عشق الطفولة

part 10

ماكلت لـ النآس آحبك
،حُبك مبين عليه !!
.
.
لا تنسون تصويت
.
- هيثم : رنيم امج اليوم توفت
جنت اعرف شنو ردت فعله بس الي ما جنت متوقعه حتضل صافنه وبس الدموع تجري خفت عليها
- رنيم كلنا نهاتينا لهل الطريق
- ماما اخذني لبيت اهلي
- رنيم
- اخذني عليك الله
- ماشي ماشي كومي بدلي
كامت بدلت وطلعنا وهيه طول الطريق بس دموعها تجري وصلنا ونزلت ركض ونزلت وراها فاتت جوه وجانو اكو نسوان وعلي واكف برا سمعت صرخه رنيم لو طلعت روحي رحت ويا لولد اديت الواجب وردت اشوف رنيم دكيت الباب فتحت زهراء
- سلام عليكم
- وعليكم السلام تفضل
- رنيم وين
- جوه تخربطت و...
- شنو ليش شبيها وينها هسه
- اي اي جوه فوت
فتت جوه بس اريد اشوفها نايمه وجهه تعبان رحت كعدت يمها وبست وراسها
.
.
رنيم : كلشي مره عليه صعب من كال امي توفت حسيت الدنيا وكفت بيه كلش صعب خسران احد من الاهل خسرت بابا وآني حتى ما شايفته جنت اشوف الجهال ويايه بالمدرسه شلون ابوهم يعاملهم ويجي عليهم وابد ما انسى من جانو يكلولي يتيمه ماعدها اب ارجع للبيت اكول ل امي ليش هيج يحجون عليه وابجي وهسه صرت يتيمه من يم الاب والام تعبت حيل راسي ضل يوجعني وتخربطت حسيت على احد باس راسي
- هيثم
- يروح هيثم انتي البقيه بحياتج
كلي هيج وبجيت
- كومي اخذج للمستشفى شوفي حتى حرارتج مرتفعة
- كلشي مابيه
حضنيي وخليت راسي بحضنه سمعته يقره ايات قرأنيه هدأت ونمت ما حسيت غير الصبح هيثم ماكو مشت يومين وآني بيت اهلي معامله علي زينه ويايه اتصل هيثم
هيثم : شتاقيتلج
- عليكم السلام
- مو ناويه تنورين بيتي
- بس
- رنيم كوه متطمن عليج هناك ف يابنت الناس العصر جاي عليج ماشي
- ماشي
صار العصرلميت غراضي وسمعت صوت سياره هيثم مانزل سلم على علي
- ليش ما نزلت
- شسوي انزل
- علي ج..
- ماريد اشوفه
سكتت ماحجيت شي وصلنا للبيت سلمت عليهم وصعدت لغرفتي رتبت الغرفه شويه سبحت وتوضيت فرشت السجاده دا اصلي شفت هيثم هم دا يصلي طبعا ابد ما يفوت صلاته ودائما ملتزم يقره قران كملت صلاه هوه راح تمدد جنت كلش تعبانه تمددت يمه وغفيت وحسيت عليه دا يكعدني
- رنيم رنيم
- ها
- صح النوم كومي ننزل نتعشى يلا
- ماريد مو مشتهيه
- رنيم ادري بيج مدا تاكلين زين ف كومي ولاكلمه
- بس
-شكللتتتت
طفرت كبل من صيح لبست شالي ونزلنا اني ويا
عمار: هلا بنيتي نورتي
- هلا عمو
كعدنا نتعشى اكلت شويه وهيثم يلح اكلي واكلي ورى ماكملو شلت الماعين
- عبير : اي يلا غسلي هذني وصبي جاي
دا احجي وما اسمع الا صوت هيثم
- احددد كلجج هيهه خدااامه علموددد تحجين وياها بهل الاسلوبببب
- بس صارلها هوايي بيت اهلها واذا كلت الها غسلي ماعين
