المنتصف 14
اسبوع كامل كنت في غرفتي بطلع بعد احمد اطلع الشغل بنضف البيت وبعمل الاكل وقبل م اجي برجع غرفتي مرات كتيره كان بجي غرفتي وبقول لي سلمي عايز اتكلم معاك بس انا بقول ليه لو بخصوص اناووانت او الجامعه انا قفلت الموضوع دا وبقفل نور الغرفه عشان اعرف اني نايمه محاسن من اخر مره اتصلت علي تاني م اتصلت علي وانا صراحه خفت اتصل عليها تغير راي بس طولت المده قلت اشوف مالها امكن حاصل معاها حاجه اتصلت مره المره التانيه رفعت الو اهلين سلمي ان شاء الله طيبه كوثر كيفك كويسه انا والله وكيف البنوته ان شاء الله بخير بخير الحمد لله وين محاسن مشغوله شويه مع العيال والتلفون اتصل كم مره لمن لقيت انتي قلت بالمره اسال منك طولت منك شديد تسلمي ي كوثر بس خليها ترجع لي طيب دقيقه ي سلمي الو محاسن مالك ي سلمي م بتردي علي مكالماتي الا ضربت ل احمد طمئني انك بخير بس تلفونك فيه مشكله اتصلح يعني استغربت وم عرفت اقول شنو ي بت انا بتكلم معاك الو اي ي محاسن اتصلح قلت اشوف حبوبه كيف اشتقت ليها ح اكلم احمد الاسبوع دا اقعد معاها وجيبي العيال وكوثر يوم الجمعه واعمل ليكم احلي شاي ايام زمان قلت لي اي والله اشتقنا سلمي علي عيالي لحدي م اشوفهم يلا سلام ...
في بيت مصعب
امي وليد مسافر اليوم باذن الله ح امشي اودعه شويه والشباب عاملين ليه قعده ظريفه كدا ح اتأخر شويه م تقلقي يلا سلام .. في قعده ظريفه كراسي وكم كبايه جبنه وجبمها حلويات وفواكه مقطعه بطريقه ظريفه وكانت القعده دي في بيت وليد وكل الشباب كانه معزومين للسهره دي بشرف وداع زمليهم وليد ال مسافر بعد يومين للعمل في الخارج
مصعب اليوم كان عنده مميز اولا انه صحبه وليد رجع زي زمان واحسن كمان وثانيا اليوم حابب ابدا اول خطوة اتجاه بدايه حياة خاصه بيه هو من هو وصغير بحب أجواء العائله وفقد الشئ دا بوداع امه ورجع لي الاحساس ب حاجه سوسن وبناتها حب انه عائلته تكون مميزه جدا وفي وقت السرحان دا كله هووي ي مصعب سرحان وين انا ال مسافر ي ولد وبين ضحكات الموجودين لالا بفكر بس ح تعمل شنو من دونا هناك الغربه م هينه ي وليد صعبه ي مصعب بس تستاهل كلها كم سنه وارجع ل مستقبل حلو هنا في بلدنا الطيبه اخذ مصعب كرسيه واتجاه علي استاذ محمد وكان خايف ومتوتر ابدا معاهو الحديث كيف هو م عارف اي شئ عن البت دي غير اسمها واتفاجا انه هي موجودة في بيت استاذ محمد وختي ميه الاحتمالات امكن اخته او بت عمه او قريبته المهم هو الصله الوحيده ليها ماف حل .. بدا الكلام كيف حالك ي استاذ محمد والله بخير ي مصعب انت كمان م تقول تسافر وتخلينا كفايه وليد لالا ي استاذ انا امي واخواتي هنا براهم م ح اقدر م عندهم غيري عندك حق ربنا يخليهم ليك ويحفظ ليك الوالدة .. م قدر مصعب اقول اي حاجه م عرف ابدا كيف بس سكت لمن استاذ محمد قام بدعوت كل الحضور لتناول وجبه الغداء في بيتهم لوداع المهندس والفقد العظيم للشركه استاذ وليد فرح مصعب شديد وفكر انه فرصه احتمال القيها واعرف اي شئ او اقدر اتكلم في الموضوع بطريقه اسهل لوجوده في البيت ...
في بيت حاج احمد مصطفي
حبوبه انا جيت وشوفي معاي شنو شنطه كبيره ي بت دا شنو جايه قاعده كم شهر انتي كلها اسبوع جايبه هدومك كلها مجنونه ي سلمي ي بتي حبوبه بدل تقولي مشتاقين كويس احمد ولدي وينه ال نسلم عليه دخل الصالون ي حبوبه ناديهو طيب احمد حبوبه عايزه تسلم عليك قعد احمد مع حبوبه مسافه طويله وحبوبه خلتني بعيدة عملت ليهم شاي وجيت عشان احاول افهم بقولو شنو
عملت ليكم احلي شاي اتفضلو خلاث ي ولدي اشرب الشاي ومن بكره تجيب ليك كم غيار انا م برضي تقعد براك في البيت بيت عمك كبير تمو الاسبوع معاي وارجعو وكان احمد بعاين لي م عرفت اقول ل حبوبه شنو سكت وبقينا نشرب في الشاي واحمد استاذن وطلع ...
