انته تدري عيونك مسويتلي واهس حته اعيش ؟؟♡ .هيثم.
.
.
.
-هيثم:سمعت من علي انو حيدر ابن عمها جاي على رنيم ويريد يخطبها ماضل عقل براسي حسيت للحضه راح تروح مني تروح لشخص ثاني اول ما طلعت سحبتها للسياره هيه ما حجت شي بس مشيت سمعت شهكاتها وكالت
-عمو...وينن..رايحين
مارديت عليها مـاريد اطلع عصبيتي بيها رحت لمكان مابي احد كلتلها نزلي نزلت
-عمو شبيك
-رنيم اسكتي
.
.
.
رنيم:خفت من عمو شلون يتنفس سريع خفت منه وخفت عليه
-عمو عليك الله كول شبيك عمو
-رنيم مي
-هاا وينه
-بالسيارره
ركضت جبلته مي قربت عليه ردت الزم ايده بتعد
.
.
هيثم:شفتها شلون خافت عليه ورادت تلزمني بتعدت ماريد اسوي شي وهيه مو حلالي شربت مي واني احاول ما اسـوي شي
-عمو شلون صرت
-زين زين
-اءء تكدر ترجعني
-اي يلا
وصلتها
-ديري بالج على نفسج
-صار يلا مع السلامه
-الله وياج
.
.
.
وصلني وتوني فتت للبيت وجا عليه علي لزمني من شعري حيل
-اخخ عليي شبيكك
-وينن جنتي هاا احجييي
-وياا صديقتيي اخ عليي
صديقتجج موو
ما ادري شبي ضربني ودخلني لغرفه ونفس ماضل بيه شعري جسمي وكلشي بيه يوجعنيي كضيتها بجي ونمت وماحسيت بعد كعدت على صوت امي
-كعدي يلااا
- ماما شبي علي ها
-ولا كلمه يلا كومي
-ماما شبيج شكوو
-كلتتت ولاكلمه
امي مدري شبيها ونضرات زهراء عليه جسمي مكسر ما اكدر امشي حتى وامي تكلي امشي غسلي ماعين ونضفي مع انو شافت شلون علي لبارحه ضربني
-رنيم هذني ما اعتقد تردينهن بعد
شكت كتبي ودفاتري
-زهراءء شكوو شبيج ليش هيجج وخريي
-ليش منو راح يخليج بعد تداومين
-شكووو فهمونيي شبيكمم
-علي:صوتججج كلبه
رجع ضربني اريد اعرف شنو اني مسويه علمود خلاهم هيج يتصرفون ويايه
-شبيكممم وياايه علي شكو بس فهمني
-نجبي وفوتي لغرفتج
-ماروح كلي شكو شصاير ليش هيج تصرفكم ويايه
-ها على اساس ما تعرفين مو ولج هسه منو يجي ياخذج
نصدمت من كـال منو ياخذج
-شنو شقصدك عليي
-وسم فوتي لغرفتج
رحت لغرفتي لانو اذا الح اخذلي ضربه ثانيه شنو منو يجي ياخذج شبي شفت شلون كتبي مشككه وكلشي شبيهم
.
.
.
هـيثم: رنيم ضلت يومين ماكو لا اشوفها يم مدرسه ولا تجاوب ع المبايل وضل بالي يمها اكول اروح على اساس رايح لـ علي اي ما اتحمل خاف بيها شي
اتصلت على علي وكلي اي هلا بيك ورحت
-سلام عليكم
-وعليكم السلام تفضل
فتت وطول الكعده اريد اشـوف رنـيم
.
.
.
رنـيم:سمعت صوت عمو برا حسيت اريـد احجي ويا بس الباب مقفوله شسوي ميته خوف ادك لباب حيل بس خاف مايكدر يسوي شي ويا علي مبايلي اخذه علي نمت لانو ما اكدر اتحمل انهزم من كل شي للنوم كعدت لصبح على صوت زهراء
-يلاا كومي
-اخ شبيج
-وجع يللاا
نزلت جوه مثل لمخبله شفت علي وامي
-علي شكو كلي ليش تعاملكم هيج ويايه شنو سويت هاا
-شنو سويتي ولج ما اكدر اطلع للباب بسببج
-بسببي ليشش شنو سويتت
-تعاي
لزمني من شعري شوفلي صوري اني ويا واحد بوضعيات ابد مو حلوه ضليت منصدمه شلون هيج اكيد احد هيج مسوي اني الا شويه واصدكها
-عليي والله ما مسويه هيج والله
-شنو مو انتي واحد يدزلي الصور يكلي شوف اختك يمنا بعد الله يعلم ويا كم واحد
-علي ماما يــعني هيج تصدكون ولكم اني بتكم ما تصدكوني بشنو احلف والله مامسويه هيجج
-اش ولا كلمه
سكتت ماراح يصدكون بس يــعني اني بتهم لمفروض يوكفون ويايه ما يصدكون كبل هيج فتت لغرفتي حسيت هاهيه حياتي توقفت كلشي توقف الشخص من يخسر ثقه اهله خسر كل شي مرت ايام مثل السم عليه تركت الدراسه وتحملت كلشي ضرب وغلط كلشي وكلت ميخالف يوم من الايام امي صاحت خلص الزيت روحي جيبي طبعا جنت فرحانه لانو راح اطلع اخيراا لبست شالي وطلعت شتريت زيت واباوع الشوارع اوف يربي دا امشي جان اشوف....!!
.
.
.
.
يمكن البارت قصير بس يلا احبكم🤍
أنت تقرأ
عشق الطفولة
Romanceأحٰضنينيَ .. - ليشِ ؟ . مٰحتاجج . - أڪو احَد مضوٰجكَ ؟ . لا ماڪوَ - لعٰد ليشِ تريد أحضنك ، بِدون سببٰ . - أحچيليٰ ؟ . أريد بس تضمينيٰ يمَچ . - تعَال ..
