فوقت لغدا كامل تلموا على الطابلة نزلت و هي تشوف فيهم جالسين بنفس الترتيب تع بكري برك امها مريحة جنب مراد عوجت فمها ووقفت شافت مع جدها و لعصا لي فيدو مبعد بدلت عينيها لمرت عمها
خديجة : جوزي قعدي علاش مزالك واقفة
تبسمت و قعدت حدا هشام و شافت فعمها مراد يفنش ماعاجبوش الحال
سوار : جدو علابالك بلي سيد علي جاي عندك لعشية ؟
شافت مراد كي يدو رعشت عضت شفتها و شافت مع جدها
سوار : تحب نحضر معاك ؟
جدها حط يديه عالطابلة و شاف فولادو
سليم : نشالله .. مراد و عدنان مش قال فريد يحتاج توقيع تاعكم فالشركة !! فطريقكم كي تروحوا لمدينة جيبوا لبذور رانا داخلين عالشتا و لازمتنا
مراد : تقابل سيد علي وحدك ؟؟
سوار : جاي بش يشوفني انا .. انت وش دخلك فالنص ..
الجد خبط يدو عالطابلة بغش
سليم : احترمي لي كبير عليك .. و كي يهدروا لكبار الصغار يسكتوا فهمتي ؟
عوجت فمها و بدات تاكل كل همها انو حابة تعرف علاش دارو التحالف مع سيد علي بالرغم من انو دار انقلاب كيفاش قدروا يتقبلو هاد الشي
دوب كملت مكلتها استأذنت و خرجت ضربتها نسمة هوا باردة غلقت الفاست عليها و مشات للاصطبل .. ركبت على اصيل و مشات ..
وجهتها باينة لوين .. لجبل واد لخناجر .. بقات طالعة فالعتبة و تشوف مع الاثار لي فالطريق ماتحس غير بواحد فوجها بقات تشوف معاه مبعد شافت موراه لقات رجال خلاف خدات نفس و نزلت من عالعود
وقفت مقابيلو تبان قزمة قدامو تشوف مع عينيه
سوار : شكون انت ؟ شغل علاش اك فالبلاصة دي !
شافت الرجال لبستهم خاطي الدوار خلاص .. عوجت فمها و عاودت شافت فيه
سوار : شوف هدا لجبل تابع لعايلتي يعني راك فمنطقتي .. وش راكم ديروا مثلا ..
بقى ساكت ماحبش يحكي معاها عقدت حواجبها جات رح تهدر تحس بضربة فرقبتها خلاتها تغمض عينيها ماتحس بحتى شي خلاف لف يدو عليها قبل لا طيح و شاف معاها نفخ و دور يديه على رجليها رفدها حطها تحت شجرة ، نحا لحاف لي كان مغطي بيه وجهو و رماه عليها
أنت تقرأ
لجام الفرس
Romanceعنوان : #لجام_الفرس 🖤 الكرو #قيد الكتابة 👌 الكاتبة : randa_lk# 👑 ممنوع النقل بدون اذني ❌ _________________ لست مخضرمة في فن الغرور و الكبرياء . و لكني املك ما يكفي لانقادي من تحت غطرستك البالية . 💪 حتى لو آلمني عشقك و احمرت عيناي حد البكاء . فلن...
