عشق الطفولة

part 17

أتمنى أن لا يراك أحد
بالطريقة التي رأيتك فيها
أن لا يلتفت أحد إلى إبتسامتك الرائعة
أن لا ينجذب أحد لصوتك
أتمنى أن يراك الجميع شخص عادي.!.
.
.
- هيثم : جنت بالدوام وبالطريق دك مبايلي
- السلام عليكم
- وعليكم السلام تفضل منو وياي
- تكدر تعتبرني فاعل خير
- كول منوو انتَ
- روح للعنوان الي راح ادزه الك وشوف اخوك
- شدخ....
كطع الاتصال قبل ما اكمل ودز العنوان رحت عليه طلع هو
- اني لو ما اعرف ابوك شنو وانت شنو ما اكلك فشنو محمد سوا شي ممكن يخلي سمعت الضابط بالكاع
- شنوو وليش تحجي على محمد بهل الاسلوببب منو سمحلك
- يريد يورطك بمخدرات وهاي شوف
طلعلي صور وفيديوهات اختي واخويه وبعد منو يطلع رحت تأكدت وزين لحكت جان كل شي راح مني بثواني رجعت للبيت وشفت محمد كدامي
- اني اخوك لو عدوك
- محمد : ها شبيك يمعود
- فهمني فد يوم قسيت عليك بشي
- عمار : هاي شبيكم بويه هيثم فهمنه
- يابه اكلك شي اريد اطلع من البيت وانتَ وامي راضين عليه
- شكاعد تحجي شنو تطلعع
- يابه اني ما اكدر اعرض مرتي وجهالي للخطر
- ولك هاي بدوامك حرب وضرب ومسدسات وطلق
- هناك تعودت بس هنا اختي واخويه شتحملل ما دكلي
- رنيم : دا يحجي ويه عمي وخشمه طك دم اني كبل رحت عليه
- هيثم على كيفك
عمو كام يصيح على محمد واني كوه كومت هيثم وصعدنا فوك
- حبيبي على كيفك
كعدته ع الجربايه وجبت ادويه الضغط ومي شربته اله وكعدت يمه
- احضنيني محتاجج
- تعال
حطيت راسه على صدري وايدي تلعب بشعره جاي من الدوام تعبان وهيج صار هيثم صح عصبي بس يحجي بهدوء ما يعيط بلوجه عبالي حيضل هيج وينام اشو كبل وكف وكال
- كومي خل نحضر الملابس
- ها
- بلا فهاوه كلبي
- هيثم
ماسمعني طلع جنطه وكام يصفط ملابسه اني هم كمت بس كل شويه اكله هيثم يمعود اهلك ماكو قافل
لبست عبايتي وامشي كوه اني وبطني نزلنا وامه شافت الجنطه كامت تدك وتلطم راح يمها بأس ايديها وراسها
- يمه مرايح بعيد بيتنا مفتوح الج بأي وقت
- سحر : وليدي شلون هيجج تروحح
- يمه لا تسوين هيج تردين راحت ابنج خلي يطلع
- يايمه براحتك بس ديربالك على نفسك وعلى رنيم والي لكنها
- بعيني ما يحتاج توصيه
رحت يمها وبوستها
علا : معليهه اجيي وياكك ماا
- هيثم : يمه حاخذ علا وياي عود اذا رادت تجي بليل اجيبها
- ماشي يمه الله وياكم
لحيت على هيثم ما يسوق لانو تعبان بس الا ساق وصلنا وشفت البيت عبالك قصر بس شنسوي بي هلكبره دخلنا بي حديقه مليانه ورد وزرع اشكال ومسبح فتنا جوه كلش جبير بي غرف فد 6 والمطبخ بي اثاث بس مو هوايه اثاث الصاله موجود والمطبخ مابي هواي شغلات
- هيثم هذا راح نكعد بي
- اي
- جبير علينا
- تعاي بويه كعدي
- علا : حروح اطلع الحديقة
- هيثم : ماشي ديربالج
- شوفي كلبي هذا البيت من زمان اني ارسمه بخيالي واكول راح اجيبج بي انتي وجهالنة وانتي على ايدج ترتبي وتخليله اثاث شوفي المطبخ والغرفه النوم والصاله هم انتي شتردين تخلين بيها خلي وتعاي وياي هذي الغرفه من تصيرين حامل نضل بيها علمود لا تصعدين وتنزلين الغرفه الفوك مالتنه تعاي شوفي
هيثم جان يحجيلي واني متعجبه شلون مسوي هيج شي
- هذي لغرفه الولد وهاي للبنات
- هيثم
- كلبه
- شمسوي
- شمسوي
- كلشي مسوي انتَ وشلون مفكر بأدق التفاصيل
- ماريد شي ينقص عليكم اذا صارلي ش..
