عشق الطفولة

part 7

اسَوُيلك وطَن يَم گلِبي؟!
.
.
وَ اكُلك نام يَ مدَلل .!
_________________________________

-رنيم:موافقه على عـمو
-تمام عود ارد الهم خبر ونحدد موعد الخطوبه
صفنت وافقت لانو ادري اذا ما وافقت على عـمو راح اروح ل حيدر ومستحيل اسوي هيج غلط..
.
.
هيثم:ردو الخبر و رنيم وافقت صراحه كلت مراح توافق اوف حسيت ملكت الدنيا كلها باجر نروح نحدد موعد لخطوبه رحت اتشريت الها مبايل لانو ادري علي اخذه منها رجعت للبيت
-سلام عليكم
-احمد:هلا وليدي وعليكم السلام
-علا:هيثم صدك راح تجي رنيم يمنا
-اي كلبي راح تجي يمنا
-شوكت
-بعد مو هسه
-شلون تجي
-يابه بعدين
فتت من يم المطبخ سمعت عبير تحجي وتكول
-ولج راح يجيب الحيه هنا اصلا شلون حبها هوه وين وهيه وين لا وفوكاها بلا شرف
من سمعت تحجي هيج ما تحملت لزمتها من شعرها
-عبيررر
-ها ها خويهة اخ
-حيه وبلا شرف حتصيرر مرتت اخوج يعني تحترميها وغصبن عليج فهمتييي
-اي ايي
عفتها وصعدت لغرفتي نمت كبل جنت تعبان
.
.
رنيم:كالو باجر يحددون موعد الخطوبه واحساسي ما اكدر اوصفه شلون هيج صار بسبب صور اهلي نكلبو ضدي ليش بجيتت وحسيت نغزه بكلبي كمت اتنفس سريع ما ادري شبيه رحت غسلت ونمت وثاني يوم كعدت سمعت كالو راح يجون العصر رتبت البيت وغسلت ماعين وزهراء من عرفت الصور وهيه ابد ما تساعدني ولا تحجي ويايه واذا حجت اكيد راح تكول شرفي وما ادري شنو كملت تنضيف صار العصر وندكت الباب فاتو وحجو وكالو بعد اربع ايام لخطبه ورى زواج زهراء بأسبوع زواجنه نصدمت بعد شهر زواج زهراء وخطوبتي بعد اربع ايام كال علي خلي نسوي عرسين اني وزهراء عـمو هيثم ما قبل ضلو يحجون
.
.
هيثم: بقينا اني وعلي سوا كلتله
-شنو الي خلاك تصدك هيج اختك مسويه
-اني كتلك هيثم كلشي وبالاخير تتندم لانو ما سمعت كلامي
-نشوف علي نشوف واني راح اثبتت انو رنيم مو هيج
-ما اعقتد بس يلا
تنرفزت حيل منه ما ادري شلون ما ضربته طلعت وجهزوكلشي
.
.
رنيم:اربع ايام البيت انكلب وليوم راح تجي امه وخواته ورتبنا وكلشي تمام وجوي واستقبلناهم طبـعا شفت رفضهم ونضراتهم الي حجو ويا امي وكالت
-ابني حدد مهر المقدم 30 مليون ومأخر 50 وما ادري والله ليش هيج حدده
حجتها وباوعلتي بس نصدمتت بال مهر شدعوه هيج طول حجيهم وعلا بحضني شكد حبابه تجنن وكل شويه تكول هيثم كال حجين لبيتنا وتضلين يمنا واني اهز براسي واكلها اي راحو ومشت اربع ايام واجا يوم خطبتنه متوتره وخايفه عقد قرانه اني ويا هم كملت لبس لبست فستان بسيط اني اختاريته ومكياج وكالو وصلو شفت البنات اجتمعو يم الشباك رحت اشوف شكو سياره ورا سياره عزه هاي كلهم جايين ويا هيثم نصهم ضباط كلبي حسيته حيطلع من مكانه جابو شيخ وعقدنا وفات وكف يمي يربي طوله185واني 156
