#المنتصف ❤
الجزء 16
في بيت حاج احمد مصطفي
صوت ناس كتيره وجوطه وناس طالعه وداخله وناس بتجي عندي وتبكي وتمسك فيني وانا بعاين ليهم بكون عايزه اسالهم في شنو بس م قادره اتكلم عيوني ليه وارمه كدا ليه محاسن اختي بتبكي ليه بيتنا فيه كل الناس دي للمره التالته محاسن اختي بتديني كفوف وانا ولا كاني موجودة معاهم شايفه الحكايه كلها حلم م قادرة اصدق حبوبه ماتت 💔 حبوبه لسه موجودة انتو بتقولو شنو امي في كلمتها قلت ليها ح اجي اقعد معاك تمشي وتخليني لالا حبوبه في انتو بتكذبو علي استمريت علي الحال دا لمده اسبوع بعدها ابوي جاء اتكلم معاي وقال لي ي سلمي انا لله وانا اليه راجعون الموت حق ي بتي وكلنا ح نموت ادعي لحبوبتك بالرحمه كفايه ال بتعمليهو في نفسك دا ح تعذبي حبوبه ادعي ليها بس 💔 م غاليه علي ربه ي بتي اتصبري وقولي الحمد لله علي م ارد الله مسكت في ابوي شديد وطلعت عبرتي كلها بقيت بصرخ لمن كل الناس اتلمت فيني ابوي قال ليهم خلوها احسن تبكي ...
في بيت مصعب
الحمد لله ي امي شغلي بقي احسن وحابب اعمل شويه تعديلات في البيت ي ولدي البيت كبير ويسع الحبايب كلهم 😂❤️ اها ح نفرح بيك قريب والله ي امي حصل وفاة لبت دي وح انتظر شويه حتي اقدر افتح معاهم الموضوع خير ي ولدي ربنا يسهل عليك ويتم ليك علي خير دا يوم المنا يوم افرح بيك 😭❤️....
مر شهرين علي فراقك ي حبوبه م عارفه انا لسه حاسه بيك موجودة هنا لسه سامعه صوتي بتي الحلوة جيتي ليه ي حبوبه بدري شديد خليتيني براي 💔😭😭😭 كنت طول الوقت في غرفه حبوبه بيتنا كان عادي جدا جوطه اولاد اخوي في البيت ومرتو حسيت كانهم م بتذكرو حبوبه عايشين عادي شديد بضحكوا وبتلمو واخوي مره مره بسلم علي وبسالني سلمي كيفك ؟ وبرد الحمد لله جهزت شنطتي الليله ماشه اقعد مع محاسن كم يوم حاولت ارفض كم مره بس هي اصرت علي اجي عشان تحاول تطلعني من البيت ومنو القال
حبوبه في البيت حبوبه في قلبي ومعاي في كل مكان ربنا يرحمك ويغفر ليك ي حبوبه ويصبرني علي فراقك المر اللهم اغفر لها وارحمها واجعلها من أصحاب الجنه ي رب طلعت وركبت ركشه من نزلت جات علي كوثر تشيل وتسلم علي والله مشتاقين ي سلمي الله عملت ليك كيك وحلويات م زي حقتك بس والله ظبطتها المره دي ابتسمت ليها ودخلت سلمت علي عيالي الحلوين وقعدت العب معاهم جاء محمد داخل سلم علي وهو مكشر وشه وناد محاسن واتكلم معها كتير ورجعت وشها م عجبني محاسن محمد زعلك في حاجه عادي ي سلمي اها جيتي تقولي كلامك داك 😂😂 سمح اها قولي وكانت بتعاين لي وعيونها فيها فرحه كدا ضحكت وقلت ليها لالا م دايره اقول حاجه جعانه بس وين الحاجات الحلوة ي كوثر تميت الاسبوع كله عند محاسن وقلت ليها بعد دا ارجع ي بت اقعدي ليك كم يوم تاني ماشه لشنو عارفه ابوي فرحان بجيت ولدو وظبطو شغلهم سوا ومره اخوك م صدقت بقت ست البيت 😂😂 بحس بيها غريبه يااخ ضحكت لي محاسن