خليت ايدي على حلكه وقاطعته
- اشش مراح يصيرلك شي حتضل يمنه
- تعاي اخذج للغرفه تعبتي
وداني للغرفه الي جوه وجانت كلش حلوه واثاثها حلو ونازك ذبيت شالي وهيثم فات يسبح علا برا بالحديقه طلع هيثم ومبين شكد تعبان كبل تمدد وشعره رطب بي مي كعدت يمه وانشف بشعره لزم ايدي وباسها دنكت بست راسه
- نام ارتاح واني اطلع اشوف علا وارتب البيت شويه
- شوفي علا ورجعي لا ترتبين مابي شي البيت
- لا تخاف هسه اجي
لزم ايدي
- لا تعبين نفسج
- ماشي
نزلت وشفت علا كاعده بالحديقه ع المرجوحه اني رحت للمطبخ سويت شويه اكل لانو هيثم مو ماكل شي سويت طماطة وبصل و لحم وكوه متحمله الريحه كملت ورحت يمه لكيته كاعد ادري بي ما يكدر ينام من ورى الي صار اليوم رحت يمه وخليت الصينيه
- يلا اكل
- شكلت اني
- اكلت شي يلا
- عنادج بطلي
- ما اكل يلا لخاطري
- اكل انتي هم وياي
- لا هيثمم ما اكدر
كعد اكل وكمل شال الصينيه هو ورجع
- احضنيني
- تعال
حضنته ونام يارب ليش هيج دا يصير ويانه
جتي علا وفرشت الها ونامت اني هم نمت كعدت الصبح على صوت هيثم
- صباح الخير
- صباح النور وين رايح
- هنا اكو محل اطلع اجيب جبن قشطه واجي
- ماشي
راح اني كمت علا كعدت
- صباح الخير حبيبتي
- علا : صباح النور تعاي وين رايحه كعدي مو زين عليج
- يمه فدوه
باستي وكعدت يمي
- شوكت تجيبين
- بعد شهرين
- ياييي شلون تجيبين ثنين
- من تكبرين تعرفين
- يعنيي هيثم يبوسج ويصير بيبي
ياربي شرد هسه
- أي أي كومي ويايه
كمت رحنا للحديقه اني وياها واجه هيثم تقرب باس علا وباسني من راسي
- علا : يعنيي صاررووو 3
- منو ولج الي صاور 3
- ولدك
- شلون
- موو بستها هسه صارو 3
- لا لا لو كلشي يصير بالبوس جان صارو مليون
- ههههههه
- لعد شلون
- من تكبرين تعرفين يلا تعالو
فتنا وآني وهيثم حضرنا الريوك وكعدنا ناكل اجا اتصال ف جحه ويا وصار شويه عصبي وبعدين كال جايك
- هيثم
- علا اكلي كلبي تعاي حضريلي ملابس
رحت ويا وسد الباب
- وين حتروح
- الدوام لازم اروح عمري
- هيثم بس
- خايفه ادري بيج خليت شباب محاوطين البيت كله
بسرعه حضنته
- اوووفف رنيم اوفف
باسني براسي وخدي وشفايفي
- اعشكج
- اني هم
لبس ملابسه وطلع رجعت يم علا وكعدت يمها اسويلها لفات وتاكل
- تدرين حكعد روضه
- أي يعمري انتي
كملت اكلها وشلت الماعين وغسلتهن كعدت لانو صارت تقلصات ب بطني
- علا : شبيج شبيج حتجيبين
- ههه لا حياتي انتي بعدني
- لعد شبيج دا يوجعج
- اي بطني شويه توجعني
