وللحديث بقية الجزء الثالث ( سكان العمارة ) مكتملة ☑️

الفصل العاشر

الفصل العاشر وللحديث بقية الجزء الثالث سكان العمارة

عمر يخربيتكم انتوا شرفتوا بس اي يولاد دا بقيتوا موزز .. هو اللي بيسافر بره بيجي موزز كدا .. قولولي أسفر أخواتي يمكن يفلحوا و يبقوا عسليات كدا

فيروز يا اخي اتقي الله بقي و بطل معاكسة هتروح من ربنا فين .. عندك اخوات بنات

عمر بحدية طب ما انتوا كمان اخواتي ثم أكمل بمرح بس دا ميمنعش إني اعاكسكم برضوا 

ياسمين بضحك يا اخي بقي .. بس تصدق بالله ياض يا عمر وحشتنا غلاستك أوي ..

عمر بكبرياء مصطنع ربنا ما يحرمني منكم يا حبايبي .. ما تيجيوا تتغدوا معانا

فيروز لا يا برنس احنا هنطب على البت أروي عاوزين نشوف البيبهات

سجده اشطا انا جاية معاكم بما إني نكدت علي سميح بينا ننطلق ابقي عرف امك يلا سلاموز

عمر طب استني بس .. طب اجي معاكم .. عاوز اشوف عروستي .. دا اي العيال الهبله دي ...

___________ اذكروا الله ______________

- يعني اي يا عدنان مش هتعرف تيجي تتقدملي دلوقتي ؟!

عدنان مهو مش معقول برضوا يا مها اكون مفركش خطوبتي من يومين و اروح اخطب عاوزه الناس تقول علينا اي؟!

مها بغضب كدا كدا الناس هتتكلم.. انا مليش فيه إن كنت عاوزني يبقي تيجي تتقدملي بكره انا مش لعبه

عدنان بضيق خلاص يا مها قولي لولدتك إني هاجي بكره بعد العشاء اتقدملك

مها بفرحة بجد يا عدنان .. طب هتيجي لوحدك وألا مع مامتك ؟!

عدنان لا هاجي لواحدي لو الزيارة الجاية هبقي اجيب مامتي معايا ..

مها ربنا يخليك ليا يا حبيبي ولا يحرمني منك ابدا

___________ اذكروا الله ______________

- مدام صفاء مدام فوفا اخت حضرتك وصلت تحت و معاها آنسة خلود

صفاء طب روحي انتي حضري الفطار و انا هنزل ليهم استقبلهم بنفسي

- تحت امرك يا فندم

تنهدت بضيق قائلة حتى دي مش هقدر أعملها .. صحيح بضايق أروي في الراحة و الجاية بس برضوا مش هقدر ابعدها عن ولادها ولا صخر .. ثم قالت بتذمر اووف بقي اومال أنا خليت خلود تيجي لي .. أحسن حاجة اعملها اني انزل استقبلهم و أحاول قدر الإمكان اخليها بعيدة عن صخر ...

نزلت الي أسفل ترحب باختها بشدة قائلة ازيك يا فوفا عاملة اي؟!

فوفا بخير يا حبيبتي انتي عامله اي.. يعني لو احنا مبنسالش انتي متساليش ؟!

صفاء بابتسامة مجاملة معلش بقي انتي عارفة الظروف

خلود اومال فين شجن يا طنط