لبسني الحلقه وايدي ترجف واني لبسته كعدنا ضل لازم ايدي وارجف كالو كومو ركصو صخنت شنو اركص انتو شايفين طوله وطولي كومني وشغلو اغنيه يا هنيالي ايده على خصري واني ميته خجل نزل راسه يم اذني وهمس
-طالعه تخبلين
ما رديت توتري دا يزيد جسمي كله صـار يرجف حس بيه و رجعني كعدنا
-انتي زينه
-اي
-غمضي عينج وتنفسي
سويت مثل ما كال فتحت وشفت عيونه عليه كبل نزلت راسي خلصت الخطوبه وكالو خل يضلون وحدهم اني هنا ما ادري شصار بيه الا شويه واتخربط الفستان جان مفتوح من يم الصدر واني اغطي ومايفيد فتحت الباب فتت وعيوني جتي عليه كام وكال
-تعاي
-مشيت وصلت عندا جان يبوسني براسي
-شلونج
-الحمد الله
-تعاي كعدي
كعدنا جان يكول
-شوفي ادري شكد تأذيتي من اهلج بس اوعدج راح نثبت الهم انتي مو هيج تمام
كمت ابجي واني اسمع كلامه
-شلون ها أنتَ ما تسمع كلامهم الي شلون
تقرب ومسح دموعي
-اش اني وياج هسه ومحد راح يكدر ينزل دموعج ماشي
هزيت راسي طلع كارتون مبايل
-هذا الج خليت بي رقمي
-شكرا مجان اله داعي
-رنيم اني هسه خطيبج وهذا من واجبي اسوي وبدون شكرا فهمتي
-اي
-يلا سوي درب خل اطلع
طلع واستلمتني زهراء وبنات خالتي
-والله ما ادري شسويلته وهيج اجه خطبج
-اكيد سحر مو صعبه
مليت واني اسمع حجيهم رحت ل غرفتي وفتحت المبايل جان اول شي اسمه هيثم كمت سبحت وتوضيت وصليت ورا ما كملت نمت نومه اهل الكهف ما حسيت الا على اتصال عمو هيثم
-الو
-شلونج
-بخير وانتَ
-الحمد الله
سكتت ما حجه ولا اني حجيت
-عمو
اشو هذا ضحك ضحكه طرشيت من وراها
-بعد عمج
-ليش تضحك
-زين كليلي اكو وحده تصيح ل خطيبها عمو
-ها
-وجعا
-عمووو
-ولج هيثم
-اءء مو اني متعوده على عمو
-تعودي على هيثم لعد
-نشالله
ضلينا نحجي شويه وكال اني رايح مرت الايام وجا يوم زواج زهراء لبست فستان لون بيجي مو مفتوح هواي ومكياج بسيط حسيت نفسي مالي مكان بينهم الكل يباوعلي بنضرات عبالك مسويه جريمه
-رنيم شكو واكفه هنا ها تردين تفشليني
-زهراء ولج اني اختج شبيج
-لا مو اختي امشي من وجهي
عرس اختي وما اكدر احضره لانو هيه متفشله مني طلعت وشفت ام عمو هيثم وخواته كبل جتي عليه علا
-هلا عمه تفضلو
ما ردت فاتت بقت عبير
-يلا علا امشي
-اريد اضل يم رنيم
-عوفيها يمي
-لا عيني تعاي
جرتها من حضني وخطيه بجت رحت لغرفتي ابجي شفتهم يودعون زهراء واني هنا ما اكدر اروح احضنها سمعت تلفوني يدك
-الو
-لا تبجين
نصدمت شلون عرف معقول من صوتي
-نزلي جوه منتضرج
-شنو
-لخاطر الله عوفي فهاوتج ونزلي
سديته ورتبت نفسي شصاير بوجهي يبو عدلته ونزلت كالت ماما كاعد بالاستقبال رحت اشو اول ما دخلت حسيت نجريت وحضني اني هم حضنته وتفاجأت بنفسي بس جنت محتاجه احد يحضني بجيت بحضنه بعدني عنه كال
-كم مره كتلج ماريد هل الدموع
-تعبت
-اوعدج راح يعرفون كل شي
ضلينا نحجي سوا وراح صعدت نمت فات اسبوع على زواج زهراء وجا وكت زواجي....
.
.
.
هذا البارت حبايبي احبكم🤍