غمضت عينيها و التخمام ياكل فيها .. مافاقت غير برقية تنوض فيها .. حلت عينها و عوجت فمها
سوار : مش كانك دصرتيني زيادة نتي تاني ؟
ضحكت رقية : نوضي توجدي روحك .. حماتك جاية بش تحط الكلمة عليك
- متخلينش نبدا بيك بالحماة تع الزمر تاعك
شافت مع يدها و زادت معاها
- وينو خاتمك .. لي مدتهولك حماتك ؟
شافت سوار مع صبعها و امبعد غمضت عينيها و رجعت ترقد
- علاباليش بلاك فالحمام نسيت وين حطيتو و مانحبش نحطو
ناضت رقية مشات للحمام تحوس عليه و جابتهولها
- هدا لازم يبقى فيدك ماتنحيهش
حلت عين و شافت فيها .. نفخت بالصوت و ناضت
سوار : خليه يقعد عندك كي تجي مدهولها و ديجاك مايهمنيش تجي ولا تزمر انا منيش موافقة على هاد الزواج
رقية : نقصي حسك سوار .. و الامير خيرك نتي .. يعني نتي هي مرتو .. و متنسايش بلي رميتي المنديل يعني وافقتي خلصتي مابقاتش هدرة درك هيا نوضي وجدي روحك
نفضت روحها و ناضت تلبس فالبليغة بالزعاف
سوار : ما دريت كيفاش معاد متحملك .. شحال تهدري بسلامتك ..
خلاتها و فتحت الخزانة جبدت قش و دخلت للحمام
شافت معاها رقية و تنهدت
رقية : صدقيني كلشي لمصلحتك
نطقت ليها سوار من داخل : نسمع فيك راني
تبسمت رقية و ناضت تفرز فالبيت
دوب خرجت تغلق فقفال الشوميز لقات ريحة البخور تعطرق فالبيت رجعت تكح و رجعت رقبتها حمرة و مش قادرة تاخد النفس
سوار : ياخي بش تقتليني ولا
رقية : يخي هدا بخور يبعد العين و الحسد
بقات تكح و تسد فخشمها و فتحت الباب و خرجت
رقية : يخي شبيك .. استنايني
نزلوا يتجاراو لتحت لقات الحالة نظيفة فوق اللازم هدا الشي كامل على جالت حماتها لي جاياتها فنشت و دخلت لبيت جدها .. ملقاتوش بقات تحوس عليه و رقية عقابها
أنت تقرأ
لجام الفرس
Romanceعنوان : #لجام_الفرس 🖤 الكرو #قيد الكتابة 👌 الكاتبة : randa_lk# 👑 ممنوع النقل بدون اذني ❌ _________________ لست مخضرمة في فن الغرور و الكبرياء . و لكني املك ما يكفي لانقادي من تحت غطرستك البالية . 💪 حتى لو آلمني عشقك و احمرت عيناي حد البكاء . فلن...
