عشق الطفولة

part 2

يكول هيثم:شفتها وعقلى راسا طار
خطفت كلبي واحساسي
غريبه وبين ليله ويوم
صارت اغلى من ناسي..!
.
.
.
-مريم: شفت رنيم تخربطت وهذاك يضرب بذوله الي لحكونه وجان لابس زي مال شرطه مدري شنو كمت اصرخ من وكعت رنيم اجه هذاك الولد بس يمه شطوله كال شعدكم وحدكم ونتبه على رنيم الي راسها بحضني دنك شافها وايده على كصتها شو هذا كبل شالها بسرعه ومشى مشيت وراهم لانو مستحيل اعوفها خلاها بالسياره وضليت صافنه بعدين جاني صوته
-هيثم:اصعديييي وينن صافنهه
-مريم:اي ايي
صعدت وهذا يمشي بالسيارة كل سرعته كلبي وكف ولنوب خايفه على رنيم لانو مصخنه ومدا تكعد وصلنا للمستشفى جا وشالها وهيه شصغرها وهوه شكد ضخم فتنه وصاح للدكتوره
فوتوها للغرفه ورا دقايق طلعت وكالت تعبانه لانو مو ماكله شي وهم مصخنه راح اكتبلك دوى لبنتك وجيبه من هاي صيدليه بصف المستشفى
-مريم:حقها لدكتوره تكول بنته شوف الفرق فتت على رنيم نايمه وبدت تكعد وتون
-رنيم:ورا ما وكعت ما حسيت الا واني بالمستشفى ويمي مريم
-رنيم:اخ يمهه راسي
-مريم: كلبي على كيفج خل اصيح الدكتوره
-ولج راسي شصار وياي ليش اني هناا
-صبري
رحت صحت الدكتوره كالت راسها طبيعي يوجعها لازم ما تضغط على نفسها هواي جوي اهل رنيم
-فاطمه:ولج بنتي شبيج كلبي شصار وياج
-مريم:خاله هيه شويه تعبت وجبناها للمستشفى
-علي: منو جابها اكيد مو بس انتي
-اي واحد ويانه اجا يمكن واكف برا
-ولج رنيم حبيبي سلامات
-شوكت اطلع من المستشفى
جان يقاطع كلامي دك الباب ودخل واحد يمكن عامودد على طوله يبو شو هاي كبل علي كام صفن بي واحد سلم ع الثاني
-علي:ولك هيثم وينكك شنو هل الغيبه
-هيثم:علاوي والله حقك عليه بس ما لحك
-انت الي جبت رنيم هنا
-اي شلون صرتي
-رنيم:هاا بخير بخير
-سلامتها اني لازم هسه اروح
-علي : وين ما تروح والله تتغده يمنا يلا ويانه
-ما اكدر مو لحجيه تنتضرني
-دخابرها يلا
-رنيم طلعوني من المستشفى وكبل للبيت صعدت غرفتي وكبل اريد انام
-زهراء:ولج كومي خل ننزل نتغده وياهم
-وشكو ننزل خير خلي يتغدون همه
-نجبي وراج علاج كومي
-رنيم:كمت غسلت ولبست شال وطلعت اول ما نزلت صارت عين هيثم عليه مدري احس شعور اعرفه او شايفته تجاهلت نضرات ورحت للمطبخ وامي طردتني وكلتلي لازم ترتاحين كعدت يمهم صبو الغدا وكعدنا ناكل وكل ما ارفع راسي عيون هيثم عليه كمت بسرعه ما تحملت رحت اغسل حسيت اجا ورايه دا اروح جان يوكف بوجهي عيونه لونها اسود اريده يوخر لا صار صنم شردت منه ركض للغرفه مالتي ليش هيج نضراته
-زهراء:ولج عرفتي ل هيثم لو بعدج
-لا منو هذا
-هيثم ال جان ويا ابويه وصديق علي شفتي نضراته عليج اكيد مستغرب من شافج هيج كبرانه جان موجود ونتي بعدج صغيره
-رنيم:تحجي زهراء واني الذاكره ماكو مدا اذكرره
.
.
.
-هيثم:شفتها الي كلبي هواها من هيه صغيرة وماتردي شي ليوم من شفتها وكعت ماضل بيه عقل شلتها وتمنيت اضمها بكلبي رجعت للبيت بست راس امي
-سلام:لك هلا بالضلع وين جنت ها
-انجب سلام ولي
-انسحب بكرامتي احسن بس هم اعرف وين جنت
-هاي عود كرامتك
-عبير:هيثم جبت شي وياك
-استلم هاي اللوكيه
صعدت لغرفتي وبالي يمها زعطوطه وهيج سوت بيك هيثم
.
.
.
-رنيم:كعدت واني افكر بهيثم تذكرت شغلات صغيره من جنت اكعد بحضنه وشكد جان مدللني بس جنت كلش صغيره ما اذكر غير ذني كطعت افكاري زهراء وهيه تحضر نفسها يرحون يشترون من السوك لانو خطوبتها بعد اسبوع ومدا تلحك على شي
-زهراء:ولج كومي روحي ويانه
-تعبانه والله
-وفستان الج ماكوو ما تختارين
-وصيت امي هيه عود تجيبه
-شبيج هلكد تعبانه
ماجاوبتها لانو مكدرر احجي ما ادري شبيه زعلانه لانو حتروح ودراسه فوك راسي نمت وكعدت العصر ماما جايبتلي نفس الفستان الي وصيتها عليه دا اكلب بالانستا شفت زهراء دازتلي حساب هيثم دخلت عليه وشفت صوره اجذب اذا اكول مو حلو يجنن يبوو رنيم شبيج انطي متابعه لاا شلون عفت المبايل وكمت اساعد امي بالعشا ومر يوم عادي كعدت الصبح رحت للمدرسه توني وصلت جان اشوفه اي هوه مدري شنو يصيرلي من اشوفه فتت كبل للمدرسه مدري شنو دا يسوي هنا هوه ضابط يعني شنو يسويي خرب غبائج رنيم ورا ما كملنا دروسنا دا دا اطلع جان اسمع احد يصيح بأسمي اي صوته يربي شبيج هيج ترجفين انداريت عليه وو...
.
.
.
حبايب كلبي هذا بارت صوتو لا تنسون احبكم💞