حبوبه انا جيت اقعد معاك برانا احمد ليه اجي ي بت راجلك اقعد براهو في البيت اسبوع كامل ي حبوبه والله عملت اكل لمده اسبوع وزيادة ونضفت كل البيت ولو علي الهدوم البت بتجي كل يومين تغسل تاني شنو سلمي ي بتي انتي ليه م دايره احمد وهو دايراك مرته رهام وطلقها تقعدي في بيتك وتمسكي راجلك وبناتو بناتك تمسكهم وتبقي امهم التانيه كنت بسمع في حبوبه وكلامها حسيته قاسي شديد ليه ي حبوبه رهام ذنبها شنو خليها ترجع لي احمد وديل بناتها اتربو مع امهم غايتو انتو ي بناتي انتي ومحاسن اقعدن حبن لي ضراتكم كدا ي بت اوعي وانتبهي وامسكي راجلك وبيتك ورهام م بترجع تاني احمد ولدي طمئني خلاث بناته اكونو معاهو خلاث اعقلي ي بتي واحمد ولدي زين وطيب ي حبوبه انا عايزه اطلق ... م عارفه قلتها كيف قدام حبوبه بس م سمعتها الا وهي تكورك سجمي ي بتي ليه احمد زعلك في شنو كنت بسمع صوتها بعيد بعيد وفجاة م حسيت بحاجه وكالعادة بصحي علي صوت محاسن اختي بقيت انسانه ضعيفه اقل زعل او مشكله بحس الدنيا لافه وبصحي في مستشفي وحوليني اهلي مسكت محاسن وبقيت ببكي ليه ي سلمي احكي لي م تبكي خلينا نرجع البيت سمح اصلا كنا طالعين بس
احمد اجي نطلع طوالي مسكتني محاسن وبقينا طالعين ركبنا العربيه وانا راقده ومغطيه وشي وفجأة قلت لي احمد وقف العربيه مسحت دموعي وقلت لي محاسن انا عايزه اطلق واسي قبل م اصل بيت حبوبه سلمي ي اختي اصبري شويه نمشي البيت وترتاحي وبعدها نتكلم لا وعاينت ل احمد طلقني لو بتحب بناتك وفي يوم واحد حبيت رهام طلقني ي احمد ولو انت بجد ود عمي وخايف علي طلقني انا تعبت وقراري نهائي محاسن بتحاول تسكتني وانا عيني من احمد م نزلتها ومنتظره بس الكلمه تطلع منه بس ولا كاني بقول في حاجه دور العربيه تاني وانا ولا كضبت فتحت الباب وقعت ... الحمد لله م حصل لي شئ لانه العربيه كانت ياداب متحركه بس نظره محاسن اختي وهي بتبكي وحاضناني واحمد مخلوع وماسك راسه وبقول لا حولا ولا قوة الا بالله ي بت انتي مجنونه سلمي عايني لي هنا دا كله عشان عايزه الطلاق ي بت عمي انا عايز ليك الخير وقعد جمبي ومسك يدي شديد ي سلمي في حاجات م ح نقدر نغيرها رهام اختارت تبعد عني حاولت كم مره ارجعها يعني خاته انا بالسهوله دي اتخليت عنها بس هي اصرت وسكت كمل ي احمد اصرت شنو انه انا ابعد صاح طيب رجعنا لنفس كلام طلقني انا ي محاسن م عايزه جامعه يخوانا خلونا ننهي الموضوع هنا محاسن سلمي عليك الله ارح البيت ونتكلم اسي وقفه الشارع شنو الناس بتعاين فينا كلها الحمد لله وقعدتي في التراب دا م شارع زلط انا م عندي غيرك ي اختي وعيالك خالهم لمنو وماشه عليك الله اركبي وبحصل اي حاجه انتي عايزاها ركبنا العربيه واحمد قال ل محاسن الموضوع انتهي هنا م نكلم حبوبه بحاجه براها عيانه وي سلمي عليك الله انا قلت ليها انه احنا زعلانين شويه عشان كدا قلتي كدا حبوبه م بتقدر حركه رأسي بالموافقه وصلنا البيت حبوبه بس تشيل وتحضن فيني وتضرب فيني بيدها بتي المجنونه انتي كويسه الحمد لله ي حبوبه عايزه انوم بس نومي ي بتي الحلوة ...
يتبع
