وللحديث بقية الجزء الثالث ( سكان العمارة ) مكتملة ☑️

الفصل السابع

الفصل السابع وللحديث بقية الجزء الثالث سكان العمارة

دلفت الي غرفت شقيقتها .. صدمت من منظرها فاتجهت إليها مسرعة علها تخفف عنها القليل ..

كانت مستلقية على بطنها.. تضع وجهها بالوسادة تكتم شهقاتها .. تنهار ولا تريد أحد جوارها .. تريد الانفراد بحالها علها تجد إجابة لاسئلتها .. لماذا أنا؟! حقا تلك المره أقوي ..

غزل هنا متعمليش في نفسك كدا.. قومي اقفي على رجلك.. عرفيهم إنها مش فارقة معاكي.. حتي لو هي فارقة .. اي هتقعدي تبكي على الاطلال ؟! قومي فرفشي يا حبيبتي ميستاهلش دمعة من عيونك عليه

هنا هو إنتي مفكراني ببكي عليه ؟! تبقي غلطانة يا غزل انا زعلانة على نفسي .. إني حبيت واحد مستاهلش .. اتخدعت فيه أوي .. مع أنه عارف إن بينا مشاكل من ثانوي و أنها مبتحبنيش بس سمح لنفسه انه يقف معاها.. اللوم مش عليها ولا هقول عليها خطافة رجالة اللوم على اللي أداها مساحة من الأول .. بس تصدقي فعلا يستاهل واحدة زي مها .. هكون مبسوطة و انا مستنية اليوم اللي هشوفه فيه بعد ما يكشفها على حقيقتها .. 

غزل بهدوء انا عارفه إنك موجوعة و بتحاولي تخبي عن الكل وعجك.. بس دي مش نهاية الكون يا هنا .. صدقيني ربنا شايلك حاجة جميلة اوى بس اصبري

تنهدت قائلة هنسي صدقيني هنسي و هبدا من جديد انا مش ضعيفة يا غزل.. انا اللي شوفته في حياتي قادر يخليني قوية ميت مره عن كدا .. انا بس بدي لنفسي وقت في الحزن عشان لما ارجع ارجع بقوه .. ثم نظرت إليها و قالت مش كنتي عاوزه ننزل نكمل باقي حاجتك عشان الفرح يلا بينا

نظرت إليها بصدمة حقا تريد الخروج و هي بتلك الحالة ؟! من أين اتيت بهذه القوة يا فتاه .. لم يكتمل على كسر قلبك ساعتين ..

غزل بحذر انتي كويسة يا هنا .. شكلك تعبانه ارتاحي يا حبيبتي ..

هنا بتنهيدة و هو عشان فركشت خطوبطي و كنت بحبه يبقي خلاص نهاية العالم بصي يا غزل خلينا نكون مطلقين انا مش هنسي في يوم و ليله لكن هحاول اتخطي الموضوع و اللي بعمله دا هيساعدني أوي ..

نظرت إليها بحزن و لم تتحدث بينما بدالتها الأخري بنظرت تحدي...

🌹 استغفر الله العظيم رب العرش العظيم 🌹

يا بنتي اسكتي بقي هتصحي أخواتك و انا ما صدقت ناموا عاوزه اذاكر شوية الله يخربيت الجواز على اللي عاوز يتجوز في ساعة واحدة .. استمع الى كلماتها الأخيرة بابتسامة عبث ثم اتجه إليها قائلاً بجدية مصتنعة و أي اللي مش عاجبك بقي يا بشمهندسة ؟

نظرت إليه أروي بغيظ قائلة ولا يوم من أيام السنجله يا حبيبي على الأقل كنت بنام واصحي براحتي و لا يقولي تلت التلاته كام .. مش دلوقتي انيم واحد التاني يصحي و المفعوصة دي لا بتبطل بكي و لا راضية تنام اقولك خد .. أعطته الفتاه قائلة خدها اتمشي بيها و سبوني اذاكر و لو حتى نص ساعة هسقط الله يخربيت كدا