- كوليلها بس مووو بهاذا الاسلوبب فهمتيي
شفت هيثم عصب كلش لزمت ايده
- هيثم كافي هسه اغسلهن روح اكعد وياهم حباب
بالكوه قنعته يروح
- ايي عاميته فد سحرر
مارديت عليها غسلت الماعين وصبت جاي وزعته عليهم
وكعدت بصف هيثم
- محمد : اكلكم اريد اصير عم شوكتت
هوه كال هيج جان اختنك بالجاي
- هيثم : نجب محمد
- كلتت شي غلطط
- سحر : اي يمه اريد اشوف ابن ابني
- يمه مصار هواي من تزوجنه شبيج
هيثم صعد فوك وآني صعدت ورى دا يشوف فلم تمددت بصفه
- حنزل عشره ايام
هو كال هيج وآني نصدمت
- ليش هلكد لشغل مهم
- كلشش واريدج تدعيلي
- هيثم لا تخوفني
- شوفي اريدج قويه انت مرته ل هيثم
- راح تكدر تخابر موو
- اي اي اخابر بس ديري بالج على نفسج
- اي ماشي
- تعاي بحضني
رحت لحضنه كبل ماريد يعوفني صح ما متقربلي ولا مثل زوج وزوجه بس تعودت عليه صار يومي ما يخلص إذا ما اشوفه حضني وغفه وضليت اباوع على وجهه والعب بلحيته وبعدين نمت وحسيت عليه يريد يطلع الصبح كبل كمزت
- هيثم
- صباح الخير
- صباح النور
تقرب عليه
- احنا اتفقنا مو
- اي
حضني ودعته ونزل جوهة هم اهله ودعو صعدت لغرفتي وخايفه صليت ونزلت شفتهم ديتريكون اكلت كم لكه مالي واهس وشلت الماعين غسلتهن وكعدت
- محمد : رنيم شكد عمرج
- 17
- حيلللل هاي شلون متحمله اخويه
- سلام : محمدد انجب
- والله شبيك شوفها صغيره رنوم حبيبي أريد جاي
- ماشي
كمت صبيت جاي اله
- علا : شكد تحبين هيثم
- احبه
- اي شكدد
- هوايه
- وآني
- انتي هم احبج
- بس منو اكثر
- انتي
- يايييي اليوم انام يمج
- ماشي
نضفت البيت وكل هذا عبير نايمه تكسرت تكسر لا والنوب عمتي كل الشغل طلعته من جوه الكاع كملت وجان تكلي بقت الطرمه طلعت غسلتها بس جانت حاره كلش والشمس بوجهي كملت وصعدت سبحت ودا امشط بشعري واتصل هيثم فتحت
- الو
- الو يبعد كلبي
- شلونك
- بخير وانتي
- الحمد الله
- شنو دا سوين
- امشط شعري
- احد ضوجج بالبيت
- لا واليوم علا حتجي تنام يمي
- اووف حتاخذ مكاني
- هههه
سمعت واحد حجه ويا
- رنيم لازم هسه اروح ديري بالج على نفسج
- ماشي الله وياك
من اتصل تطمنت شويه عليه نزلت جوه وصبيت الغده كعدنا نتغدى
- عمار : بنيتي هيثم ما اتصل
- بلي عمو بس حجه شويه وهاهيه
- سحر : اي عيني لازم بس عليج يتصل
- سحررر
سكتت ما حجت شي شلت الماعين غسلتها
- عبير : مسحي لكاع
- ليش شبيها مو اني بيدي مسحتها قبل شويه
- ولج لا تجادلين
- مدا اجادل بس شوفي الكاع تلمع مابيها
- وانييي كلت مسحيها
