وللحديث بقية الجزء الثالث ( سكان العمارة ) مكتملة ☑️

الفصل الرابع عشر

الفصل الرابع عشر وللحديث بقية الجزء الثالث سكان العمارة

غزل حاضر يا حبيبتي .. دلفت غزل إلي المنزل و داهمها دوار طفيف و لكن كانت المفاجأة الكبرى حينما وجدت ممر من الورد الي غرفه النوم .. ظلت تتأمل التفاصيل و سحر المنظر.. تفاجأت بمن يحتضنها من الخلف قائلاً عاجبتك المفاجأة يا حبيبتي ؟!

غزل بفرحة: تجنن يا روحي انا بجد مش عارفه اشكرك ازاي على الحاجات الجميلة دي

وحيد و لسه يا حبيبتي و لسه باذن الله ربنا يقدرني و  هعملك كل حاجة انتي نفسك هو أنا عندي كام غزل يعني ؟!

غزل بحب ربنا يخليك ليا ولا يحرمني منك ابدا يا روحي

وحيد بمكر انتي هتخديني في دوكه هو النهاردة هنقضيه كلام ؟!

غزل بتوتر و خوف اصل اااا اصل

وحيد بمكر أكبر اصل اي يا حياتي .. قبل جبينها ثم قال يلا اتوضي عشان نصلي مع بعض

غزل بخجل حاضر .. دلفت إلي المرحاض ونزعت عنها الفستان بصعوبة و بعد وقت وقفت مصدومة قائلة يلهوي اي دا انا هلبس اللبس دا ..طلاق تلاته ما يحصل .. ثم ابتسمت بخبث قائلة استعنا على الشقا بالله ارتدت بجامة رقيقه و من فوقها استدال الصلاة ... ثم خرجت وجدته يجلس بانتظارها قائلاً كل دا يا غزل ؟! اتاخرتي لي يا روحي بقالي زمان مستني

غزل بخجل مهو أصل انا مكنتش عارفه افتح الفستان كان صعب أوي

وحيد بخبث و مش ناديتي عليا لي يا قلبي هو أنا هلاقي اغلي منك يعني عشان اساعده

غزل بخجل شديد وحييييييد انت قليل الأدب لي ؟! 

وحيد بضحك و هي قله الادب بقي فيها لي ؟! تعالي نصلي يا حياتي ربنا يهديكي .. صلي وحيد بها ركعتين ثم وضع يده على رأسها مرددا الدعاء " اللهم إني أسألك خيرها و خير ما جلبت و أعوذ بك من شرها و شر ما جلبت " نظر إليها وجدها تنظر إلى الأرض بخجل و تفرك بيديها من شدة توترها .. اقترب منها قائلا بهدوء و ابتسامه حانية تعالي يلا نتعشي يا غزوله و مش تقلقي ولا تخافي مني .. انتي عمري كله اللي راح واللي جاي معقولة في حد بياذي روحه ..

نظرت إليه و اطمئنت شيئاً فشئ ثم تحركت معه دون التفوه بحرف

--------------------- اذكروا الله --------------

هائمة .. ضائعة .. تبتسم بلا سبب .. شاردة في الا شئ .. أفاقت على صوت رساله مجهولة الهوية .. " كنتي زي القمر النهاردة في الفرح عبال ما تبقي في بيتي يا فاتنه قلبي " تبعتها رسالة " رباااه من جمال أهلك حصوني .. تمالكت ذاتي أمامك بمعجزه .. وددت لو اخبائتك من العيون بين اضلعي .. و لكن مهلا قريبا سوف يحدث غاليتي ..."

ياااه دا شكل اللي باعت الرسائل دي عاشق ولهان.. و لكن للأسف غلطان في العنوان .. ربنا يجمعك مع من ملكت قلبك يا رب .. اغبيه هذه ام ماذا تظن أنها غير المقصودة .. عذرا غاليتي فانتي المقصود و لكن تريثي قليلا و كل شئ سيكون بخير .. عادت إلى حالتها من جديد تفكر به مره أخري فهل سيكون القدر حليفها هذه المرة ام سيكتب عليها الشقاء من جديد