Unicode
အနည်းငယ်ဆူမို့နေသောချက်ပေါက်လေးမှာ အသက်ရှူသံနှင့်အညီ လှုပ်ခတ်နေခဲ့ပြီး မဟာမြတ်သူက ကုတင်ပေါ်တွင် မိန်းမောစွာအိပ်စက်နေလေသည်။
အိပ်ရှိန်ကြောင့် လိပ်တက်နေသောဘောင်းဘီက ပေါင်ရင်းနားတွင်ဝေ့ကာ ဖွေးမွတ်သည့်ခြေသလုံးပြည့်ပြည့်လေးနှင့် ခပ်အင့်အင့်ပေါင်လုံးလေးများကို ထင်ရှင်းစွာဖော်ပြထားလေ၏။
ရုံးသွားမယ်ဆိုသောလူက အခုထိမနိုးသေးချေ။ အသက်ရှူသံမှန်မှန်နှင့်အိပ်မောကျနေပြီး မည်သည့်တည်ရှိမှုကမှ မလှုပ်ကိုင်နိုင်ဟန်။ သည်လိုနဲ့ အေးချမ်းသည့်ပုံရိပ်လေးပျောက်မှာကိုပင်ဝေဝါးသွားရ၍ နိုးရန်လှမ်းနေသောလက်များက လေထဲတွင်တန့်သွားသည်။ မရေရာသောခံစားချက်များက နိမိတ်မျက်ဝန်းထဲတွင်ထင်ထင်ရှားရှားရှိလေ၏။
အိပ်နေသူကို မနှိုးတော့ဘဲထားဖို့ပြင်ပြီးကာမှ လှုပ်ခတ်လာသောမျက်ဝန်းများကြောင့် နိုးတော့မည်ကိုသိလိုက်ရလေသည်။
" ဟင့်! "
မသိမသာရှိုက်လိုက်သောအသံသေးလေးကပင် နိမိတ်ရင်ကိုကုတ်ခြစ်နေသည့်နှယ်ခံစားရသည်။ သည်လူ့ကိုသူအသည်းယားလွန်း၍ ဘယ်လိုလုပ်ရမည်ပင်မသိ။ အရင်ကရမ်းရမ်းကားကားဆိုးသွမ်းသော်လည်း ယခုတော့ကလေးတစ်ယောက်လိုဆိုးသွမ်းသည်။
မျက်ဝန်းတို့မဖွင့်ဘဲ ခေါင်းအထက်သို့ လက်ဆန့်တန်းကာ ပျင်းရိပျင်းတွဲ အကြောဆန့်ပစ်ရင်းကနေ ကျေနပ်သည့်အသံလေးကိုညည်းညူပြန်သည်။ သည်လူအတော်လည်းတတ်နိုင်သည်။ သူ့ကိုသတိထားမိပုံလည်းမရ။ ရှိနေရင်လည်းအဖတ်လုပ်မည်မဟုတ်ပေ။
" ရုံးသွားရမယ်ဆို "
ထိုမှသာသူ့အသံကိုကြား၍ ခေါင်းလေးဆတ်ခနဲထောင်ကာ မျက်တောင်လေးပုတ်ခတ်၍ကြည့်လေ၏။
သူသည်းမခံနိုင်တော့ပေ။ ချက်ချင်းပင် ထိုလူ့ဘယ်ညာဘေးတစ်ဖက်တစ်ချက်သို့လက်ထောက်ပစ်ကာ အပေါ်စီးမှအုပ်မိုးလိုက်လျှင် မျက်မှောင်ကြီးကုပ်၍ကြည့်လာတော့သည်။
" ခင်ဗျားသိပ်အသည်းယားစရာကောင်းလှချေလား "
ထိုစကားကြားမှဟွန့်ခနဲနှာမှုတ်၍ သူ့ကိုအထင်သေးသလိုကြည့်ချေ၏။
VOCÊ ESTÁ LENDO
The Crown ✅
RomancePlundering The Crown. The Beginning of TawWin Nation. Own Universe. ✅ အပိုင်း ၃၂ နောက်ပိုင်း paid gp ရှိပါတယ် 4000 ပါ @joy_o_p telegram မှာလာရှာပေးပါ။ *** " နိမိတ်! ခွေးကောင်!! " ⚠ Mature content On❗⚠ mature content on ထားပါတယ်၊ အသုံးအနှုန်းရှ...