مسحتها مابيه حيل احجي واياها كملت صار اليل صعدت لغرفتي لكيت علا نيمتها بحضني ونمت اني هم فزيت على حركه علا كعدت نزلت جوه وآني غسلت ونزلت محد جان كاعد بعده حضرت الريوك وعلا كاعده ويايه بالمطبخ سويت الريوك وكعدو تريكو ومر يوم عادي بين شغل البيت وبين خوفي على هيثم مر 4 إيام وهيثم ماكو خير عنه اتصلت عليه ماكو والبيت كله توتر لانو ماكو خبر عنه عاد ب خامس يوم اتصل بوكتها رتاحيت حجه ويا امه وابو واخوانه وجيت احجي ويا اخذته عبير وضلت تحجي لحد ما هيثم كال احد دا يصيحني وراح ضلت بنفسي احجي ويا بس يلا صعدت لغرفتي صليت وراها نزلت اتعشى مكدرت حسيت نفسي مخنوكه النفس كوه اتنفسه غسلت الماعين كوه وصعدت علا جانت بالغرفه يمي
- بيج شي رنوم
- لا حبيبتي نامي تعاي
نامت وآني مدا اكدر علا نايمه بحضني بعدتها وكمت طلعت للحديقه كعدت بيها شويه ورجعت للغرفه وثاني يوم كعدت مابيه حيل راسي يوجعني وكوه مفتحه عيوني سبحت علمود اصحصح شويه بس ماكو نزلت واحرك ايدي شويه شويه مدري شبيه سويت جاي وحضرت لريوك كعدت عبير
- عبير
- ها
- شيلي الريوك حضرته
- وليش انتي ما تشيلي ناقضج ايد رجل
- مدا اكدر اتحرك شيلي
- يلا يلا جيبي خل نتريك
راحت وماشالته شلته على كيفي شفت محمد
- محمد بس الزم
- اي اي شبيج خيرج
- شويه تعبانه ماكو شي حروح فوك
صعدت وتمدتت غفيت وماحسيت على شي كعدت وحجي ما اكدر احجي صوتي مبحوح مرت ايام
.
.
هيثم : شتاقيتلها واكثر من مره اتصل عليهم اريد احد ينطيني رنيم لو بلحمام لو يطلعون حجه خفت عليها واني وصيت امي وكلتلها رنيم دريربالج عليها اليوم ارجع وبالطريق وآني اتصل عليها بلكي ترد ماكو مغلق وصلت للبيت واستقبلوني وعيني جانت تدور رنيم ماكو
- رنيم وين
- محمد : هاا
- رنيمم وينن
- شوف خويه هيه شويه تمرضت و ..
بعد ما كمل كلامه صعدت كبل للغرفه واشوف رويحتي شلون صايره تعبانه والوجهه اصفر تقربت عليها
- رنيم يروحي كعدي هياتني يمج
- وليدي
- يمهه مو وصيتجج عليها مو كتلج ديربالج عليها
- هيه تمرضت شسويلها
- صارلها شكد على هاي الحاله
- محمد : تقريبا 6 ايام هيج
- اخذتووهاا مستشفى صخاامم
- سلام : اخذناها الدكتور كال تعب ونطانه دوى
- من رخصتكم أريد اضل ويا مرتي وحدنا
طلعو بستها من راسها وخدها ضعفانه كلش كمت سبحت وجيت تمددت يمها وخليتها بحضني اوفف شكد مشتاقلج ضليت العب بشعرها الدوى يخليها تنام وما تحس ورى فتره فتحت عيونها وضلت صافنه بوجهي بعدين ستوعبت اني يمها
- هيثم
- يروح هيثم أنتــي
- شوكت جيت
- قبل شويه
سكتت وضلت بحضني
- اني مو كتلج ديربالج على نفسج
- كلشي مابيه
- اي كلشي مابيج ضعفانه وجهج اصفر ومدا تاكلين وحرارتج مرتفعه وكل هذا مابيج شي
- شويه تعبانه لا تكبر الموضوع
- يلا حنزل اجيب غده من جوه وتاكلين ويايه
- بس
- بدون بس
نزلت جبت اكل وصعدت جان اشوفف...
.
.

ادري مقصره وياكم حبايبي 🤍