وقلت ليها اي والله لكن والله عيالو ماشاء الله عليهم حلويين هووي احلي م عيالك عاد في زي عيالي ربنا يحفظهم برجع ليك تاني خليني ارجع البيت اسي هناك بيت حبوبه 💔 ي سلمي ل بتين ح تكوني كدا ي اختي حبوبه فاتت الحياة م ح تقيف لازم تشوفي عايزة تعملي شنو انا بتكلم مع ابوي ترجعي الجامعه م ح يرفض ي سلمي وحبوبه قالت كدا م بتتذكري قالت ليك ي سلمي اقرئي واعملي ال بسعدك بس واختارت سعادتك علي كل حاجه علي ولدها وحفيدها اختارتك انتي وسمعت كلامك تجي تبقي مدفونه كدا سلمي فوقي انتي سلمي القويه اختي المجنونه حضنت محاسن شديد وقلت ليها ان شاء الله اقدر ارجع سلمي الزمان بس م عايزه جامعه ي محاسن كل م اتذكر الجامعه بتذكر كل حاجه حصلت بسببها انا طلعت من نفسي ومالي قاعده في بيت ابوي وبجيك هنا الا كان م دايراني لكن بجي لعيالي اصلو م بشتغل بيك 😂 ي مجنونه انا لاقيه اختي المجنونه وين ايوه كدي ارجعي لينا ❤️.....
اتفضل ي باش مهندس مصعب اتفضل .. اهلين بيك استاذ محمد رسلت الولد اجيب لينا جبنه من تحت دقيقه انادي اجيب ليك كمان لالا ولا يهمك شربت مع الشباب تحت اها ان شاء الله الشغل ماشي تمام ماف عوجه لالا الحمد لله كله تمام انا صراحه جيت لموضوع تاني مختلف انتظرت الوقت المناسب عشان اتكلم فيه انا الحمد لله ي استاذ محمد انت عارف وضعي الوالدة الله يديها العافيه واخواتي الحمد لله كلهم اتزوجو عندي اخواتي اتنين لسه معاي لمن ربنا يكتب ليهم النصيب باذن الله نويت اتم نص الدين واتزوج الف الف مبروك ي مصعب دا كلام جميل والله العمر بعدي والله خلينا نفرح بيكم ي شباب ... انا صراحه عايز اتقدم ل سلمي بت عمك ي استاذ محمد منو سلمي ؟؟!! ......
في بيت حاج احمد مصطفي
ي سلمي تعالي الغذاء جاهز جايه دقائق بس قفلت كتاب المصحف وطبقت مصلايتي وقمت علي الحوش في اتجاه مره اخوي قعدت معاها واكلنا والعيال كمان سالتها عن ابوي قالت ح يتاخر في الشغل شويه اكلنا وقمت غسلت العدة وقشيت الحوش ورشيتو زي زمان 💔 عملت الشاي وختيتو قصاد سرير حبوبه وقعدت ابوي جاء داخل سلم علي وسالني بقيت كيف الحمد لله ي ابوي اعمل ليك الغداء دقائق بس انتظري ي سلمي اكلت برا عايز اشرب بس شاي من يد بتي الحلوة دي بس 😍❤️ طوالي ي ابوي شربت مع ابوي الشاي وحسيت حبوبه معانا كنت مبسوطه شديد ورجعت سلمي ال بتضحك وجنها مشاكل وكلام كتير حسيت براحه كدا في قلبي ابوي بشبه حبوبه شديد وجودو بقي لي راحه جدا تاني كل يوم اشرب الشاي كدا مع بتي الحلوة عاينت ليه شديد وجريت عليه حضنتو ابوي قاسي شويه بس عمرو م قصر معاي في حاجه بخاف علينا جدا وبحب لينا الخير كلام حبوبه م غلط ابدا ❤️ لميت حاجات الشاي ومشيت غرفتي فتحت تلفوني وبقيت بلعب فيه اتصلت علي محاسن بعد السلام وكدا قالت لي اجي بكره عندها قلت ليها اكلم ابوي طيب اشتقت لعيالي زاتو يلا ل بكره باذن الله ...
يتبع