تمددت وعلا يمي خطيه كلسع فازه عبالها بيه شي ضل الوجع شويه وراح ضليت بلبيت اني وعلا أريد احجي ويا ميسم بس ما عندي رقمها تذكرت انزل برنامج مراسله واحجي وياها انستا بس خاف هيثم يسويلي مشكله صار اليل وما اجه الا ب الوحده فات الغرفه وآني وعلا نايمين راح للحمام ورجع ورايه حضني وراسه يم ركبتي يتنفس سريع
- هيثمي
- هممم
انداريت عليه وشفت حرارته
- تنورر صاير
كبل ردت اكوم بس رجعني
- لا تكمزين هيج
- أي أي عوفني
رحت جبت طاسه وبيها مي ووصله وخليتها على كصته ضليت على هل الحاله لحد ما غفيت كعدت الصبح وهيثم صار احسن سويت ريوك وكعد يتريك علا وداها للبيت ضلينا اني ويا
- هيثم اكلك
- كولي عمري
- أريد رقم ميسم او انزل الانستا علمود احجي وياها
- ماشي كلبي نزلي
- صدك
- أي صدك قابل اني شاك بيج علمود ما خليج تنزلين شي
- احبك
- اعشكج يلا اني طالع
- الله وياك
- محمد : ادري اني غلطت هواي من سويت هل شي أي جنت غيران منه كلش بس ندمت وهواي هم
- يقين : شلون تسوي هيج هااا اخوك هذا اخوككك
- ادريي
- هاا خاف ناسي كلت اذكرك
راحت وآني رجعت للبيت ومحد يحجي وياي طبعا
- سلام : من بعد ما صار هذا الشي تعاركت ويه محمد وما حجيت ويابعد رحت على رقيه شفتها صايره احسن
- هذا محمد شلون هيج يسوي ب اخو
- ما ادري شكلج
- همه وين هسه
- بيت هيثم وهسه امر على رنيم وحدها بلبيت
- سلملي عليها هواي
- يوصل روحي انتي ديربالج على نفسج
- ماشي الله وياك
رحت على رنيم وادك بالباب ماكو
- رنيم : بعد ما هيثم راح للدوام ضليت وحدي لكيت حساب ميسم وحجيت وياها
- 💬 ميسم ردي هاي اني رنيم
ضلت نص ساعه يلا ردت
- 💬 رنيم صدك هاي انتي شلونجج ولج مشتاقتلج
اتصلت عليه وكبل رديت وجانت دت تبجي وآني هم بجيت
- اني هم شتاقيتلج كلش
- ميسم : شلونج اخبارج
- الحمد الله
- انتي وهيثم شلونكم
- زينين وعلى قريب حتصيرين خاله
- شنوو حاملللللللل
- أي توام ولد
- لا لا شاد حيله هل الهيثم
- ولجج
- بيا شهر انتي
- السابع
- سنه كلبي مدا اتحمل هيج دزي رقمج تحجي واتساب فيديو أريد اشوفج ما اتحمل
- ها شلوني
- يبوو شوف البطن صايره بطه
- حتى انتي هيثم هم يكلي هيج
- هو وين هسه
- بالدوام
- وانتي وين يعني يم اهله
- صارت مشكله وطلعنا
- يعني وحدج
- أي
حجينه شويه وراحت
ماكو شي اسوي ضوجه صح جنت خايفه بس الهلي نفسي بأي شي فجأه سمعت صوت
- والله طلعت حلوه مرت الضابط
جان من ورايه الصوت وآني واكفه اشرب مي جمدت من سمعت صوته نداريت جان اشوف....

لا تنسون التصويت ♥️

وهذا بارت كلبي واعتذر مره ثانية على التأخير 🤎