညိုတွေပေါ် ပွတ်သပ်ဆေးကြောနေတာဖြစ်သည်။
" ဘာဖြစ်လို့လဲ သိန်းထွဋ် "
" အကိုကြီးက သူ့အစား တွေ့ဆုံပွဲတက်ပေးပါဦးတဲ့ "
" မဟူရာကလား ဒီကောင်ဘာဖြစ်လို့တဲ့လဲ "
" သူဌေးဘောစိက ဒီနေ့မှအကိုကြီးအိမ်ပြန်မလာရင် အိမ်ဝတောင်မနင်းနဲ့ပြောလိုက်လို့ပါ "
" သူဌေးဘောစိက.. "
" ကိုမိုးသားအိမ်ဖွဲ့ပါ "
နိမိတ်က တသောသောနေအောင်ကိုထရယ်သည်။ ဒီကောင့်မှာဒီလိုကြောက်ရမယ့်အချိန် ရှိလာပါလိမ့်မယ်လို့ တစ်သက်နဲ့တစ်ကိုယ်ထင်တောင်မထင်ထားခဲ့။ မဟူရာသည် သူနဲ့ဝေးကွာတဲ့နှစ်များမှာ အကြိုက်ကောအချိုးကောအပြင် ကြောက်တတ်တဲ့အရာတွေပါပြောင်းသွားချေပြီဖြစ်၏။
" အဆင်သင့်ပြင်ထား ကိုယ်ပြီးရင်ထွက်ခဲ့မယ် "
နိမိတ်က သူ့ချိုင်းကြားကိုပွတ်သပ်ပြီးနောက် ရေပန်းကိုဖွင့်ချကာ ဆပ်ပြာမြှုပ်တွေကို ရေမျောစေသည်။ ခြေသလုံးကျစ်ကျစ်များ ပေါင်လုံးကျစ်ကျစ်များနှင့် လိမ်ကောက်နေသည့်အမွှေးမျှင်တို့က သူ့ခြေသလုံးတွင် ညှို့နေအောင်ရှိသည်။ နောက်တော့ထိုမပြောအပ်သည့်နေရာသည်လည်း ညှိုးငယ်စွာပင် ငြိမ်ငြိမ်လေးရှိနေချေ၏။
" ဟုတ်ကဲ့ အကိုလေး "
သိန်းထွဋ်ထွက်သွားပြီးသိပ်မကြာခင် နိမိတ်ကသဘတ်ပိုင်းကိုခါးတွင်ပတ်ကာ ရေချိုးခန်းထဲကထွက်လာသည်။
စံအိမ်မှာမနေဘဲ အပြင်မှာထွက်နေပေမဲ့ ထိုအမျိုးသားကိုလွမ်းတဲ့စိတ်ကတစ်ထစ်မှလျှော့ချ၍မရ။ ဒီနေ့ညနေပဲပြန်ချော့ကြည့်ဖို့စဥ်းစားထားပေမဲ့ မဟူရာ့အလုပ်ကိုသွားပေးရဦးမည်။ ညသန်းခေါင်လောက်မှ အရက်ကို အာနည်းနည်းစွတ်ပြီး အိပ်ရာထဲအတင်းဝင်လုံးလို့လည်း နောက်မကျသေးပါ။
YOU ARE READING
The Crown ✅
RomancePlundering The Crown. The Beginning of TawWin Nation. Own Universe. ✅ အပိုင်း ၃၂ နောက်ပိုင်း paid gp ရှိပါတယ် 4000 ပါ @joy_o_p telegram မှာလာရှာပေးပါ။ *** " နိမိတ်! ခွေးကောင်!! " ⚠ Mature content On❗⚠ mature content on ထားပါတယ်၊ အသုံးအနှုန်းရှ...
