عشق الطفولة

part 16

غازلتُها فأزدادَ شعْرِي رِقّةً
وتوجهت كُلُ القصَائدِ نَحْوَها
عربيةٌ زانَ القصيدُ بذكْرِها
فكأنها وزنُ البيوت وَنَحْوُها .
.
لا تـنسون الـتصويت
.
.
- سلام جنه كاعدين كلنا بالصاله وما نشوف غير رنيم  واكعه من الدرج وتصرخ اني ركضت عليها وغمى عليها اني صحت يجيبون عبايه شلتها خليتها بالسياره وامي ومحمد ويايه هيثم جان بالدوام يومين ما يجي وصلنا للمستشفى وفاتو جوه
- سحر :  ولك يمه تعال شوف مرتك خابره خابره
- يمه شخابر..
- محمد : خابره ولكن اذا صار بيها شي لا سامح الله يموتنه
خابرت عليه وثالث مره يلا رد
- الو هيثم
- هاا سلام
- شداتسوي
- والله كاعد ع البحر يعنيي شسوي غير بالدوام صاير شي رنيم زينه
- اسمعني بس على كيفك ماشي
- رنيمممم بيهااا شيييي
- وكعت مو ع الدرج وهسه احنا بالمستش...
- ولكك شنوو وكعتتت شلوننن جااي جايي
كالها وسد المبايل
ضلينا ننتضر وماكو فاتو وياها وما طلعو بالاخير طلع الدكتور كال
- حالتها ابد مو مستقره الوكعه كلش قويه مأثره على راسها
- شلون يعني حتضل هيج لو شنو
- لا اكيد دا نحاول
ورى نص ساعه ما اشوف غير هيثم كدامي شبسرعه اجه
- رنيم وينن هاا
- بالغرفه والدكتور يمها
- شلونن وكعتت هاا
- ما ادري
- يارب رحمتك
- اهدء
- مكال الدكتور شي
- كال الوكعه قويه مأثره على رأسها
راح كعد وضل بس يدعي
طلع الدكتور هيثم كبل ساله
- بس كليي رنيمم شلونهاا
- شتصير من المريضه
- زوجها
- هيه بخير والاطفال هم بس راسها متأذي وخيطنا
- اكدر اشوفها
- بعد ساعه تكدر تشوفها
رنيم : كعدت بغرفه بيضه كبل خلييت ايدي على بطني وكمت ابجي واصرخ جتي ممرضه
- اهدي اهدي الاطفال بخير اثنينهم بخير
- يعني..  ماصار بيهم..ش  شي موو
- اي كلبي كلشي ما بيهم وابوهم برا يريد يشوفج
- هييثم اي دخلي
فات هيثم كبل اجه حضني بس على كيفه ايده حاوطت خصري قوي اني هم كوه حضنته هوَ بعد عني
- يرويحتي
كالها بنبره بيها خوف ورجفه صوته ما تحملت كبل حضنته وبجيت ضل حاضني
- ه هيثم ماصار بيهم شي مو
- يابه غير اقوياء على امهم
ضليت ابجي مدري من الوجع الي براسي مدري على حالي
- كافي بجي يروحي انتي كافي
- هيثم جنت راسيي
- صبر خل اصيح للدكتور
- لا لاا هيثم لا تعوفني عليك الله
- يابه وين عايفج
- ما ماريد ت تروح
رجعني لحضنه وصاح ع الدكتور
- راسها دا يوجعها ماكو مسكن شي
- اي اكيد بس هيه حامل مانكدر نطيها شي
طلع الدكتور واني ضليت لازمه هيثم وحاضنته ضل يقره على راسي ايات وغفيت وحسيت من هيثم دا يكح
- هيثم
- روحه
- اختنكت بسببي
- لا يابه
ردت اوخر عنه بس رجعني
- يا يابه يا بويه صايره بطه
- لا تضحك عليه ترا بسبب جهالك
- اعشكج اتنفسج ولج من سمعت بيج واكعه ما ادري شصار بيه بالطريق ماكو واحد ما تعاركت ويا بس علمود اوصلج
- بس صدك شلون وشغلك
- انتي اهم من كلشي
حط ايده على بطني وكال
- شلون وكعتي غير تنتبهين
- هيثم والله..
ردت اكله عبير دفعتني بس شلون يصدكني
- ها شو سكتي
- ما ادري شلون وكعت
- ميخالف يابه لمهم ماصارلج شي خففي صعداتج ونزلاتج
- اي
وجع راسي موتني وخلصتها بجي وهيثم حاير شيسوي
كملت يوم بلمستشفى وطلعنا ثاني يوم شالني هيثم وصعدني خجلت خجله منهم منا بطني وشلون شايلني
وردت اسبح بس ما اكدر كبل ادوخ هيثم عرف بيه اريد اسبح لانو ما أتحمل وداني للحمام وعلى كيفه بكلشي ويايه وكل شويه يبوس خدي صح اني ويا صارلي فتره وتعودت بس لي حد الان اختل يلا ابدل ملابسي لفلفني بالمنشفه وشالني
- شلون هيج تشيلني مو ثكليه
- يابه منو ثكيل
- اني
- لا اني شايل جهالي ال 3
- شنو 3 منين
- انتي و ولدي
- هيثممم
- اي اي انتي بنتي هم منو جان يصيحلي عمو
- اني
- لعد سكتي
لبسني ومشط شعري صدك حسيت اني بنته
وخلاني بحضنه وكوه نمت ثاني يوم كعدت ما اكدر اسوي شي عمتي كل شويه تجي يمي هيه وعلا وهيثم ما راح للدوام ما ادري شلون خلص اليوم وهيثم يوكلني منه استفرغ منا متت ما اكدر أتحمل وابجي بس أجبر نفس اكل علمود الي بطني اهلي جوي يمي بس بابا كال لهيثم خل تجي يمنه تبات طبعا هيثم ما قبل
