المنتصف❤
الجزء ٦
في بيت مصعب
ي امي انا طالع عندي مشوار كدا وبعدها ح القي وليد لتجهيزات العرس ان شاء الله بعد 6 شهور من الان كويس ي ولدي .. مع السلامه
في بيت حاج احمد مصطفي
الناس كلها كانت فرحانه وزغاريد انا كنت مصدومه بس كيف بعد شهر ومنو اساسا
محاسن دخلتني الغرفه وشايفه في عيونها الزعل بس بتحاول م تظهرها اها ي العروسه 😍😢 انا قلت ليها محاسن انا عارفه ابوي ح يعمل كدا ومن زمان قلت ليكم انا ح ارضي واي حاجه مسكتني محاسن وبقت بتبكي شديد وبعدها طلعت مني انا قلت محاسن ليه بتبكي كدا ...
ي مصعب انت بعد دا م ناوي علي العرس سعاد واخذنها منكم 😁 اختك الصغيرة لسه بعد دا م عندك عذر عرس وخلينا نفرح بيك ياااخ 😂😂 اقول ليك حاجه خلينا نعرس سوا انا وانت 😍 ....
انت م جادي خلينا نتم ليك انت اول ونفرح بيك وبعدها تعال هنا ال بقيف في عرسنا منو لو انا وانت عرسان 😂😂 اقيف ليك وتقيف لي 😂😂 ....
الصباح صحيت علي صوت حبوبه قومي ي بتي دايرة اتكلم معاك حبوبه خلينا نشرب الشاي بعدها نتكلم 😂لا لا تعالي اقعدي امبارح قلتي موافقه لي ابوك اي ي حبوبه انا بقدر اقول لا .. ح تعرسي ود عمك احمد دا منو ي حبوبه انا عارفه احمد اخو محمد معرس وعندو بتين احمد دا منو كمان ود عمي باللفه من البلد ي حبوبه ح امشي هناك ...
لالا ي سلمي ياهو ود عمك احمد كيف ي حبوبه هو معرس انا ابقي التانيه 😭😭😭😢😢ليه ي حبوبه ابوي بعمل كدا ي بتي احمد بدور الولد ومرتو تاني م بتولد خلاث وقال دايراك وابوك وافق 😭😭😭😭انا بس بقيت ببكي وبقول ليه احصل لي كدا انا عملت شنو 😭😭😭😭😭😭....
ابوي جاء داخل ماله البت دي بتبكي عايني ي سلمي انتي بعد دا بقيتي بت كبيرة حركات الشفع ودا م ينفع العرس بعد شهر ود عمك عايزاك وم ح يقصر معاك ي ابوي هو معرس كيف انا اخرب بيت البت م عندها ذنب ي ابوي هي راضيه وح تجي تخطبك كمان ☺ ... اصلا ماف زول ح يجي تاني اتقدم ليك بعد ال عملتيهو يومين برا البيت وجيتي براك راجعه وحكايه عندك ال سكري دي ماف زول برضي بيك من احمد قال عايزاك انا رضيت عشان مصلحتك ي بتي المجتمع م برحم ... وطلع مني انا بس بقيت مصدومه من كلامه ليه المرض عيب والحصل لي انا دخلي شنو فيه 😭😭😭😭😭😭....
مر الشهر سريع وانا م فاهمه شئ من تجهيزات وغيرها انا بس كنت قاعده وكاني م معاهم صوت الغناء والزغاريد هم في عالم وانا في عالم تاني محاسن ودتني الكوافير كل الناس مستغربه فيني بقولو العروس مالها 😢 محاسن كانت بتتهرب مني م بتحب عيوني تجي في عيونها لانه انا كنت منتظرة بس زول اديني اشارة وانهار كليا .....
يلا ي امي انا طالع انا وليد الليله عرس اخو ال باش مهندس محمد يلا سلام ...
اي ي وليد قريب ليك اي شفتك ارح يلا ...
البيت قريب من هنا وصلنا هنا ي اخ بس
اتفضلو ي شباب الف مبروك ي باش مهندس الله يبارك فيكم وعقبالكم ي شباب اتفضلو محاسن صينيه غداء هنا للشباب سريع طيب ...
تم العقد والناس بقت تبارك انا في الوقت دا خلاث بقيت م قادرة الموضوع كتر علي شديد راسي جاط وكل الحكايه كترت علي فجاة وقت العريس داخل انا وقعت ...
شايفه كل الناس جاريه علي ومحاسن اختي اخر حاجه شفتها بتقول لي سلمي وغمضت عيوني ... حسيت ربنا بحبني وشالني عنده خلاث كنت مبسوطه شديد ...
صحيت ولقيت محاسن جمبي وحبوبه وابوي وناس تانيه غريبه واقفه سلمي ي بتي كويسه انتي رديت لحبوبه كويسه اي ودموعي بس جاريه ... بكون ارهاق بس ي ابوي اطلعوا شويه اسي بنطلع سمح خلينا نخلص بس البت دي اصلا عايزة الفضيحه تنتشر وكل الناس تعرف العملتو حتي ترتاح بس ... ي ابوي الكلام دا اسي م وقته اطلعوا انا اسي بنجهز ونطلع ....
حبوبه خليني شويه معاها...
محاسن قعدت جمبي وقالت لي قومي اصلح ليك توبك دا والمكياج قعدت وانا مستغربه في محاسن عايني ي سلمي ابوي بعمل كدا عشانك كيف عشاني ي سلمي احمد متزوج وعشان انا اجيب ليه اولاد بس دا في مصلحتي لا ي سلمي انتي م متذكرة لمن رجعتي البيت بعد يومين الناس بقت تطلع فيك كلام م كويس وانتي عارفه ابوي الا عادات الاسرة والمجتمع م بتقبل خاف عليك من المجتمع ال م برحم دا وانه ماف زول اوجه ليك كلام اجرحك وعارف انه بته م بتغلط وانه ربنا قدر كدا العرس دا كله عشان نغطي علي كلام الناس ال م برحم واحمد زول كويس م زي محمد م تخافي وبحب زوجته جدا انا بسمع في الكلام وم قادرة استوعب الحاصل معاي بعد العرس ب سته شهور ح يطلقك وح تسافرو انتي وحبوبه وابوي ل مصطفي السعوديه ح تقعدو هناك ...
محاسن الكلام دا جد كيف م اقدر اشوفك تاني وابوي كيف اخلي شغلو هنا ابوي اصلا مخطط من زمان اوقف شغل واسافر بعد عرسك السعوديه حابب اكون جمب الكعبه ..
محاسن انا م قادرة افهم م تبكي ي سلمي خليك قويه ربنا كتب ليك كدا وربنا ممكن اغير كل شئ في ثانيه اتفائلي وادعي كتير ... ويلا نطلع اتاخرنا عليهم م تبكي ي سلمي طيب قشيت دموعي وطلعت الناس بترقص وبتاكل ومبسوطه وانا بس بعاين في الناس دي وفرحتهم وحاسداهم عليها استغفرت وقلت ي سلمي ربنا احتمال كاتب لي خير ح اشوفو قدام اصبر بس ان الله مع الصابرين ....
يتبع
