مريم : لالة خديجة واش هاد العيب لي راكم ديروا فيه اه ! كيفاش تجيبونا حتى لباب داركم و دخلونا لوسطكم و تقسموا معانا خبزكم و ملحكم و فاللخر تقولونا زواج مكانش ! واش الاهانة هادي كامل ! راني لالات العشاير و كلشي تحت يدي .. بش تجي وحدة قد بنتي تهيني فوسط داركم و نتوما ساكتين غير هادي لي مانقبلوهاش
زهور بقات شادة فصدرها حاسة هاد الشي رح يكبر فوق حقو .. بسباب التهور و التسرع تع سوار
خديجة : حاشاك و حاشا قدرك .. برك هي شوية مش متقبلة و كيما جات من المدينة و مش موالفة بعاداتنا و تقاليدنا ماديريش عليها
سلمى : نكار اصلو ما نستنو منو لا خيرو لا شرو
زهور : حكايات لكبار مايدخلوش فيهم الصغار اسلمى
مريم : نتمنى تخمموا مليح فقراركم .. عارفين بلي الزواج هدا لازم يتقام و بلي داروا عليه عرف الدم .. غير هكا ماتلوموا غير رواحكم
خديجة : واش ا بنتي مريم اكي تهددي فينا ولا وشنو !
مريم : حاشا نهددكم فوسط داركم و عشيرتكم .. اما الزواج دا في مصلحة الجميع .. هدا لي عندي
دورت هزت البرنوس تاعها لبستو و مشات الزعاف لاحقلها للراس
بقا واقف شوية و خرجتلو يماه و هي تترعد وحدها و تحاول ماتبينش.. تبسم كيف راها هكك عمل براسو تحية لزهور و خديجة لي كانوا فالباب مشى فتح الباب ليماه تع الطونوبيل و ركب مام هو و ديمارا .. شافت امو فيه قاعد و الفرحة قريب تنطق من جنابو..
مريم : تبان ميت بالفرحة .. تقول ربي هز عبد و حط عبد خلاف .. مش كنت رافض الزواج هدا و داوست مع باباك على جالت العرف .. و درك فرحان .. اكيد تفرح هاي رفضت .. و كانت القطرة لي تفيض الكاس مع العشيرة
جديس : حتى حاجة مارح تصرا .. بنت الهاشمي تحب تزيد عليها
مريم : واش خلاك تقرر تدير عادة المنديل و تنفد العرف البارح ! بلا ماتشاور ماتخبرنا
جديس : بدينا فالمسقي درك واقيل .. اغلقي الموضوع يما ماعليش ..
دخلت للدوش نحات الشال من رقبتها و طلعت شعرها تشوف مع الضربة .. خدات قطن و دوا و بدات تعقم فالجرح حتى دخلت عليها فاتن .. شافت معاها و بقات تستنا فيها تهدر
فاتن : سمعت بلي رفضتي امير العشائر
سوار : و امبعد
أنت تقرأ
لجام الفرس
Romanceعنوان : #لجام_الفرس 🖤 الكرو #قيد الكتابة 👌 الكاتبة : randa_lk# 👑 ممنوع النقل بدون اذني ❌ _________________ لست مخضرمة في فن الغرور و الكبرياء . و لكني املك ما يكفي لانقادي من تحت غطرستك البالية . 💪 حتى لو آلمني عشقك و احمرت عيناي حد البكاء . فلن...