- شوف احنا اهلها خل تجي يمنه
- كلامكك على راسي بس مرتي تضل يمي
اني جنت أريد اروح ويه بابا بس علمود اخلص من عبير وما تأذيني بس هيثم شلون
- بابا اني هنا مرتاحه لا تخاف
- قبل جان ما عندج اب بس هسه اني يمج ابوج
- بس..
- لا بس ولا شي تجين ويايه والعصر اجي اخذج
طلع بابا وهيثم اباوع على عيونه حمره
- هيثم
- رنيم مو مرتاحه هنا لو شنو تريدين شي والله اجيبلجيا بس كليلي
- لا مو هيج بس خليني اروح وياهم
- دا تحجين وكأنو ما تعرفيني ولج إني ماخذ وياي ملابسج علمود بس اشم ريحتج من اضل بالدوام وهسه تردين ترحين لبيت اهلج
- ه هيثم لخاطري تكدر تجي وتشوفني
- لا رنيم لا
- هيمثي
- لاا
- هيثمم
- كافي
- خليني اروح
- لا
- تراا اهليي
- ادرييي بس ما ترحين
تقرب عليه وحضني
- ولجج ما اكدر بدونج 
باسني وخله راسه على صدري
- اني هم ما اكدر
- بعد شكو هل الملحه
- هيثم
- كلبه
- ماريد يصير شي لجهالي
- يابه منو مأذيهم علمود هيج تحجين كلشي بأيد رب العالمين
- اكلج تعاي نشوف شلون وكعتي اصبري
- شنوو
- اني خال كامرات بلممرات خل نشوف
نصدمت من سمعت هيثم هيج مسوي ضليت صافنه وهوَ راح جاب مبايله وفتحه ومدري شسوه بي ما اعرف شسوي فجأه حضنته قوي ردت الهي
- منين هل المحبه فجأه
- ياا
- شو تعاي
نومني وكام يبوس بيه بس على كيفي وخر مني ورجع لمبايله ضل يكلب بي ورجع حضني ودا يشوف الكاميرات ومن شاف شلون وكعتني عبير كبل وخرني عن حضنه
- رنيم
- هيثم والله ...
- ليش ما كلتلي هااااا شايفتهااا انتييي من وكعتججج
- هيثم
- عبيرررررر عبببيررر
ردت اكوم ورى ما كدرتت بلكوه امشي وما اكدر انزل ضليت واكفه
- هيثم : ما اكدر اوصف شعوري من كالولي رنيم بالمستشفى و وكعت بين دوامي الي كوه اخذت اجازه وطلعت وبس أريد اوصل الها كلت شلون وكعت يمكن زلكت رجليها بس من شفت عبير شلون دافعتها وعن قصد ما ادري شحجي وشكول اختي الي هيه اختي هيج سوت
- شلون هيج تسوين
- عبير : شمسويه
- لا تغشمين نفسجج
- شكووو غيرر اعرفف
- ولجج مرتيي والي بطنها ولدي يعني انتي عمتهم هيج دا سوين شلون تدفعيها اذتج بشي اشو كل الشغل عليها ومو راضيه هااا فهمينيي
- أي هاي الحيه كلتلك وانت صدكت
- شصدك شصدك اني شفتت بعيوني هاج هاج هاي منو جدييي
- بس
- ولا كلمه
صعد وشافني وجر ايدي وفوتني للغرفه
- رنيم احجي كلشي دا تفهمين شنو كلشي
- شحجي
- شسوتلج عبير غير هاي الوكعه كولي
- أي أي اكول بس على كيفك
- يلااا احجي
- السحر هيه جابته من وراها
- اييي وبعدد
- ورادت تسوي سحر ثاني علمود الجهال
- ومن شوكتتت تعرفيننن وساكتههه
- هيثم إذا جيت وكتلك اختك سوت هيج وهيج تصدك هاا كلي تصدك
- على الاقل جان كلتي
- ما تصدك ادري بيك
- لهذا السبب جتني تردين ترحين لهلج
- اي
حضني وردت اغفى
- لا لاتنامين تمبل مال نوم كومي نتعشى برا
- مابيه حيل
- كومي يلاا
كومني كوه ولبست وطلعنا وطول الطريق يدندن اغنيه
      [اضعف كدامك]
اضعف كدامك بس انت
و اتمالك نفسي بهالسكتة
نظراتك تحرجني و انسى
وين اتدويني ليا مرسى
ضايع عمري القبلك عشتة
كل عمري ضايع انة عشته
وصلنا لمطعم واكلنا
- هيثم خل نتمشى
- يلا تعاي
لزم ايدي وضلينا نتمشى شويه ورجعنا طبعا ما حجه ويه عبير ابد اني اكو وجع براسي بس خفيف وطبيت بشهر السابع وطبعا حركاتهم كلش توجع اكعد بنص اليل على حركاتهم ببطني بس شعور أول مره اعيشه شلون يدفرون
مر كم يوم وجنت كاعده بالغرفه وبارده كال هيثم
- رنيم لكيت بيت تعاي شوفي
شفته بيت كلش جبير
- يجننن بس هذا المن
- النا
- شنو
- النا
- شلنا بي
- نعيش بي يعني شنسوي بي
- ليش
- مراح اكدر اطمن عليكم وانتي هنا
- بس
- اش لا بس ولا شي
سكتت وماحجيت شي ثاني يوم كاعدين ما حس الا هيثم اجه وصاح بعلو صوته..

هذا بارت حبايبي 🤎
9.ocui : انستغرامي